Праваабарончы цэнтр «ВЯСНА»

31.01.2011 На волі Наталля Радзіна

Як стала вядома праваабаронцам, з ізалятара КДБ 28 студзеня адпусцілі журналістку Хартыі’97 Наталлю Радзіну.

31.01.2011 29 студзеня з амерыканкі вызвалены Някляеў

Увечары 29 студзеня Уладзімір Някляеў быў вызвалены з турмы КДБ пад хатні арышт. Як гэта адбывалася - відэа "Нашай Нівы". Някляеў выглядае не вельмі здарова, але ўсьміхаецца. Голас бадзёры. Гэбісты вялі яго пад рукі. Было ўражанне, што ён сам не можа добра ісці.

31.01.2011 Перад з’ездам «Маладых дэмакратаў» знік Аляксандр Сергеенка

Сябра АГП Аляксандр Сергеенка нечакана не прыйшоў у суботу на з’езд «Маладых дэмакратаў».

30.01.2011 Крымінальная справа аб масавых беспарадках: 42 абвінавачаныя і 12 падазраваных

Праваабарончаму цэнтру “Вясна” вядома, што прад'яўлены абвінавачанні 42 чалавекам па справе аб масавых беспарадках і яшчэ 12 чалавек знаходзяцца ў статусе падазраваных. Колькасць падазраваных і абвінавачаных павялічваецца, дадзеныя звесткі дапаўняюцца.

30.01.2011 Затрыманьні пад час акцыі ля будынку КДБ. Суды пачнуцца ў 10 раніцы

30 студзеня а 18-й гадзіне ля цэнтральнага ўваходу ў будынак КДБ у Менску адбылася несанкцыянаваная акцыя салідарнасьці з палітычнымі вязьнямі. Да будынку КДБ выйшлі людзі з партрэтам Андрэя Саньнікава і надпісам "Свабоду Саньнікаву".

29.01.2011 Алега Воўчака дапыталі паўторна

Праваабаронцу, кіраўніка праваабарончага цэнтру «Прававая дапамога насельніцтву» Алега Воўчака 29 студзеня дапыталі па справе пра падзеі 19 сьнежня.

29.01.2011 Шэіна выклікалі ў ваенную контрразведку

Сёння, 29 студзеня, Аляксей Шэін, сустаршыня аргкамітэта БХД, быў выкліканы на размову ва ўпраўленне ваеннай контрразведкі КДБ.

29.01.2011 Зьнік брат Аляксандра Атрошчанкава Цімафей

Затрыманы і зьвезены ў невядомым кірунку Цімафей Атрошчанкаў — брат зьняволенага паводле крымінальнай справы аб масавых беспарадках 19 сьнежня Аляксандра Атрошчанкава, прэсавага сакратара кандыдата на прэзідэнта Андрэя Саннікава.

29.01.2011 У Мазыры супрацоўнікі КДБ правялі вобыск у члена АГП Леаніда Арлова

У Мазыры 28 студзеня супрацоўнікі КДБ правялі вобыск на лецішчы і ў кватэры члена Аб'яднанай грамадзянскай партыі Леаніда Арлова.

28.01.2011 Допыт Арцёма Дубскага доўжыўся 7 гадзінаў

Як паведаміў маладафронтавец, сёння ён быў дапытаны ў якасці сведкі па крымінальнай справе аб масавых беспарадках. Допыт доўжыўся 7 гадзінаў.

28.01.2011 Сяргея Казакова змясцілі пад варту па крымінальнай справе аб масавых беспарадках

Актывіст "Еўрапейскай Беларусі" быў затрыманы ўчора па дарозе на працу. Сёння ён змог паведаміць сябрам, што быў дапытаны ў межах следства па крымінальнай справе па арт. 292 КК РБ "Масавыя беспарадкі". Абраная мера стрымання - пад вартай. Пакуль не вядома, Сяргей Казакоў знаходзіцца ў статусе падазраванага ці абвінавачанага.

28.01.2011 Пасля ператрусу Алеся Кіркевіча павезлі на допыт

Супрацоўнікі КДБ правялі ператрус у кватэры намесьніка старшыні Маладога Фронту Алеся Кіркевіча, пасля чаго яго забралі на допыт.

28.01.2011 Наваградзкіх актывістаў пакаралі штрафам у 200 тысяч рублёў

Актывістаў БХД Уладзімера Качагура, Сяргея Воўчака і Дар’ю Бахар суд пакараў штрафам за тое, што яны тройчы адмаўляліся зьяўляцца ў міліцыю па позьве. За ўдзел у несанкцыянаваным пікеце суд вынес актывістам папярэджаньне.

28.01.2011 Актывістку БХД з Мастоў Алену Давідовіч папярэдзілі за “неналежнае выхаванне дзяцей”

28 студзеня Алена Давідовіч пабывала на паседжанні камісіі па справах непаўнагадовых, якая разгледзела пытанне аб магчымым адабранні ў яе двух малалетніх дзяцей. Па словах Алены, калі яна прыйшла, рашэнне камісіі было ўжо прынятае. Згодна з ім, у бліжэйшы час з адзінокай маці будзе праведзены шэраг прафілактычных гутарак.

28.01.2011 Арцём Грыбко – 37-ы абвінавачаны па крымінальнай справе аб масавых беспарадках

Грыбко Арцём Фёдаравіч з’яўляецца 37-ым абвінавачаным па крымінальнай справе аб масавых беспарадках. Пра гэта праваабаронцам паведамілі сваякі 22-гадовага арыштанта, які на дадзены момант утрымліваецца ў следчым ізалятары ГУУС па вул.Валадарскага.