Праваабарончы цэнтр «ВЯСНА»

15.02.2011 Кіраўнік Еўрапарламента патрабуе тэрмінова вызваліць Андрэя Пачобута

Па меркаванні сп-ра Бузэка, 15-суткавы арышт, на які асудзілі журналіста, з’яўляецца праявай «ціску ўладаў ў Мінску на тых грамадзян сваёй краіны, якія маюць смеласць думаць інакш і гаварыць пра гэта адкрыта».

15.02.2011 Навагрудцам адмовілі ў змяненні меры стрымання Н.Палажанкі

Вернікам царквы “Новае пакаленне” з Навагрудка адмовілі ў хадайніцтве па змене меры стрымання Насты Палажанкі, якая падазраецца ва ўдзеле ў масавых беспарадках 19 снежня ў Мінску і зараз знаходзіцца пад следствам у СІЗА КДБ.

15.02.2011 Сёння выклікаюць позвай у КДБ маладафронтаўца Змітра Ясевіча

Актывіст быў збіты на Плошчы і патрапіў у шпіталь, магчыма, з-за гэтага ён пазбег затрымання і суда ўжо адразу пасля прэзідэнцкіх выбараў.

15.02.2011 Дашкевіча знаёмяць з матэрыяламі крымінальнай справы

Ад сёньня лідэр “Маладога фронту” Зміцер Дашкевіч пачынае знаёміцца з матэрыяламі крымінальнай справы, узбуджанай па ч.3 артыкула 339 Крымінальнага Кодэксу ( асабліва злоснае хуліганства), якое прадугледжвае пакаранне ў выглядзе пазбаўлення волі на тэрмін ад трох да дзесяці гадоў. Абвінавачаньне Дзмітрыю Дашкевічу і актывісту “МФ” Эдуарду Лобаву было прад’яўлена 6 студзеня.

15.02.2011 Гродна: ператрус на кватэры Міколы Лемяноўскага

14 лютага міліцыянты правялі ператрус у кватэры сябра Партыі БНФ Міколы Лемяноўскага. Гэта адбылося пасля таго, як уначы была затрымана дачка Лемяноўскага Вераніка разам з іншай моладзевай грамадскай актывісткай Надзеяй Крапівінай.

15.02.2011 Агляд-хроніка парушэньняў правоў чалавека ў Беларусі, студзень 2010 году

Пачатак году адзначыўся працягам рэпрэсіяў, якія ахапілі краіну пасьля шматтысячнай дэманстрацыі пратэсту супраць фальсіфікацыі вынікаў прэзідэнцкіх выбараў, якая адбылася ў цэнтры Менску 19 сьнежня. Увесь студзень не спыняліся ператрусы і допыты ў КДБ, санкцыянаваныя ў межах расьследаваньня крымінальнай справы па арт. 293 КК РБ “Масавыя беспарадкі”.

14.02.2011 17 лютага пачынаюцца суды ў справе аб масавых беспарадках

Паводле непацверджанай інфармацыі, на гэты дзень прызначаны разгляд справы Васіля Парфянкова. Аб гэтым “Белсату” паведаміў праваабаронца Валянцін Стэфановіч.

14.02.2011 У дзень Святога Валянціна Алесь Бяляцкі даведаўся пра спатканне з Генеральнай пракуратурай

14 лютага пасля абеду старшыні праваабарончага цэнтру “Вясна” Алесю Бяляцкаму затэлефанаваў чалавек, які прадставіўся намеснікам начальніка аддзела па нагляду за захаваннем правоў і свабодаў грамадзянаў Генеральнай пракуратуры РБ Паўлам Елісеевым. Супрацоўнік Генпракуратуры выказаў жаданне пагутарыць з А. Бяляцкім. На пытанне, наконт чаго мяркуецца гутарка, сп. Елісееў адказаў: “Наконт дзейнасці праваабарончага цэнтра “Вясна”.

14.02.2011 Кадэбісты шчыруюць у Мазыры

У пятніцу, 11 лютага, у Мазыры выклікалі на допыт у гораддзел УКДБ па Гомельскай вобласці Алеся Кавальчука – давераную асобу Віталя Рымашэўскага. У панядзелак, 14 лютага, на допыце па выкліку органаў дзяржбяспекі пабываў Рыгор Крывіцкі, які падчас выбараў быў кіраўніком штабу Андрэя Саннікава ў Мазыры. Акрамя таго, позва прыйшла грамадскаму актывісту і правабаронцу Уладзіміру Целяпуну.

14.02.2011 Праваабаронцы абмеркавалі сітуацыю ў Беларусі з Вярхоўным Камісарам ААН па правах чалавека

13 лютага 2011 года ў Маскве адбылася сустрэча расійскіх і міжнародных грамадзянскіх арганізацый з Вярхоўным Камісарам ААН па правах чалавека Наванэтхем Піллэй.

14.02.2011 Гэтым разам Насту Лойка выклікае контрвыведка

14 лютага да праваабаронцы Насты Лойка патэлефанаваў следчы з ваеннай контрвыведкі. Ён адмовіўся прадставіцца і сказаў, што пры сустрэчы можа паказаць сваё службовае пасведчанне. Калі Наста ўдакладніла, што менавіта ад яе патрабуецца, ён адказаў, што хоча запрасіць на размову.

14.02.2011 Следчы КДБ прызначыў сустрэчу даверанай асобе Рымашэўскага, каб уручыць позву

Таццяне Шамбалавай, якая была падчас выбараў даверанай асобай кандыдата ў прэзідэнты Віталя Рымашэўскага, патэлефанаваў следчы Камітэту дзяржбяспекі Андрэй Махуноў і запытаў пра яе цяперашняе месцазнаходжанне. Следчы прапанаваў дзяўчыне сустрэцца недзе ў горадзе, калі яна зараз не дома, каб асабіста ўручыць ёй позву на допыт. Аднак Т. Шамбалава прапанавала выслаць позву поштай.

14.02.2011 На Валадарцы катуюць адсутнасцю сну

Як стала вядома праваабаронцам, у СІЗА па вул. Валадарскага ў Мінску прымяняецца новы від катаванняў – змяшчэнне ў камеру № 69, дзе першыя двое сутак чалавек праводзіць без сну і час ад часу сядзяць хворыя на сухоты.

14.02.2011 І Дземідзенка, І Шаруба на волі

Актывістка “Маладога фронту” Ганна Шаруба перадала віншавальны паштоўкі для зьняволеных маладафронтаўцаў Насты Палажанкі й Алеся Кіркевіча, што ўтрымоўваюцца ў "амэрыканцы". Яна адзіная, хто дайшла да будынка КДБ праз узмоцненыя пасты міліцыі і пераапранутых спецслужбоўцаў. Зараз Ганна Шаруба на занятках.

14.02.2011 Мікіту Краснову праз суседзяў перадалі позву на допыт

Моладзевага актывіста Мікіту Краснова, падазраванага па артыкуле 293, які зараз знаходзіцца за межамі Беларусі, выклікалі на допыт. Як стала вядома, супрацоўнікі крымінальнага вышуку наведалі бацькоў Мікіты ў пятніцу, 11 лютага, аднак тыя не адчынілі дзверы. Тады яны распыталі пра актывіста ў суседзяў і праз іх перадалі для яго позву на допыт.