Праваабарончы цэнтр «ВЯСНА»

17.06.2012 Трэці сектар у Беларусі працягвае працаваць, нягледзячы на сур`ёзныя праблемы

Становішча трэцяга сектара ў Беларусі застаецца складаным, але ён працягвае працаваць. Такі лейтматыў выступленняў, што прагучалі 16 чэрвеня на кангрэсе Асамблеі недзяржаўных арганізацый у Мінску.

15.06.2012 Брэст: ДАІ штрафуе за налепкі "Дзякуй дзеду за Перамогу!" і "На Берлін!"

Нечаканы працяг атрымаўся ў гісторыі са зваротам брэсцкага каардынатара ГА “Рух за Свабоду" Дзяніса Турчаняка наконт арганізацыі акцыі "Дзякуй дзеду за Перамогу!" і "На Берлін!".

15.06.2012 Уладзімір Малей будзе судзіцца з маларыцкімі ўладамі

Юрыст-праваабаронца Уладзімір Малей 15 чэрвеня падаў у суд Маларыцкага раёна скаргу на адмову райвыканкама ў правядзенні пікету “За свабодныя і сумленныя выбары”.

15.06.2012 Гародня: у судах - суцэльная карпаратыўная “салідарнасць”

Прадказальнай адмовай завяршыўся разгляд скаргі жыхара Гародні Уладзіміра Фяненкі, якую ён падаў у абласны суд на прысуд Ленінскага раённага суда. Судовая калегія, якая разглядала касацыйную скаргу, не захацела заглыбляцца ў яе сутнасць і па-фармалісцку адвяла на зацвярджэнне “законнасці прысуду” хвілін дваццаць.

15.06.2012 Беларускія ўлады не гатовыя ў поўнай меры супрацоўнічаць з ААН у межах правоў чалавека

Да такой высновы прыйшлі праваабаронцы ў дакладзе, прадстаўленым Беларускім Домам правоў чалавека і Фундацыяй Дамоў правоў чалавека. Ён быў прэзентаваны на Канферэнцыі па правах чалавека ў Беларусі, якая адбылася 12 чэрвеня ў Жэневе.

15.06.2012 Праваабаронцы настойваюць на прызначэнні спецдакладчыка ААН па сітуацыі ў Беларусі

Такая заява была агучана ў Жэневе падчас канферэнцыі па правах чалавека ў Рэспубліцы Беларусь.

15.06.2012 "Народны Аўтаномны Супраціў" – за вызваленне палітвязняў

У Віцебску з'явіліся ўлёткі з партрэтамі тых, хто "быў пазбаўлены свабоды толькі за тое, што адстойваў свае палітычныя перакананні". Улёткі распаўсюдзілі мясцовыя актывісты "НАС" (руху "Народны Аўтаномны Супраціў").

15.06.2012 Дзяржаўная ідэалогія і прававая дзяржава - рэчы несумяшчальныя

Ідэалагічнае абвастрэнне, якое пачалося на Салігоршчыне пасля выступу Аляксандра Лукашэнкі з пасланнем да беларускага народу і Нацыянальнага сходу ў сярэдзіне траўня, дагэтуль не суцішаецца. На прадпрыемствах раёна стала праводзіцца “інфармацыйна-прапагандысцкая і грамадзянска-патрыятычная праца”, па выніках якой нават ладзяцца агляды-конкурсы “на лепшую арганізацыю ідэалагічнай работы ў працоўных калектывах”.

15.06.2012 Уладзімір Вялічкін працягвае судзіцца за забарону пікету ў падтрымку Алеся Бяляцкага

Праваабаронца звярнуўся да старшыні Берасцейскага абласнога суда з просьбай апратэставаць судовыя пастановы па яго грамадзянскай справе: раённы і абласны суды не задаволілі яго пазовы да гарвыканкама, які адмовіў ў правядзенні пікету супраць асуджэння кіраўніка Праваабарончага цэнтра “Вясна” і віцэ-прэзідэнта Міжнароднай федэрацыі за правы чалавека Алеся Бяляцкага.

15.06.2012 У Міжнародны дзень барацьбы супраць катаваньняў віцебскі праваабаронца зладзіць пікет

Заяўку на правядзеньне пікету праваабаронца Павал Левінаў падаў на імя кіраўніка адміністрацыі Першамайскага раёну Віцебску. Пікет, у адпаведнасьці з заяўкай, мусіць адбыцца 26 чэрвеня на рагу праспэктаў Чарняхоўскага і Будаўнікоў абласнога цэнтру.

15.06.2012 Жыхары брэсцкага “шматпавярховіка” будуць судзіцца з ЖКГ

Жыхары дзесяціпавярховага дома №94 на праспекце Машэрава ў абласным цэнтры падалі ў суд на мясцовае упраўленне жыллёва-камунальнай гаспадаркі з мэтай дамагчыся, каб камунальныя службы і гарадскія ўлады ўрэшце выканалі свае абяцанні наконт капітальнага рамонту.

15.06.2012 Бяляцкі ў калёніі атрымаў трэцяе спагнаньне

Адміністрацыя перавяла палітвязьня ў разрад «злосных парушальнікаў», паставіўшы пад сумнеў магчымасьць выкарыстаньня ў адносінах да яго амністыі, якая рыхтуецца на 3 ліпеня.

15.06.2012 Аналіз сітуацыі ў адвакатуры і галіне абароны правоў асоб, якія падвяргаюцца судоваму перасьледу – у аглядах юрыстаў

Беларускія юрысты пры арганізацыйнай падтрымцы Беларускага дома правоў чалавека і праграмы Сеткі Дамоў правоў чалавека "Міжнароднае права ў праваабарончай дзейнасьці" падрыхтавалі даследваньні па сітуацыі ў адвакатуры Беларусі за апошнія гады і аналітычны агляд праблем у у галіне абароны правоў асоб, якія падвяргаюцца судоваму перасьледу ў Рэспубліцы Беларусь.

15.06.2012 Суд адмовіў эколягам у пазове супраць гатэлю «Пэкін»

Суд Фрунзенскага раёну Менску адмовіў групе беларускіх эколягаў у судовым пазове супраць замежнага таварыства з абмежаванай адказнасьцю «Гатэль «Пэкін-Менск».