Праваабарончы цэнтр «ВЯСНА»

25.02.2011 Місія БДIПЧ АБСЕ прадставіла выніковую справаздачу назірання за прэзідэнцкімі выбарамі ў Беларусі

Як вынікае з даклада, выбары былі адзначаны “недахопам незалежнасці і бесстароннасці выбарчых камісій”, няроўнымі ўмовамі кандыдатаў і дэфіцытам празрыстасці ў ключавых стадыях выбарчага працэсу.

25.02.2011 Суды – прызначаныя, а допыты – працягваюцца

Берасцейскага прадпрымальніка Станіслава Федзько 24 лютага выклікалі на допыт у Маскоўскі РАУС Берасьця. Перад гэтым яму тэлефанавалі з Менску, спрабуючы апытаць пра падзеі 19 сьнежня 2010 года.

25.02.2011 Кабанчука перад вызваленьнем завезлі ў КДБ

Сябры БХД, што чакалі ля ізалятара Акрэсьціна, не змаглі сустрэць пасьля 10 сутак адміністратыўнага арышта Вадзіма Кабанчука, бо перад вызваленьнем яго завезьлі з Акрэсьціна ў Менскае КДБ і яшчэ раз дапыталі ў якасьці сьведкі па крымінальнай справе аб "масавых беспарадках" 19 сьнежня 2010 года ў Менску.

25.02.2011 Прэзідэнт Беларусі адмовіў у памілаваньні асуджаным на сьмерць Бурдыку і Грышкаўцову

Аб гэтым 22 лютага паведаміла прадстаўніца Гродзенскай абласной пракуратуры на тэлеканале АНТ.

25.02.2011 У Магілёве за акцыю 16 студзеня асудзілі ня ўсіх

Магілёўская міліцыя расшуквае яшчэ аднаго ўдзельніка акцыі салідарнасьці з палітвязьнямі, якая прайшла 16 студзеня. Гэта - Максім Анцыповіч.

25.02.2011 Прысуд Парфянкову абскарджаны

24 лютага адвакат Ігар Папкоўскі падаў скаргу на прысуд, які 17 лютага вынес Фрунзенскі раённы суд актывісту штабу Някляева Васілію Парфянкову.

25.02.2011 Адваката водзяць за нос?

Таццяна Станкевіч, адвакат экс-кандыдата на пасаду прэзідэнта Мікалая Статкевіча, з 29 снежня мінулага года не бачыла свайго падабароннага.

25.02.2011 Затрымалі актывіста "Маладых дэмакратаў"

У Мінску затрыманы Даніла Барысевіч, актывіст "Маладых дэмакратаў", моладзевага крыла АГП.

24.02.2011 У гаспадарчым судзе разглядаюць справу «Аўтарадыё»

У Вышэйшым гаспадарчым судзе пачаўся разгляд двух пазоваў «Аўтарадыё» – да Рэспубліканскай камісіі па тэлебачанні і радыёвяшчанні, а таксама да Міністэрства інфармацыі.

24.02.2011 Яшчэ адзін судовы працэс прызначаны на 1 сакавіка

У аўторак, 1 сакавіка, у судзе Фрунзенскага раёна Менска будзе разглядацца крымінальная справа Аляксандра Малчанава, абвінавачанага ва ўдзеле ў масавых беспарадках 19 снежня. Пачатак – а 10-ай гадзіне.

24.02.2011 Расійская “Салідарнасць” патрабуе спынення крымінальнага пераследу Івана Гапонава і Арцёма Брэуса

Аб’яднаны расійскі дэмакратычны рух “Салідарнасць” заклікае падпісацца пад петыцыяй з патрабаваннем вызвалення Івана Гапонава і Арцёма Брэуса, а таксама ўсіх арыштаваных па справе 19 снежня. Петыцыя змешчана на адмысловым сайце, створаным жж-супольнасцю руху ў падтрымку расійскіх грамадзянаў, абвінавачаных ва ўдзеле ў снежаньскіх масавых беспарадках у Менску.

24.02.2011 Дзясяткі каталікоў просяць біскупаў выступіць у абарону палітвязняў

Зварот падпісалі касцельныя актывісты з дзясяткаў гарадоў Беларусі. Падаём дакумент цалкам.

24.02.2011 «Патрабуем тэрміновага і безумоўнага вызвалення журналіста, прызнанага вязнем сумлення...»

1 сакавіка павінен пачацца суд над прэс-сакратаром экс-кандыдата ў прэзідэнты Аляксандрам Атрошчанкавым. 23 лютага на сайце грамадзянскай кампаніі «Еўрапейская Беларусь» з’явілася заява з гэтай нагоды.

23.02.2011 Інфармуйце праваабаронцаў пра фігурантаў справы аб масавых беспарадках

Шаноўнае спадарства, калі вам вядома, што справы кагосьці з абвінавачаных па артыкуле аб масавых беспарадках перадаюцца ў суд ці прызначаны даты судовых працэсаў, паведамляйце, калі ласка, праваабаронцам. Акрамя таго, калі ў спісе на сайце “Вясны” няма звестак пра кагосці з фігурантаў справы, абавязкова інфармуйце пра іх на электронную скрыню viasna@spring96.org ці ў тэлефанаваннях на нумар (017) 331 08 44. Зараз вельмі важна, каб лёсы гэтых людзей не засталіся без увагі і падтрымкі неабыякавай грамадскасці.

23.02.2011 Заўтра ў Мазыры дапытаюць Уладзіміра Целепуна

Упаўнаважаны з гарадскога аддзела ўпраўлення КДБ Прыходзька В.В. 21 лютага асабіста ўручыў позву праваабаронцу Уладзіміру Целепуну. У позве указана, што яго выклікаюць на допыт у якасці сведкі па крымінальнай справе аб масавых беспарадках. На позве стаіць пазнака “паўторна”: першая позва грамадскаму актывісту дасылалася, калі ён знаходзіўся на лячэнні ў шпіталі. Гэтым разам супрацоўнікі КДБ чакаюць Целепуна на допыт 24 лютага а 14-ай гадзіне.