Праваабарончы цэнтр «ВЯСНА»

01.03.2011 Натальлю Радзіну папярэдзілі пасьля інтэрвію Свабодзе

Сёньня міліцыянты прыйшлі да дому ў Кобрыне, дзе рэдактарка сайту “Хартыя 97” Натальля Радзіна жыве пад падпіскай аб нявыезьдзе пасьля вызваленьня з СІЗА КДБ. Натальля пасьпела пазваніць маці і сказаць, што яе павезьлі ў міліцыю "для размовы".

01.03.2011 Улады Наваполацка выдалі тры забароны на правядзенне пікетаў

Пікет, заяўлены Незалежным прафсаюзам работнікаў ААТ «Нафтан», улады Наваполацка не дазволілі з прычыны ... карантыну.

01.03.2011 Ці прыме Рыгор Васілевіч прапанову Алеся Бяляцкага?

“Мне не прыведзена ніводнага аргументу, чаму я не маю права ажыццяўляць праваабарончую дзейнасць ад імя Праваабарончага цэнтра “Вясна” і чым такая дзейнасць наносіць шкоду нацыянальнай бяспецы ці грамадскаму парадку, правам і свабодам іншых асобаў”, -- гаворыцца ў скарзе Алеся Бяляцкага на імя Генеральнага пракурора РБ Рыгора Васілевіча.

01.03.2011 525 тысяч рублёў – за ўдзел у акцыі

Магілёўскага актывіста Максіма Анцыповіча пакаралі штрафам ўа ўдзел у акцыі пратэсту 16 студзеня.

01.03.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду праграмы ў эфір – 15-05 (паўтор - серада 0:05-1:00 і субота 7:05-8:05). Таксама ў гэты час яе можна слухаць праз інтэрнэт на сайце www.racyja.com.

01.03.2011 Радзіну затрымалі людзі ў міліцэйскай форме

Яна паспела паведаміць пра гэта калегам, пасля чаго сувязь перарвалася. Аб гэтым напісаў сайт charter97.org.

01.03.2011 Суд Фрунзенскага раёна: Атрошчанкаў, Малчанаў, Новік (абнаўляецца)

17.25 У судзе абвешчаны перапынак да 10.00 2 сакавіка.

01.03.2011 Суд Маскоўскага раёна: Брэус і Гапонаў

Суддзя Любоў Сямахіна абвясціла перапынак да 10 сакавіка для азнаямлення з новымі акалічнасцямі абвінавачання. Меру стрымання пакінулі ранейшай.

01.03.2011 Суд Маскоўскага раёна: Дзмітрый Мядзведзь

У справе Дзмітрыя Мядзведзя аб'яўлены перапынак да 10 сакавіка - для азнаямлення з новымі абвінавачваннямі. У новым абвінаваўчым заключэнні фігуруюць пацярпелыя - больш за 10 супрацоўнікаў міліцыі, якія падчас акцыі атрымалі пашкоджанні. Сцвярджаецца таксама, што нібыта іншыя дэманстранты трымалі ў руках прылады для гвалтоўных дзеянняў - металічныя пруты, бутэлькі. На думку праваабаронцаў, пракуратура, бачачы падчас папярэдніх працэсаў, што справа развальваецца, зараз спрабуе ўзмоцніць сваю пазіцыю праз "узброены супраціў" і "ахвяраў-міліцыянтаў".

28.02.2011 Алесь Бяляцкі просіць Генеральнага пракурора разабрацца з фактамі катаваньняў

Віцэ-прэзідэнт Міжнароднай федэрацыі правоў чалавека, старшыня Праваабарончага цэнтру “Вясна” Алесь Бяляцкі звярнуўся да Генеральнага пракурора Рэспублікі Беларусь Рыгора Васілевіча з патрабаваньнем прыняць меры пракурорскага рэагаваньня па фактах катаваньняў, якія былі агучаныя 28 лютага ў СМІ былым кандыдатам у прэзідэнты Рэспублікі Беларусь Аляксеем Міхалевічам.

28.02.2011 Прызначаны спецдакладчык па падзеях 19 снежня

Камітэт Міжнароднага Кантролю за сітуацыяй з правамі чалавека ў Беларусі аб'яўляе пра прызначэнне Спецыяльнага дакладчыка па расследаванні падзей у Беларусі вакол акцый пратэсту апазіцыі 19-га снежня 2010 года. Гэтую пасаду зойме незалежны міжнародны эксперт Ніл Джарман - кіраўнік Інстытута па вывучэнні канфліктаў (Вялікабрытанія) і кіраўнік групы экспертаў АБСЕ па свабодзе сходаў.

28.02.2011 Чарговыя затрыманні на Плошчы

На Кастрычніцкай плошчы Мінска затрыманая група моладзевых актывістаў Аб'яднанай грамадзянскай партыі.

28.02.2011 Вазьняк: “Мяне там ня білі, на "ластаўку" ня ставілі”. Дзьмітрыеў ад камэнтароў адмовіўся

На прэсавай канфэрэнцыі, прысьвечанай першым угодкам кампаніі "Гавары праўду!", журналісты запыталіся ў Сяргей Вазьняка і Андрэя Дзьмітрыева, якія таксама знаходзіліся ў ізалятары КДБ, ці ўжываліся ў дачыненьні іх катаваньні.

28.02.2011 Праваабаронцы расшукваюць сваякоў абвінавачаных у масавых беспарадках

Пад вартай знаходзяцца ўдзельнікі акцыі 19 сьнежня Грыбко Арцём, Федаркевіч Алег і Хамічэнка Уладзімір, якія абвінавачаныя па крымінальнай справе па артыкуле 293 Крымінальнага кодэкса Рэспублікі Беларусь "Масавыя беспарадкі".

28.02.2011 3 сакавіка суд над назіральнікам кампаніі "Праваабаронцы за свабодныя выбары"

Супраць сябра аргкамітэта БХД, журналіста інтэрнэт-партала "Весткі" Кастуся Шыталя, які падчас галасаваньня на апошніх прэзідэнцкіх выбарах быў назіральнікам кампаніі "Праваабаронцы за свабодныя выбары" ад БХК, складзены пратакол аб адміністрацыйным правапарушэнні. Яго вінавацяць у парушэнні артыкула 13 Выбарчага кодэкса.