Праваабарончы цэнтр «ВЯСНА»

02.07.2012 Менск: прыхаваная агітацыя за дзейснага дэпутата?

Менавіта так можна расцэньваць з’яўленне ў межах Усходняй выбарчай акругі №107 плаката дэпутата Палаты прадстаўнікоў Нацыянальнага схода Рэспублікі Беларусь Віталя Бусько.

02.07.2012 Водгукі з экскурсіі па гомельскім СІЗА№3: невыносны пах у камерах, няма асвятлення, дрэннае харчаванне

Дзеці са школьнага летніку ў Ветцы наведалі гомельскі следчы ізалятар №3. Аповед мясцовага журналіста аб умовах утрымання зняволеных ўтрымлівае здзеклівы характар.

02.07.2012 Дзяржаўныя СМІ ў рэгіёнах па-ранейшаму ігнаруюць тэму выбараў (дадаецца)

Зыходзячы з інфармацыі, якая паступае з розных гарадоў і мястэчак, можна меркаваць, што пераважная большасць афіцыйных рэгіянальных сродкаў масавай інфармацыі на сёння яшчэ не прыступіла да асвятлення абвешчанай парламенцкай кампаніі.

02.07.2012 Аналітычная тыднёвая справаздача па выніках назірання: 25 чэрвеня - 1 ліпеня

Апазіцыйныя партыі пачалі вылучэнне сваіх прадстаўнікоў у акруговыя выбарчыя камісіі: заяўляецца пра вылучэнне прыкладна 300 партыйцаў, што амаль у тры разы больш за адпаведныя паказчыкі парламенцкіх выбараў 2008 года. Назіраецца павелічэнне інтэнсіўнасці кропкавых рэпрэсіяў супраць структур апазіцыі і грамадзянскай супольнасці. Пры гэтым станоўча ацэньваецца вызваленне пад падпіску аб нявыездзе нядаўна затрыманага журналіста Андрэя Пачобута.

02.07.2012 Ушанаванне Валовіча прайшло пад наглядам людзей у цывільным (фота)

У вёсцы Парэчча, дзе нарадзіўся адзін з кіраўнікоў паўстання супраць Расійскай імперыі 1930-31 гадоў Міхал Валовіч і дзе ўсталяваны мемарыяльны знак паўстанцам, 1 ліпеня сабаралася каля 50 чалавек са Слонімшчыны і Зэльвеншчыны. Увесь час за ўдзельнікамі мерапрыемства сачыў белы “жыгулёнак” з людзьмі ў цывільным, якія здымалі ўсё на відэа.

02.07.2012 Грамадзянская супольнасць заклікае вызваліць палітвязняў

Рэзалюцыя з такім заклікам была прынятая 30 чэрвеня на канферэнцыі Нацыянальнай платформы. Ганаровым сябрам каардынацыйнага камітэта быў зноў абраны праваабаронца Алесь Бяляцкі, які зараз знаходзіцца за кратамі.

02.07.2012 Ягора Віняцкага запрасіліі у РУУС, каб затрымаць і адвезці на Акрэсціна

Актывісту моладзевага крыла кампаніі “Гавары праўду” “Zmena” Ягору Віняцкаму патэлефанавалі 30 чэрвеня з Першамайскага РУУСа Менска і запрасілі падыйсці а 17-00 па справе знойдзенага ноутбука. Аднак у выніку ён апынуўся ў Цэнтры ізаляцыі правапарушальнікаў на Акрэсціна.

02.07.2012 Акцыю "Марафон лістоў для Алеся Бяляцкага" у Кіеве разагнала міліцыя

1 ліпеня ў Кіеве актывісты Кіеўскага інфармацыйнага цэнтра Камітэта міжнароднага кантролю за сітуацыяй з правамі чалавека ў Беларусі правялі марафон лістоў для Алеся Бяляцкага - акцыю ў яго падтрымку.

01.07.2012 Барысаў: у затрыманні сябраў прафсаюза РЭП падазраюцца “сэксоты”

Восем удзельнікаў турзлёту прафсаюза РЭП, які праходзіў у вёсцы Брылі Барысаўскага раёна, былі затрыманыя супрацоўнікамі Барысаўскага РУУС. Сямёра былі адпушчаныя праз тры гадзіны, а кіраўнік Магілёўскага рэгіянальнага аддзялення РЭП Аляксей Яўгенаў так і застаўся ў міліцыі.

01.07.2012 «Аршанская газета» прыступіла да раскруткі будучых кандыдатаў ад улады

У дзяржаўнай “Аршанскай газеце”, № 73 за 30 чэрвеня, спачатку старшыня Аршанскага гарвыканкама нахвальвае старшыню гарадскога Савета дэпутатаў Людмілу Дабрыніну, а затым ўся наступная паласа адведзена пад інтэрв'ю з ёю - адны ідэалагічныя штампы.

01.07.2012 Раёнкі Аршаншчыны ігнаруюць выбары?

Дзяржаўныя раённыя газеты Аршанскага рэгіёна, у адрозненне ад інтэрнэт-сайтаў, публікуюць паведамленні аб прызначэнні выбараў у Палату Прадстаўнікоў з парушэннем тэрмінаў, прадугледжаных на тое дзеючым заканадаўствам.

01.07.2012 Салігорцы зрэдку звяртаюцца ў ААН для абароны сваіх правоў

Мясцовыя праваабаронцы канстатуюць, што жыхары рэгіёна практычна не карыстаюцца даступнымі ім інстытутамі Араганізацыі Аб’яднаных Нацый для абароны сваіх правоў. За ўсю гісторыю незалежнай Беларусі вядома ўсяго некалькі выпадкаў, калі салігорцы скардзіліся ў Камітэт ААН па правах чалавека.

01.07.2012 Грамадскім абмеркаванням на Салігоршчыне быць

Тое, чаго так доўга патрабавалі грамадскія актывісты Салігорска, стала магчымым. Мясцовыя ўлады пачалі публікаваць інфармацыю аб правядзенні грамадскіх абмеркаванняў у адмысловым раздзеле на афіцыйным сайце выканкаму. Тут змяшчаюцца абвесткі па пытаннях, якія тычацца аховы навакольнага асяроддзя і правоў грамадскасці на ўдзел у прыняцці экалагічна значных рашэнняў.

01.07.2012 Гародня: суд Ленінскага раёна ідзе звыклым шляхам

30 чэрвеня суддзя Ленінскага раёна Гародні Людміла Жукоўская, разгледзеўшы скаргу старшыні гарадзенскай гарадской арганізацыі партыі АГП Аляксандры Васілевіч, пацвердзіла правільнасць адмовы гарвыканкаму ў правядзенні пікету пад дэвізам “Сумленныя выбары без Лукашэнкі”. На рашэнні судоў па правядзенні пікетаў сябрамі АГП ужо пададзены тры касацыйныя скаргі.

01.07.2012 У Брэсцкай вобласці змяніліся межы выбарчых акругаў

Колькасць выбарчых акругаў у Брэсцкай вобласці засталася ранейшай - 16, аднак межы некаторых з іх перагледжаны, бо змянілася колькасць выбаршчыкаў. Тэрыторыі некалькіх раёнаў упершыню падзелены і аднесены да розных акругаў.