Праваабарончы цэнтр «ВЯСНА»

06.07.2012 У акруговыя камісіі Віцебшчыны хочуць трапіць 22 прадстаўнікі дэмсілаў

Ад Партыі БНФ вылучаюцца 9 прэтэндэнтаў, 11 – ад партыі левых "Справядлівы свет", двое прыхільнікаў Мікалая Статкевіча – шляхам збору подпісаў. У некаторыя акруговыя камісіі падалі дакументы адразу трое апазіцыйных актывістаў, у некаторыя – ніводнага.

06.07.2012 Пракурор патрабуе для Алеся Яўдахі год "хатняй хіміі"

Прысуд будзе агучаны 10 ліпеня ў Кастрычніцкім раённым судзе сталіцы.

06.07.2012 За 15 сутак арышту дабіцца адмены прысуду немагчыма?

Паводле звестак праваабаронцаў, за пяць гадоў Мінгарсуд толькі аднойчы (!) задаволіў касацыйную скаргу асуджанага на 15 сутак.

06.07.2012 Гомельшчына: апазіцыя вылучыла сваіх прадстаўнікоў у акруговыя камісіі

У Гомельскай вобласці ў акруговыя выбарчыя камісіі вылучаны прадстаўнікі шэрагу апазіцыйных партый. Актыўнасць праявілі Аб’яднаная грамадзянская партыя, Партыя БНФ і партыя левых “Справядлівы свет”.Ці ўключаць каго-небудзь з апазіцыі ў камісіі на Гомельшчыне? У саміх прадстаўнікоў апазіцыйных партый на гэты конт спадзяванняў няма.

06.07.2012 КДБ цікавіцца апазіцыйнай актывісткай

На былое месца працы маладэчанскай актывісткі Таццяны Балабанскай тэлефанавалі з КДБ, каб даведацца, ці яна яшчэ там працуе. Відавочна, што цікаўнасць звязана з пачаткам выбарчай кампанніі і, на думку самой Таццяны, мэта супрацоўнікаў спецслужбаў была ў тым, каб высветліць пра магчымасць яе балатавання ў Палату прадстаўнікоў.

06.07.2012 Полацк-Наваполацк: у акруговыя камісій ад Партыі БНФ ідуць жанчыны

Партыя БНФ вылучыла ў склад акруговых камісій па Полацкай і Наваполацкай гарадскіх выбарчых акругах (№ 28 і № 25) дзвюх жанчын - Леру (Алену) Сом і Вольгу Дамаскіну. Ці пажадаюць ўлады бачыць у шэрагах камісій прадстаўніц апазіцыйнай партыі, будзе вядома 9 ліпеня.

06.07.2012 Менск: АГП вылучае 10 сябраў у выбарчыя акругі, “Рух “За свабоду” - не вылучае

Нягледзячы на высокі прафесіяналізм прэтэндэнтаў ад АГП, партыйцы сумняюцца, што ўсіх іх уключаць у склад акруговых камісій. Тым часам “Рух “За свабоду” прыняў рашэнне не вылучаць сваіх сябраў у склад выбаркамаў.

06.07.2012 Выбаршчыкі асабліва цікавяцца незалежным назіраннем

Паводле чэрвеньскага апытання НІСЭПД, большасць рэспандэнтаў (63,7%) лічаць, што незалежнае назіранне садзейнічае большай сумленнасці і аб'ектыўнасці выбараў.

06.07.2012 Брэст: тэлесюжэты з элементамі агітацыі

Тэлерадыёкампанія “Брэст” пра маючыя адбыцца выбары ў Палату прадстаўнікоў паведамляе сваеасаблівымі сюжэтамі з элементамі агітацыі, у якіх распавядаецца пра дзейнасць цяперашніх дэпутатаў ад Брэсцкай вобласці.

06.07.2012 Улады Берасцейшчыны таксама “піяраць” сваіх кандыдатаў

Вызначыць мяркуемых кандыдатаў у Палату прадстаўнікоў ад улады можна, прааналізаваўшы артыкулы раёнак Берасцейшчыны яшчэ за чэрвень. Тут вымалёўваюцца два прэтэндэнты - дзейсны дэпутат Палаты прадстаўнікоў Леанід Кавалевіч і ваенны палкоўнік Юлій Гвоздзь.

06.07.2012 Заява БХД: у Беларусі распачаліся рэпрэсіі супраць прыхільнікаў байкоту

Беларуская Хрысціянская Дэмакратыя абураная прысудам, вынесеным 5 ліпеня віцебскай актывістцы БХД Алене Семенчуковай, якая атрымала 10 сутак арышту за "непадпарадкаванне патрабаванням супрацоўнікам міліцыі": у яе заплечніку знайшлі 34 ўлёткі за байкот "выбараў".

06.07.2012 Магілёў: ці дапусцяць дэмакратаў на паседжанні па фармаванні акруговых камісій?

Заявы з просьбай дазволіць назіраць за ходам паседжання прэзідыума Магілёўскага абласнога Савета дэпутатаў і Магілёўскага аблвыканкама па ўтварэнні акруговых выбаркамаў падалі старшыні абласных арганізацый апазіцыйных партый - Зміцер Салаўёў (БНФ), Уладзімір Шанцаў (АГП) і Валерый Беразіенка (“Справядлівы свет”).

06.07.2012 Рада ААН па правах чалавека стварае пасаду спецдакладчыка па Беларусі

FIDH і “Вясна” разглядаюць Спецыяльнага дакладчыка як магчымасць для прадстаўнікоў грамадзянскай супольнасці зрабіць іх галасы чутнымі ў той час, калі незалежныя СМІ прымушаюць замаўчаць, дзейнасць незалежных НДА разглядаецца як крымінальнае злачынства, а многім праваабаронцам было нават забаронена выязджаць за мяжу. Уладальнік мандата будзе прызначаны ў верасні гэтага года.