Праваабарончы цэнтр «ВЯСНА»

07.07.2012 Журналіст Павел Свярдлоў выйшаў з турмы на Акрэсціна

7 лiпеня з турмы на Акрэсціна ў Мінску выйшаў журналіст «Еўрапейскага радыё для Беларусі» Павел Свярдлоў. Акрэдытаваны пры МЗС карэспандэнт правёў за кратамі 15 сутак за рэпартаж у мінскім метро.

07.07.2012 ПА АБСЕ заклікае Беларусь да неадкладнага і безумоўнага вызвалення палітзняволеных

Парламенцкая асамблея АБСЕ заклікала Беларусь неадкладна і без папярэдніх умоў вызваліць і апраўдаць усіх палітзняволеных. Як паведамілі БелаПАН у прэс-службе ПА АБСЕ, адпаведная рэзалюцыя была прынятая 7 ліпеня ў рамках ХХI сесіі Парламенцкай асамблеі АБСЕ, якая праходзіць 4—9 ліпеня ў Манака.

07.07.2012 Суд вырашыў канфіскаваць офіс «Вясны»

Пра гэта Натальля Пінчук, жонка кіраўніка «Вясны» Алеся Бяляцкага, паведаміла Радыё «Свабода».

07.07.2012 Брэст: Дзяніс Турчаняк скардзіцца на чыноўніка ў Вярхоўны суд

Брэсцкі каардынатар Руху “За Свабоду” Дзяніс Турчаняк працягвае змагацца за тое, каб суд абавязаў намесніка старшыні мясцовага гарвыканкама Вячаслава Хафізава давесці да ведама грамадскасці рашэнне ўладаў адносна лёсу гістарычнага помніка.

07.07.2012 Алена Семенчукова скардзіцца на ўмовы ўтрымання ў віцебскім ІЧУ

Віцебская актывістка "Еўрапейскай Беларусі" накіравала скаргу ў абласную пракуратуру. На знак пратэсту супраць абвінавачання і несправядлівага, на ейны погляд, пакарання, Алена Семенчукова абвясціла галадоўку, якую трымае ў ІЧУ.

07.07.2012 Сяргея Каваленку прызналі "злосным парушальнікам рэжыму"

Так віцебскага сябра Кансерватыўна-Хрысціянскай партыі БНФ ахарактарызавалі ў магілеўскай калоніі №19, дзе ён адбывае пакараннне. Статус "злоснага парушальніка рэжыму" абмяжоўвае палітвязня ў яго правах - у прыватнасці, абмежаванні тычацца магчымасці карыстацца дасланымі грашовымі сродкамі.

07.07.2012 Грамадзян Беларусі, якія стаяць на прафілактычным уліку ў органах дзяржбяспекі, абмяжоўваюць у выездзе за мяжу

Грамадзянам Беларусі, якія стаяць на прафілактычным уліку ў органах дзяржбяспекі, будзе абмежаваны выезд за мяжу. Гэта прадугледжана ўказам прэзідэнта № 295 ад 4 ліпеня 2012 года, які з`явіўся ў адкрытым доступе на Нацыянальным прававым інтэрнэт-партале.

07.07.2012 Эксперты скептычна ставяцца да новага фармату тэледэбатаў

Палітычны аглядальнік і медыяэксперт Паўлюк Быкоўскі лічыць, што дэбаты ў Беларусі будуць праводзіцца па расійскім узоры, дзе ўдзельнікі проста адказвалі на пытанні вядучага. Гэта значыць, на яго думку, кандыдаты проста атрымаюць дадатковы час для невялікага агітацыйнага выступу. Лідэр ЛДП Сяргей Гайдукевіч адзначае, што ніякіх тэледэбатаў не будзе, таму яны не будуць праводзіцца ў прамым эфіры.

07.07.2012 Барысаў: рашэнне па пазове дэмактывіста Васільева будзе вынесена ў панядзелак

6 ліпеня ў Барысаўскім раённым судзе адбылося паседжанне па пазове старшыні Барысаўскай гарадской арганізацыі АГП Міхаіла Васільева да мясцовага райвыканкаму аб забароне пікету “За сумленныя выбары без Лукашэнкі”.

07.07.2012 У Гомелі з-за афіцыйнага Купалля людзей не пускалі купацца

У Гомелі міліцыя ў сувязі з правядзеннем афіцыйнага Купалля ў Цэнтральным раёне не пускала людзей купацца на цэнтральны пляж. Між тым, у горадзе ўсталявалася невыносная спёка – да +35, а да выратавальнай прахалоды – берага ракі Сож, трапіць нельга.

07.07.2012 Акцыя ў падтрымку палітвязняў у Хоцімску

У людных месцах гарадскога пасёлка Хоцімск 5-6 ліпеня з’явіліся ўлёткі “Палітычным зняволеным важная ваша падтрымка”, у якіх мясцовых жыхароў заклікалі дасылаць палітзняволеным лісты і паштоўкі салідарнасці.

06.07.2012 Чаму ў Гарадку маўчаць пра выбары?

Яшчэ 23 чэрвеня на сайтах райвыканкамаў Віцебшчыны мелася хоць нейкая інфармацыя пра выбарчую кампанію, прычым у адмысловай рубрыцы "Выбары" . Але – не на гарадоцкім сайце, дзе пра выбары няма ні слова дагэтуль. У “Гарадоцкім весніку” - толькі перадрукоўкі з БЕЛТА.

06.07.2012 Сталічныя адміністрацыі маўчаць пра выбары

Толькі на сайце адміністрацыі Ленінскага раёна з’явілася адмысловая рубрыка “Выбары-2012”. На сайтах астатніх раённых адміністрацыяў Менску пра выбары - ні слова.

06.07.2012 У раёнах Берасцейшчыны дэмакраты ідуць у акруговыя выбаркамы

У Івацэвіцкую, Пружанскую і Днепра-Бугскую акруговыя выбарчыя камісіі традыцыйна накіраваныя партыйцы і грамадзяне, вылучаныя ад дэмакратычнай супольнасці шляхам збору подпісаў.

06.07.2012 Пінск: у акруговыя камісіі вылучыліся сябры “Справядлівага свету”

Партыя “Справядлівы свет” вылучыла двух сябраў гарадской арганізацыі - Міхаіла Раманцава ў Пінскую гарадскую выбарчую камісію № 14 і Аляксандра Бурдзейнага ў Пінскую сельскую выбарчую камісію №15.