Праваабарончы цэнтр «ВЯСНА»

18.07.2012 Брэст: дэмакраты ідуць на акругу № 1

Кандыдатамі ў дэпутаты па Брэсцкай-Заходняй выбарчай акрузе № 1 маюць намер вылучацца былы кіраўнік БСДП (Грамада) Анатоль Ляўковіч, старшыня гарадской суполкі БСДП (Грамада) Ганна Канюс і кіраўніца мясцовай арганізацыі партыі “Справядлівы свет” Людміла Дзенісенка.

18.07.2012 Віцебск: ініцыятыўная група Уладзіміра Правальскага зарэгістравана са скарачэннем

Групу ўдзельніка мінулай прэзідэнцкай выбарчай кампаніі камісія "скараціла" на восем чалавек, патлумачыўшы, што яны адмовілі факт добраахвотнага ўключэння ў ініцыятыўную групу. Але Уладзімір Правальскі адзіны, хто прадставіў камісіі ўсе дадзеныя пра сваіх прыхільнікаў, напісаныя імі ўласнаручна.

18.07.2012 "Аршанская газета" дае неіснуючыя тэлефоны выбаркамаў

«Няправільна набраны нумар. Калі ласка, удакладніце нумар і ператэлефануйце». Гэтую фразу чуюць у трубцы выбаршчыкі, якія тэлефануюць на пазначаны ў газеце нумар тэлефона ўчастковай камісіі па Крапівенскім участку № 10. Як паведамілі ў Аршанскім вузле электрасувязі, дадзены нумар бесправаднога тэлефона (WLL) зняты яшчэ 5 ліпеня.

18.07.2012 Жлобін: зарэгістравана ініцыятыўная група прадстаўніка “Справядлівага свету”

Ініцыятыўная група Валерыя Рыбчанкі, кіраўніка раённай арганізацыі партыі левых “Справядлівы свет”, зарэгістравана па Жлобінскай выбарчай акрузе. Раённая структура Партыі БНФ мяркуе свой удзел у выбарах калі толькі ў якасці назіральнікаў. А актывісты АГП пакуль вызначаюцца на гэты конт.

18.07.2012 Карняенку і Ўхналёва выключылі са сьпісу невыязных

Каардынатар грамадзянскай кампаніі «За справядлівыя выбары» Віктар Карняенка і намесьнік старшыні Беларускай партыі левых «Справядлівы сьвет» Валерый Ухналёў выключаныя з базы дадзеных асоб, выезд якім зь Беларусі часова абмежаваны.

18.07.2012 Вярхоўны Суд стаў на абарону суддзі, якая парушыла тэрміны разгляду скаргі Валянціна Стэфановіча

Вярхоўны Суд Беларусі, куды звярнуўся праваабаронца Валянцін Стэфановіч са скаргай на дзеяньні суддзі Цэнтральнага раёна Менска Алены Сямак, не зайшоў падстаў для ўзбуджэньня дысцыплінарнай вытворчасьці ў дачыненьні да суддзі.

18.07.2012 ЦВК вучыць камісіі, як дзейнічаць, калі на ўчастак прыйдуць сябры БНФ ці замежныя журналісты

Цэнтральная выбарчая камісія выдала яшчэ 5 ліпеня пастанову №37 «Аб правядзенні трэнінгаў для сябраў участковых выбарчых камісій» з мэтай «практычнай адукацыі сябраў участковых камісіі асноўным выбарчым дзеянням».

18.07.2012 Заява Amnesty International адносна крымінальнага пераследу Змітра Дашкевіча

Беларускаму вязню сумлення Змітру Дашкевічу пагражае падаўжэнне тэрміну зняволення на адзін год за парушэнне рэжыму адбыцця пакарання. Большую частку свайго зняволення ён правёў у штрафным ізалятары.

18.07.2012 Незалежны навіновы сайт САЛІГОРСК.org патрапіў у спіс забароненых

Пра гэта салігорскім карыстальнікам паслугаў перадачы дадзеных аператара сотавай сувязі ТАА СП “Белсэл” паведамілі ў самой кампаніі. Сайт заблакаваны для абанентаў ад суботы 14 ліпеня. Па словах прадстаўнікоў кампаніі блакіроўка адбылася ў сувязі з абнаўленнем спісу забароненых сайтаў, у які патрапіў і рэгіянальны рэсурс САЛІГОРСК.org.

18.07.2012 Старшыня Партыі БНФ падаў дакументы на рэгістрацыю ініцыятыўнай групы

Старшыня Партыі БНФ Аляксей Янукевіч 17 ліпеня падаў дакументы на рэгістрацыю сваёй ініцыятыўнай группы ў Аўтазаводзкую акруговую камісію № 92, дзе ён ўжо неаднарозава вылучаўся.

18.07.2012 Орша: зарэгістравана ініцыятыўная група Канстанціна Анташкевіча

У ініцыятыўную групу актывіста кампаніі "Гавары праўду", сябра аргкамітэта БСДП (НГ) Канстанціна Анташкевіча ўвайшлі лідэры кампаніі "Гавары праўду" Уладзімір Някляеў, Андрэй Дзмітрыеў, Сяргей Вазняк, Аляксандр Фядута, а таксама мясцовыя актывісты кампаніі.

18.07.2012 Гомель: зарэгістравана ініцыятыўная група Ігара Случака

Сярод пяці ініцыятыўных групаў па вылучэнні кандыдатаў у дэпутаты па Гомельскай-Савецкай выбарчай акрузе №34 зарэгістравана і група каардынатара грамадзянскай кампаніі «Справаводства па-беларуску!» Ігара Случака.

18.07.2012 У Слоніме пакуль зарэгістравалася толькі група Івана Шэгі

Кіраўнік Слонімскай суполкі Партыі БНФ Іван Шэга падаў у Слонімскую акруговую выбарчую камісію № 58 дакументы на рэгістрацыю сваёй ініцыятыўнай групы. Па інфармацыі акруговай камісіі, пакуль гэта адзіная зарэгістраваная ініцыятыўная група.

18.07.2012 Слуцкая раёнка не ўтаіла месцы працы сябраў акруговай камісіі

Раённая газета "Слуцкі край" нарэшце заўважыла, што ў краіне выбары. На сайце выдання з'явілася рубрыка "Выбары-2012", а на першай паласе апублікаваны склад акруговых камісій. Але ўсё ж больш выданне цікавіць тэма недасведчанасці Барака Абамы і Ангелы Меркель, працягнутая пад загалоўкам «Шпіёнскія штучкі ЗША».

18.07.2012 Хоцімск: Каранкевіч зноў падаў дакументы на рэгістрацыю ініцыятыўнай групы

Прэтэндэнт у кандыдаты з Хоцімска Валерый Каранкевіч 17 ліпеня паўторна падаў у камісію Крычаўскай выбарчай акругі № 83 дакументы на рэгістрацыю сваёй ініцыятыўнай групы. Таксама ён накіраваў у ЦВК скаргу на прадстаўнікоў уладных структур, якія аказвалі ціск на сябраў папярэдняй ініцыятыўнай групы па яго вылучэнні ў якасці кандыдата.