Праваабарончы цэнтр «ВЯСНА»

23.07.2012 Турэмнае кіраўніцтва цісне на Францкевіча праз пагрозы іншым вязням

Такім чынам палітвязня спрабуюць ізаляваць, пазбавіць камунікацыі з людзьмі.

23.07.2012 Цэнтрвыбаркам прызнаў, што не размяшчае ўсе свае пастановы на сайце

Аднак старшыня ЦВК Лідзія Ярмошына ў сваім адказе, які атрымаў магілёўскі праваабаронца Барыс Бухель, выказала неразуменне, як неразмешчаныя пастановы аб камандзіраванні членаў ЦВК, аб зацвярджэнні справаздач аб службовых камандзіроўках, альбо аб прадастаўленні адпачынку ёй абмяжоўваюць правы і законныя інтарэсы выбаршчыкаў.

23.07.2012 4 жніўня - Міжнародны Дзень салідарнасці з грамадзянскай супольнасцю і праваабарончым рухам Беларусі

Грамадзянскія актывісты, праваабаронцы і проста неабыякавыя людзі з Расіі і іншых краін выступілі з ініцыятывай аб правядзенні міжнароднага Дня салідарнасці з грамадзянскай супольнасцю і праваабарончым рухам Беларусі і прызначыць гэты дзень на 4 жніўня.

23.07.2012 Слуцк: Збор подпісаў пачалі чатыры ініцыятыўныя групы

Слуцкая акруговая выбарчая камісія зарэгістравала 4 ініцыятыўныя групы прэтэндэнтаў у кандыдаты. Некаторыя прэтэндэнты ўжо прыступілі да збору подпісаў. Як распавяла Юлія Балакір, кіраўнік ініцыятыўнай групы Аляксандра Солапа, случчакі ахвотна ставяць подпісы ў падтрымку гэтага прэтэндэнта.

23.07.2012 У Менску актывістцы БХД адмовілі ў правядзенні двух пікетаў за байкот

У Менску актывістцы аргкамітэту па стварэнні партыі Беларуская Хрысціянская Дэмакратыя Надзеі Іюльскай адмовілі ў правядзенні двух пікетаў за байкот "парламенцкіх выбараў".

23.07.2012 Дазвол на пікет па-мазырску: па замкнёным коле

Мазырскі праваабаронца Уладзімір Целяпун, які 11 ліпеня звярнуўся ў Мазырскі райвыканкам і райсавет з заявай аб правядзеньні вулічнага шэсця ў цэнтры горада 4 жніўня, папярэдне паспрабаваў заключыць дамовы па аплаце неабходных паслуг пад час масавага мерапрыемства.

23.07.2012 У Віцебскай вобласці чыноўнікі масава вылучаюцца ў Палату

Эксперты выказваюць версію, што такім спосабам губернатар Віцебшчыны Аляксандр Касінец імкнецца змяніць старую каманду свайго папярэдніка Уладзіміра Андрэйчанкі на новых людзей.

23.07.2012 Старшыня ЦВК крытыкуе актыўнасць апазіцыі

У інтэрв’ю тэлеканалу “Беларусь1” Ярмошына адзначыла, што “ўдзел апазіцыі ў выбарах нагадвае казку пра голага караля”. “Асобы, якія крычаць, што не хапае свабоды і дэмакратыі, што трэба спрасціць што-небудзь, насамрэч не праяўляюць шмат актыўнасці. Гэта сведчыць пра тое, што самая галоўная праблема - дэфіцыт байцоў".

23.07.2012 У многіх рэгіёнах выбары абяцаюць быць з альтэрнатывай (дадаецца)

Магілёўшчына, Баранавічы, Мінск, Ліда, Слуцк, Барысаў, Пінск і Пінскі раён, Асіповічы, Слонім, Бабруйск, Крычаў, Чачэрск, Полацк, Мазыр, Пружаны, Івацэвічы, Лельчыцы, Орша. Рэгістрацыя і адмовы ў рэгістрацыі ініцыятыўных груп.

23.07.2012 “Пакуль Алесь Бяляцкі і іншыя палітвязні голасу ЕС не чуюць”

Такі асноўны пасыл публікацыі ў аўтарытэтным незалежным палітычным выданні EUobserver.com, аўтар якой, Прэзідэнт Міжнароднай федэрацыі за правы чалавека Суэр Белхасэн, звяртаецца да Еўрасаюза ў сувязі з пагаршэннем сітуацыі з палітвязнямі ў Беларусі.

23.07.2012 Забарона пікету ў падтрымку Бяляцкага абскарджваецца ў Вярхоўным судзе

Брэсцкі праваабаронца Уладзімір Вялічкін накіраваў скаргу на рашэнне мясцовага гарвыканкаму забараніць пікет у падтрымку кіраўніка Праваабарончага цэнтру “Вясна” Алеся Бяляцкага ў Вярхоўны суд Рэспублікі Беларусь.

23.07.2012 Баранавічы: забаронены пікет за паляпшэнне выбарчага заканадаўства

Рыгор Грык: "Праз пікет я хацеў выказаць пратэст супраць адмовы ў рэгістрацыі ініцыятыўнай группы Дзмітрыя Уса па збору подпісаў па ўнясенню зменаў у выбарчае заканадаўства". Гэта ўжо шостая запар забарона пікету, які збіраўся правесці ў 2012 годзе грамадскі актывіст Рыгор Грык.

22.07.2012 У Маларыце так і не апублікаваны спіс сяброў акруговай камісіі

Маларыцкая раённая газета “Голас часу” так і не надрукавала спісы сябраў акруговай выбарчай камісіі Белавежскай выбарчай акругі № 8 у нумары за 18 ліпеня, як было абяцана сябру гэтай камісіі ад Партыі БНФ Пятру Андрыевічу і прадугледжана законам.

22.07.2012 Першы пікет па збору подпісаў - слонімцы праяўляюць зацікаўленасць выбарамі (фотарэпартаж)

21 ліпеня ў цэнтры Слоніма быў наладжаны першы пікет па збору подпісаў за вылучэнне кандыдатам у дэпутаты Палаты прадстаўнікоў Івана Шэгі – лекара-траўматолага, кіраўніка слонімскай суполкі Партыі БНФ.

22.07.2012 Пінскія СМІ па-мінімуму асвятляюць хаду выбарчай кампаніі

Мясцовыя радыё і тэлебачанне ўвогуле абмінаюць тэму выбараў, а вось друкаваныя выданні паводзяць сабе крыху інакш. Газеты “Пінскі веснік” і “Полесская правда” дазваляюць сабе прыхаваную агітацыю за праўладных кандыдатаў.