Праваабарончы цэнтр «ВЯСНА»

29.07.2012 Салігорскія чыноўнікі ігнаруюць патрабаванні Выбарчага кодэксу

Праваабаронца Леанід Мархотка дагэтуль не атрымаў ад Салігорскага выканкаму адказ на свой зварот ад 16 ліпеня з патрабаваннем унесці змены ў рашэнне “Аб вызначэнні месцаў, забароненых для правядзення пікетаванняў з мэтай збору подпісаў выбаршчыкаў”.

29.07.2012 Баранавічы: Пікет за вызваленне Алеся Бяляцкага і ўсіх палітычных вязняў забаронены

Грамадскія актывісты Сяргей Гоўша, Віктар Сырыца і Віктар Мезяк атрымалі ліст за подпісам намесніка старшыні Баранавіцкага гарвыканкама Дз. Касцюкевіча, у якім паведамляецца, што гарвыканкам не дае згоды на правядзенне пікета 4 жніўня.

29.07.2012 У Мазыры да гэтага часу працягвацца блытаніна з выбарчымі ўчасткамі

Кіраўнік Мазырскага аддзялення ГА "Рух "За Свабоду" Рыгор Крывіцкі, які ўзначальвае ініцыятыўную групу Нікадзіма Варановіча, накіраваў заяву ў ЦВК з просьбай даць дакладную нумарацыю выбарчых ўчасткаў і больш дэталёвае апісанне межаў акруг №42 і №43 у горадзе Мазыры.

29.07.2012 Барысаў: Члены акруговай камісіі - хлусяць

Праваабаронцу Алегу Мацкевічу прыйшоў электронны адказ з ЦВК з нагоды яго скаргі на неправамоцную колькасць членаў на пасяджэнні акруговай выбарчай камісіі Барысаўскай выбарчай акругі № 62. Алег Мацкевіч: "Я раблю 2 высновы. Першая. У складзе акруговай камісіі няма сапраўдных прафесіяналаў".

29.07.2012 Магілёўскія фронтаўцы абралі дэлегатаў на з’езд па вылучэнні кандыдатаў

У Магілёве ў грамадскім цэнтры “Кола” 28 ліпеня адбыўся сход па вылучэнні дэлегатаў на перадвыбарчы з’езд Партыі БНФ, які адбудзецца 4 жніўня і вылучыць кандыдатаў у дэпутаты Палаты прадстаўнікоў.

28.07.2012 Зборшчыцу подпісаў не пусцілі ў інтэрнат (відэа)

Валянціну Шчэтнікаву, якая ўваходзіць у ініцыятыўныя групы меркаваных кандыдатаў у дэпутаты Рыгора Антановіча і Уладзіміра Пунчанкі (па Магілёўскай - Цэнтральнай выбарчай акрузе №85) не пусцілі ў інтэрнат для збору подпісаў.

27.07.2012 Мазыр: чаканая адмова Уладзіміру Целяпуну

26 ліпеня праваабаронца Уладзімір Целяпун атрымаў адмоўныя адказы з райвыканкама і райсавета Мазыра на свае заявы аб правядзенні вулічнага шэсця ў цэнтры горада. Мерапрыемства было запланавана на 4 жніўня з мэтай распаўсюду ўлётак з інфармацыяй пра Алеся Бяляцкага і патрабаваннем спыніць супраць крымінальны пераслед праваабаронцы.

27.07.2012 У Бабруйску зборшчыцу подпісаў за незалежнага прэтэндэнта ў кандыдаты не пускаюць у інтэрнаты

Валянціну Глухаву, сябра ініцыятыўнай групы Аксаны Самуйлавай, незалежнага прэтэндэнта па Бабруйскай-Першамайскай выбарчай акрузе № 79, не пусцілі збіраць подпісы ў інтэрнаты па вуліцы Ульянаўскай.

27.07.2012 Бярозаўскія актывісты не задаволены адказам ЦВК

Грамадскія актывісты з Бярозы Сяржук Русецкі і Тамара Шчапёткіна атрымалі адказ з Цэнтрвыбаркаму на сваю прапанову змяніць у выбарчым заканадаўстве пункт, датычны працэдуры абскарджвання неўключэння ў камісіі вылучэнцаў ад грамадзянаў.

27.07.2012 Супольная заява 15-ці міжнародных парламентарыяў па сітуацыі ў Беларусі

У рамках кампаніі шэфства над беларускімі палітычнымі зняволенымі, арганізаванай "Libereco - Partnership for Human Rights", еўрадэпутат ад Польшчы Марэк Мігальскі ініцыяваў супольную міжнародную заяву па сітуацыі ў Беларусі.

27.07.2012 У Бабруйску зноў запрацуе “гарачая лінія” па выбарах

Паводле афіцыйнага паведамлення, патэлефанаваўшы на ўказаныя нумары тэлефонаў, жыхары горада змогуць “выказаць сваё меркаванне па грамадска важных пытаннях”. Як высветлілі мясцовыя праваабаронцы падчас апошніх прэзідэнцкіх выбараў, на "гарачай лініі" працавалі спецыялісты аддзелаў ідэалогіі.

27.07.2012 Бабруйск: Дзверы офіса свабоднага прафсаюза замуравалі (фота)

Дзверы офіса Свабоднага прафсаюза Беларускага на заводзе трактарных дэталяў і агрэгатаў (ТДіА) замуравалі - нягледзячы на пастанову Гаспадарчага суда Магілёўскай вобласці, які адмовіў заводу ў задавальненні іску аб прымусовым высяленні аб’яднання з памяшкання.

27.07.2012 У Магілёве звольнілі з працы аўтара здымкаў пра расталы маргарын

Уладзімір працаваў простым грузчыкам на магілёўскім хлебзаводзе №4. За сваю актыўную грамадзянскую пазіцыю і палітычную дзейнасць актывіст меў некалькі размоваў з адказным за ідэалогію на заводзе сп. Драздом, які прапаноўваў яму альбо стаць на шлях ісціны, альбо звольніцца па ўласнаму жаданню.

27.07.2012 Павел Сапелка: Цяперашняя сітуацыя з Антонам Сурапіным ў СІЗА КДБ нагадвае сітуацыю снежня 2010-га

У сітуацыі з нядопускам адваката да фотажурналіста Антона Сурапіна ў СІЗА КДБ юрыст-праваабаронца Павел Сапелка выказвае занепакоенасць магчымасцю паўтарэння долі арыштантаў Плошчы-2010: у той час як адвакаты “па тэхнічных прычынах” не маглі сустрэцца са сваімі падабароннымі, апошнія падвяргаліся катаванням.

27.07.2012 У Бабруйску пачаўся сезон пасквіляў?

Газета гарвыканкама “Бабруйскае жыццё” надрукавала артыкул пад назвай “Большое счастье господина Борзова”, у якім “перамывае косткі” аднаму з мясцовых грамадскіх актывістаў, які, аднак, не бярэ ўдзелу ў выбарах-2012. Падчас мінулай парламенцкай кампаніі гэтае выданне адзначылася злоснымі пасквілямі ў бок усіх дэмакратычных кандыдатаў у дэпутаты.