Праваабарончы цэнтр «ВЯСНА»

31.07.2012 Камісія магілёўскай турмы № 4 адмовілася змякчыць рэжым утрымання Мікалаю Статкевічу

Аб гэтым Статкевіч паведаміў у лісце да сваёй жонкі Марыны Адамовіч. Паводле яе слоў, ён напісаў ліст па адбыцці 10 сутак у штрафным ізалятары.

31.07.2012 У Магілёве застаўся без працы актывіст Партыі БНФ Уладзімір Трызуноў

Ён працаваў грузчыкам на хлебазаводзе. Як сцвярджае актывіст, звольнілі яго за тое, што ён сфатаграфаваў, а потым апублікаваў у інтэрнэце фота, на якім бачна, як захоўваюцца на прадпрыемстве прадукты, з якіх пякуць прысмакі. Фармальная прычына звальнення Трызунова - прагул.

31.07.2012 Як жыхароў Лепельшчыны рыхтуюць да выбараў

У Лепельскай выбарчай акрузе №23 зарэгістравана ўсяго адна ініцыятыўная група па зборы подпісаў – за вылучэнне старшыні мясцовага райвыканкаму Пятра Шыкшняна. І вось ужо другі тыдзень раённая газета "Голас Лепельшчыны" піша пра дасягненні раёну за апошнія чатыры гады.

31.07.2012 Магілёў: назіральніца абскарджвае нядопуск на першае паседжэнне акруговай камісіі

Магілёўская назіральніца Наталля Самахвалава, сябра “Беларускага Хельсінкскага камітэта”, абскарджвае ў Цэнтрвыбаркам свой нядопуск на першае паседжэнне акруговай камісіі.

31.07.2012 Старшыня камісіі Пружанскай акругі са спазненнем чытае пастановы Цэнтрвыбаркама

Назіральніку ў акруговай камісіі Пружанскай выбарчай акругі № 9 Анатолю Сахарушу патэлефанаваў старшыня камісіі і паведаміў, што яго зарэгістравалі назіральнікам гэтай камісіі памылкова.

31.07.2012 У Светлагорску подпісы збіраюць на футболе і ў аддзелах кадраў

Ініцыятыўныя групы вядуць збор подпісаў за вылучэнне кандыдатаў у дэпутаты Палаты прадстаўнікоў. Адны збіраюць подпісы на вуліцах і па кватэрах, іншыя – праз аддзелы кадраў. Пацвердзілася “жаночая разнарадка” для ўладнага прэтэндэнта.

31.07.2012 Міхалевіча выключылі з цэнтральнай базы Інтэрпола

Гэта вынікае з адказу Інтэрпола на зварот палітыка ў гэтую міжнародную арганізацыю.

31.07.2012 Сёння - суд па скарзе Алега Гулака

У судзе Цэнтральнага раёна старшыня "Беларускага хельсінкага камітэту" будзе абскарджваць незаконнае ўключэнне яго ў базу невыязных грамадзянаў. Суддзя - Алена Сямак.

31.07.2012 Праваабарончая праграма “Людзьмі звацца!” на Радыё Рацыя

Госць рубрыкі "Асоба. Дзяржава. Грамадства" – грамадскі актывіст Іван Амельчанка, які адбыў чарговы адміністратыўны арышт і пры гэтым паспрабаваў вылучыцца кандыдатам у дэпутаты. Чарговы выпуск “Праваабарончага календара" прысвечаны новай даце, заснаванай міжнароднай грамадскасцю ў падтрымку праваабаронцаў і грамадзянскай супольнасці Беларусі.

30.07.2012 “Ляпы” клімавіцкіх чыноўнікаў

З рашэння аб стварэнні участкаў для галасавання, змешчаным на сайце Клімавіцкага райвыканкама пад рубрыкай “Выбары-2012”, бачна, што дакумент папросту спісаны з аналагічнага рашэння мінулай парламенцкай кампаніі, падпісанага В. Грышанавым, які сёння ўжо не займае пасады старшыні райвыканкама.

30.07.2012 Талачынскі раён: досвед мінулых гадоў чыноўнікаў не вучыць

Як высветлілася, пераносы выбарчых участкаў звязаныя з тым, што раней названыя месцы апынуліся не гатовымі да прыёму вялікай колькасці выбаршчыкаў. Адны памяшканні малыя па памеры, іншыя размешчаны ў старых, спарахнелых будынках. Цікава, што гісторыя якраз паўтарае выбары ў мясцовыя Саветы 2010 года.

30.07.2012 Чашніцкі райвыканкам выправіўся пасля заўвагі назіральнікаў

На днях «Праваабаронцы за свабодныя выбары» паведамілі пра памылкі, дапушчаныя пры фармаванні выбарчых участкаў у г.п. Новалукомль Чашніцкага раёна. У прыватнасці, размова ішла пра тое, што адзін і той жа дом, № 32 па вуліцы Энергетыкаў, уключаны адразу ў два выбарчых ўчастка.

30.07.2012 Рубінаў: “Назіральнікі могуць дэзарганізаваць працу камісіі”

Старшыня Савета Рэспублікі прапануе змяніць умовы для вылучэння назіральнікаў – павялічыць парог для вылучэння з 10 чалавек да 100 і акрэдытоўваць не пазней за апошні дзень перад галасаваннем.

30.07.2012 Да сябра акруговай камісіі ад партыі «Зялёныя» хочуць «запрасіць» пракурора

Прадстаўніку Беларускай партыі «Зялёныя» Аляксандру Лагуцёнку прыходзіцца ў адзіночку супрацьстаяць 12 праўладным сябрам акруговай камісіі Заходняй выбарчай акругі № 102.

30.07.2012 Бабруйск: зборшчыца подпісаў падала скаргі на дзеянні чыноўнікаў

Бабруйская актывістка кампаніі “Гавары праўду” Валянціна Глухава 30 ліпеня падала скаргі ў акруговую камісію Першамайскага раёна, пракуратуру Першамайскага раёна і Цэнтральную выбарчую камісію, дзе выказвае нязгоду з тым, што мясцовыя ўлады чыняць зборшчыкам подпісаў перашкоды.