Праваабарончы цэнтр «ВЯСНА»

01.08.2012 Скаргу Сяргея Каваленкі разгледзяць у ААН

Камітэт па правах чалавека ААН прыняў да разгляду скаргу палітзняволенага Сяргея Каваленкі на яго першы прысуд. 7-га студзеня 2010 года ён узняў нацыянальны бел-чырвона-белы сцяг на навагодняй елцы ў Віцебску.

01.08.2012 Сайт palitviazni.info - і на замежных мовах

Неўзабаве з’явяцца новыя моўныя версіі сайту – англійская, польская і руская. Гэта дазволіць пашырыць інфармацыю аб парушэнні правоў чалавека ў Беларусі, аб стане палітычных вязняў.

01.08.2012 Брэст: Суд не пакарае чыноўнікаў

Суд Ленінскага раёна Брэста палічыў неабгрунтаванай скаргу мясцовага актывіста Руху “За Свабоду” Дзяніса Турчаняка, які патрабаваў пакараць адказных чыноўнікаў аблвыканкаму за адмову ў прадастаўленні інфармацыі. Адначасова Турчаняк атрымаў адказ з Брэсцкага абласнога Савету дэпутатаў, з якога вынікае, што народныя абраннікі таксама не маюць магчымасці кантраляваць дзеянні выканаўчай улады.

01.08.2012 Мікалай Лазавік не ведае пра вылучэнне кандыдатаў ад “Белай Русі”?

Сакратар ЦВК выказаў незадаволенасць наконт справаздачы БДІПЧ АБСЕ. У дакуменце акцэнтуецца ўвага на тым, што “Белая Русь” мае намер вылучыць сваіх кандыдатаў практычна на ўсіх выбарчых акругах. Па меркаванні Лазавіка, гэта немагчыма. Тым часам прадстаўнікі “Белай Русі” ўжо пачалі збор подпісаў за сваіх прыхільнікаў.

01.08.2012 Магілёў: Cельская выбарчая камісія не ведае межаў сваёй акругі

Назіральнік ад Беларускага Хельсінкскага камітэта Васіль Ліпскі кажа, што старшыня Сельскай акруговай выбарчай камісіі №88 сп. Яленскі і сакратар камісіі спн. Валянцюк не здолелі на мапе паказаць межы сваёй выбарчай акругі, спаслаўшыся на тое, што самі дакладна не ведаюць і яшчэ не да канца разабраліся.

01.08.2012 Пінск. “Страху няма!”

У Пінску ізноў з’явіліся постэры з грамадскім мэсыджам “Страху няма!”, якія яскрава ілюструюць змены ў беларускім заканадаўстве, якія значна абмяжоўваюць правы і свабоды грамадзянаў - найперш свабоду мірных сходаў, і значна пашыраюць паўнамоцтвы сілавых структур.

01.08.2012 Намесьніца дырэктара «Платформы» не выходзіць на сувязь

Намесьніца дырэктара інфармацыйна-асьветніцкай установы «Платформа» Алена Красоўская-Касьпяровіч з вечара 31 ліпеня перастала выходзіць на сувязь. Пайшла на сустрэчу - і з тых часоў ніхто яе не бачыў, паведаміў "Беларускаму партызану" дырэктар "Платформы" Андрэй Бандарэнка.

01.08.2012 У Брэсце актыўнічае БСДП (Г)

Сярод ініцыятыўных груп, зарэгістраваных у Брэсце для збору подпісаў, найбольшую актыўнасць праяўляюць актывісты, якія ладзяць пікеты за вылучэнне кандыдатамі ў дэпутаты мясцовых лідараў БСДП (Грамада) - Ганны Канюс і Ігара Маслоўскага.

01.08.2012 Смаргонь і Астравец: Патэнцыйныя кандыдаты актыўнасці не праяўляюць

На Смаргонскай выбарчай акрузе №59, у склад якой уваходзяць Смаргонскі і Астравецкі раёны, нарэшце акрэсліліся патэнцыйныя кандыдаты. За дэпутацкі мандат тут збіраюцца змагацца Валерый Кокаш, генеральны дырэктар прадпрыемства “Гроднааблдарбуд” і Мікалай Уласевіч, астравецкі грамадскі актывіст, прадстаўнік АГП.

01.08.2012 Жодзіна: праваабаронцы нагадалі ўладам пра Канстытуцыю й зьвярнуліся ў суд са скаргаю

Праваабаронца Аляксей Лапіцкі 30 ліпеня зарэгістраваў у Жодзінскім гарвыканкаме новую заяву, у якой пастаўлены пытаньні да кіраўніцтва города, якое чарговы раз прадказальна забараніла замоўленае на 4 жніўня пікетаваньне ў падтрымку палітвязняў і пазбаўленага свабоды праваабаронцы Алеся Бяляцкага.

31.07.2012 Экспертнае заключэнне аб нерэгістрацыі ініцыятыўных груп Мікалая Статкевіча і Аляксея Міхалевіча

Рашэнні акруговых выбарчых камісій па выбарах дэпутатаў Палаты прадстаўнікоў Нацыянальнага сходу Рэспублікі Беларусь пятага склікання аб адмове ў рэгістрацыі груп грамадзян (ініцыятыўных груп) па вылучэнні кандыдатамі ў дэпутаты Палаты прадстаўнікоў Статкевіча М.В. у сувязі з тым, што ён адбывае пакаранне ў выглядзе пазбаўлення волі, і Міхалевіча А.А. у сувязі з тым, што ён не пражывае пастаянна на тэрыторыі Рэспублікі Беларусь, лічым супярэчлівымі выбарчаму заканадаўству Рэспублікі Беларусь.

31.07.2012 Бабруйск: Лідэр свабоднага прафсаюза скардзіцца ў пракуратуру

Міхаіл Кавалькоў, лідэр суполкі Свабоднага прафсаюза Беларускага на Баруйскім заводзе ТДіА, падае скаргу пракурору Першамайскага раёна на дзеянні адміністрацыі завода, якая ігнаруе пастановы двух судоў.

31.07.2012 Затрыманыя актывісты “Еўрапейскай Беларусі”

Пасьля 20 гадзін вечара непадалёку ад Чыгуначнага вакзалу ў Менску супрацоўнікі міліцыі затрымалі двух актывістаў “Еўрапейскай Беларусі” - Аляксея Цёплага і Мікіту Каваленку. Яны распаўсюджвалі інфармацыйны бюлютэнь “Хартыя-97”. Адпусцілі без складання пратаколаў у 23-50.

31.07.2012 Мазыр: Уладзімір Целяпун падаў заяву ў міжраённую пракуратуру

Мазырскі праваабаронца Уладзімір Целяпун падаў заяву ў міжраённую пракуратуру Мазырскага раёна з просьбай аб вызначэнні законнасці рашэння райвыканкама № 1202, якім вызначаны месцы для правядзення масавых мерапрыемстваў. Паводле праваабаронцы, гэтае рашэнне не ў поўнай меры адпавядае Закону “Аб масавых мерапрыемствах” і не дае грамадзянам скарыстацца гарантаванымі Канстытуцыяй правамі і свабодамі, мець магчымасць публічна выказаць сваё меркаванне.

31.07.2012 Светлагорск: месца стэнду пра выбары знайшлося за сметнікам

Па горадзе расставілі стэнды, якія інфармуюць аб выбарах у Палату прадстаўнікоў. Адзін з іх усталявалі каля “Гандлёвага цэнтру”. Але месца для стэнду, як і санітарнае становішча ля крамы, пакідаюць жадаць лепшага.