Праваабарончы цэнтр «ВЯСНА»

04.08.2012 Прадстаўніка АГП з першага разу не зарэгістравалі кандыдатам

У прадстаўніка АГП Уладзіміра Малярчука пры першай яго спробе падаць дакументы на рэгістрацыю кандыдатам у камісіі Вілейскай выбарчай акругі патрабавалі замест копіі пасведчання сябра партыі прынесці арыгінал.

04.08.2012 З 938 сяброў ініцыятыўнай групы Дзмітрыя Уса засталося 323

Актывісты Бярозаўшчыны Тамара Шчапёткіна і Анатоль Сахаруша, якія ўваходзілі ў ініцыятыўную групу экс-кандыдата ў прэзідэнты Дзмітрыя Уса па ўнясенні змяненняў і дапаўненняў у Выбарчы кодэкс, атрымалі ад яго лісты ўдзячнасці.

04.08.2012 Вылучэнне прадстаўнікоў апазіцыі ва ўчастковыя камісіі: рэгіянальны зрэз (дадаецца)

Паводле Каляндарнага плану арганізацыйных мерапрыемстваў па падрыхтоўцы і правядзенні выбараў, вылучэнне прадстаўнікоў ва ўчастковыя выбарчыя камісіі павінна адбыцца да 5 жніўня.

04.08.2012 “Сустрэчы салідарнасці Алеся Бяляцкага”

Пад такім назовам Праваабарончы цэнтр “Вясна” публікуе дасланыя з-за кратаў успаміны свайго кіраўніка пра яго знаёмствы з калегамі з розных краінаў, якія, як і сам ён зараз, за сваю нястомную праваабарончую дзейнасць былі пазбаўленыя хто волі, а хто і жыцця. Алесь Бяляцкі распавядае пра свае сустрэчы з Азімжонам Аскаравым, Яўгенам Жоўцісам, Наталляй Эсцеміравай і Алегам Арловым, якія здзейсніліся, дзякуючы яго працы ў Міжнароднай Федэрацыі за правы чалавека.

03.08.2012 Сустрэчы салідарнасьці Алеся Бяляцкага: Яўген Жоўціс

У чэрвені 2010-га году Алесь Бяляцкі, каб выказаць сваю падтрымку Яўгену Жоўцісу, наведаўся ў калонію-пасяленьне ў Усьць-Каменагорску на поўначы Казахстану, дзе той, засуджаны на чатыры гады зьняволеньня, адбываў пакараньне.

03.08.2012 Пасла Швэцыі выслалі зь Беларусі

У пасольстве Швэцыі ў Менску пацьвердзілі, што пасол Швэцыі Стэфан Эрыксан быў высланы з Беларусі. Эрыксан зараз знаходзіцца ў Швэцыі.

03.08.2012 Справа Мажальскага адпраўлена на дапрацоўку

Сёння ў гарадскім судзе Мінску разглядалася касацыйная скарга на рашэнне, вынесенае судом Першамайскага раёну 18 ліпеня. Суддзя накіравала справу на дапрацоўку ў гэты ж суд, паколькі выявіла працэсуальныя недахопы, якія павінны быць выпраўленыя.

03.08.2012 У Расонах канфіскавана іміджавая прадукцыя кампаніі “Праваабаронцы за свабодныя выбары”

Аперацыю здзейснілі супрацоўнікі падраздзялення “Тайфун” ДАІ Віцебскай вобласці.

03.08.2012 Алена Красоўская-Касьпяровіч замест суду апынулася ў чыстым полі

Невядомыя людзі ў цывільным забралі намесьніцу кіраўніка «Плятформы» з Цэнтру ізаляцыі правапарушальнікаў і вывезьлі за межы Менску.

03.08.2012 Баранавічы: Назіральніка абвінавачваюць у дробным хуліганстве

Сяргей Гоўша папрасіў сяброў акруговай камісіі азнаёміць яго з пратаколам паседжання камісіі. Вынікам стала заява старшыні АВК у міліцыю, што назіральнік брыдкасловіў. Складанню адміністрацыйнага пратакола не перашкодзіла нават тое, што праваабаронца прадставіў у міліцыі дыктафонны запіс размовы.

03.08.2012 “Трудовая слава” пачала раскрутку свайго кандыдата

У апошнім нумары газеты на першай старонцы змешчаны артыкул “Достойный кандидат”. У артыкуле расказваецца, што 26 ліпеня адбылася канферэнцыя працоўнага калектыву “Магілёўхімвалакно” па вылучэнні кандыдата ў Палату прадстаўнікоў.

03.08.2012 Акруговая камісія ў Оршы не мае бланкаў дакументаў, неабходных для вылучэння кандыдатам

Актывіст кампаніі "Гавары праўду" Канстанцін Анташкевіч не змог атрымаць у акруговай камісіі бланкі дэкларацыі аб даходах і маёмасці, анкеты, а таксама заявы аб згодзе балатавацца кандыдатам у дэпутаты.

03.08.2012 Аршанскія ўлады адмовілі ў дазволе на пікет у падтрымку Бяляцкага

Яшчэ адной нядобрай традыцыяй стала парушэнне тэрмінаў адказу Аршанскім гарвыканкамам. Нягледзячы на тое, што заяўка на пікетаванне была пададзеная яшчэ 10 ліпеня, чыноўнікі даслалі адказ толькі 2 жніўня, за 2 дні да мерапрыемства, хоць па законе заяўнікі павінны атрымаць адказ за 5 дзён.

03.08.2012 Спісы ініцыятыўных груп – інфармацыя "не для ўсіх"

Старшыня Гарадоцкай раённай суполкі Партыі БНФ Леанід Аўтухоў атрымаў адказ з ЦВК, чаму акруговая камісія не дае яму магчымасці пазнаёміцца са спісам ініцыятыўнай групы дырэктара Лужаснянскай кадэцкай вучэльні Уладзіміра Шыцько, з якім удвух яны збіраюцца вылучыцца па Віцебскай-Сельскай акрузе № 21.

03.08.2012 Драгічын: Факту парушэння камісія не прызнала, але папярэджане вынесла

У акруговай выбарчай камісіі Днепрабугскай выбарчай акругі № 10 разгледжана скарга назіральніка Валянціна Лазарэнкава, у якой ён прасіў разабрацца з фактам датэрміновай агітацыі за магчымага кандыдата -- начальніка Іванаўскай ЖКГ Юрыя Дарагакупца падчас святкавання дня горада ў Драгічыне 15 ліпеня.