Праваабарончы цэнтр «ВЯСНА»

06.08.2012 Прабег на знак салідарнасці з Алесем Бяляцкім

4 жніўня ў Брэсце адбыўся лёгкаатлетычны прабег аматара марафонскага бегу -- праваабаронцы Уладзіміра Малея, які быў апрануты ў чорную майку з выявай Алеся Бяляцкага і надпісам: “Свабоду Алесю Бяляцкаму!”. У руках Малей трымаў здымак свайго зняволенага калегі.

06.08.2012 “Слонімскі веснік”: вылучаюцца двое, але здымкі – толькі аднаго кандыдата

Паўстае пытанне: калі ж Слонімская акруговая камісія зарэгістравала дзве ініцыятыўныя групы па збору подпісаў, дык чаму ж нельга надрукаваць адзін здымак, дзе збіраюцца подпісаны за Сопікаву і другі здымак — за Шэгу?

06.08.2012 Генеральны дырэктар «Гомсельмаш» ідзе ў дэпутаты

Генеральны дырэктар вытворчага аб'яднання «Гомсельмаш» Валерый Жмайлік плануе балатавацца ў Палату прадстаўнікоў па Гомельскай-Сяльмашаўскай акрузе №32. На прэзідэнцкіх выбарах у 2010 годзе генеральны дырэктар быў даверанай асобай Аляксандра Лукашэнкі.

06.08.2012 XV Зьезд Партыі БНФ прыняў заяву “Свабоду Алесю Бяляцкаму! Свабоду палітычным вязьням!”

Зьезд Партыі БНФ патрабуе неадкладнага і безумоўнага вызваленьня Алеся Бяляцкага, а таксама ўсіх палітычных вязьняў.

06.08.2012 Адміністрацыі раёнаў Гомеля адмовіліся прыняць заявы на ўключэнне ва ўчастковыя камісіі ад апазіцыянераў

4 жніўня гомельскія апазіцыянеры, якія пажадалі ўдзельнічаць у выбарах як сябры ўчастковых камісій, сутыкнуліся з нечаканай перашкодай: адміністрацыі раёнаў адмовіліся прыняць у іх заявы на той падставе, што сёння ў іх выходны.

06.08.2012 Вялейка: з начальнікам галоўнага ўпраўлення эканамічнай бяспекі КДБ супернічаюць чацвёра прэтэндэнтаў

Нягледзячы на тое, што мясцовыя афіцыйныя выданні ўпарта маўчаць наконт асобаў, якія плануюць прадстаўляць Вялейшчыну ў парламенце, гэтыя звесткі былі “рассакрэчаны” недзяржаўнымі СМІ.

06.08.2012 Барысаў: Сёння адбудзецца суд над Марголіным і Васільевым

Пры правядзенні пікету па зборы подпісаў за прэтэндэнта ў кандыдаты ў дэпутаты ПП НС намеснік старшыні АГП Льва Марголіна міліцыяй былі затрыманыя і дастаўленыя ў Барысаўскі РАУС сам Марголін і сябра яго ініцыятыўнай групы Міхаіл Васільеў.

06.08.2012 Францкевічу – 10 сутак штрафнога ізалятара

Аляксандр Францкевіч, які ў траўні 2011 года быў асуджаны да 3 гадоў пазбаўленьня волі ва ўмовах узмоцненага рэжыму патрапіў на 10 сутак у штрафны ізалятар. Дысцыплінарнае спагнанне ён атрымаў за адмову падмятаць памяшканьне. Пра гэта стала вядома з тэлефоннага званка з калоніі да маці палітвязня.

05.08.2012 Праваабаронца бег на салідарнасьць зь Бяляцкім

Берасьцейскі праваабаронца Ўладзімер Малей зладзіў прабежку па найбольш ажыўленых вуліцах абласнога цэнтра ў майцы «Свабоду Бяляцкаму!» з партрэтам зьняволенага кіраўніка праваабарончага цэнтру «Вясна».

05.08.2012 Акцыя салідарнасьці з палітвязьнямі і Алесем Бяляцкім прайшла ў Жодзіна

Жодзінскія праваабаронцы Аляксей Лапіцкі, Сьвятлана Лапіцкая, Алег Леўшык зладзілі роварную акцыю па найбольш ажыўленых вуліцах горада у майках «Свабоду Бяляцкаму!» з партрэтам зьняволенага кіраўніка праваабарончага цэнтру «Вясна».

05.08.2012 Жодзіна: затрыманьні ў дзень салідарнасьці

У Жодзіна 4 ліпеня прыкладна а 19-10 на перакрыжаваньні пр. Міру й вул. 50 год Кастрычніку супрацоўнікі Жодзінскага ГАЎС затрымалі й даставілі ў адзьдзяленьне двух маладых мінакоў, на якіх былі майкі з надпісам “Свабоду Алесю Бяляцкаму!”

05.08.2012 Міжнародны Дзень салідарнасці з грамадзянскай супольнасцю і праваабарончым рухам Беларусі (фотарэпартаж)

Акцыі ў падтрымку Алеся Бяляцкага і ўсіх палітвязьняў у Беларусі прайшлі 4 жніўня ў шэрагу самых розных краін і гарадоў сьвету: Францыі, Германіі, Польшчы, Украіне, Расіі, Літве, Грузіі, Арменіі, Швецыі, Швейцарыі, Нарвегіі… Прапануем фотарэпартаж з гэтых акцый.

04.08.2012 Дырэктар слонімскай школы “падстрахавалася” працоўным калектывам зэльвенскай бальніцы

Прэтэндэнт у кандыдаты Ала Сопікава па Слонімскай выбарчай акрузе № 58, якая зарэгістравала сваю ініцыятыўную групу, «падстрахавалася» на выпадак няўдалага збору подпісаў.

04.08.2012 Жлобін: Пікеты – як паказчык альтэрнатывы

Патэнцыйны кандыдат у дэпутаты па Жлобінскай выбарчай акрузе Валеры Рыбчанка, які ўжо паспеў зарэгістраваць сваю ініцыятыўную групу, плануе вылучацца і па партыйных спісах.

04.08.2012 Мазыр: ЦВК навяла парадак з нумарацыяй участкаў у Мазыры

Просьба Рыгора Крывіцкага, кіраўніка Мазырскага аддзялення ГА "Рух "За Свабоду", які ўзначальвае ініцыятыўную групу Нікадзіма Варановіча да Лідзіі Ярмошынай даць дакладную нумарацыю выбарчых участкаў па гэтай акрузе – задаволена.