Праваабарончы цэнтр «ВЯСНА»

15.08.2012 Баранавічы: Назіральнік просіць пракурора разабрацца з фальсіфікацыяй пратакола паседжання АВК

Сяргей Гоўша паведамляе пракурору горада, што гэтыя недакладнасці можна было б назваць памылкамі, каб яны былі выпраўлены, пасля таго, як ён паведаміў аб гэтым Т.Латышавай. Аднак, паколькі старшыня АВК № 5 адмовілася прызнаць, што у пратаколе ёсць “памылкі”, то гэта ўжо ніякія не “памылкі”, а наўмысная фальсіфікацыя.

15.08.2012 Брэст: выбарчая камісія папярэдзіла Ганну Канюс

Падставай для папярэджання з’явілася скарга іншага прэтэндэнта па гэтай акрузе – дырэктара брэсцкага ЦУМа Віктара Валюшыцкага. Ён запатрабаваў ад выбарчай камісіі, каб яна прыцягнула Ганну Канюс да адказнасці нібыта за распаўсюд ілжівых звестак пра яго ў сродках масавай інфармацыі.

15.08.2012 "Наша Талачыншчына" абвясціла прыем “наказаў” для новых дэпутатаў парламенту

Пажаданні для дэпутатаў па Талачынскай акрузе №30, якія на дадзены момант не маюць яшчэ і статусу кандыдатаў, прапанавана дасылаць праз рэдакцыю газеты. Але чытачоў цікавяць не толькі "дэпутацкія наказы", але і іх выкананне.

15.08.2012 Гэта страшнае слова байкот

На 22 жніўня ў судзе Савецкага раёна Менска прызначаны разгляд адміністрацыйных спраў актывістаў ствараемай Беларускай Хрысціянскай Дэмакратыі Галіны Каржанеўскай і Іны Лойкі, якія на мінулым тыдні ўдзельнічалі ў пікетах за байкот выбараў. Пачатак суду ў 10-00.

15.08.2012 Пракуратура папярэдзіла Генадзя Барбарыча за працу на радыё «Рацыя»

Журналіст Генадзь Барбарыч быў выкліканы ў пракуратуру Менску ў сувязі з праверкай, што праводзілася пасля ператрусу ў офісе радыё «Рацыя» 2 траўня, паведамляе прэс-служба БАЖ.

14.08.2012 Адны запалохваюць, іншыя- нахвальваюць

Такія тэндэнцыі назіраюцца ў некаторых рэгіянальных дзяржаўных СМІ Віцебшчыны: некаторыя запалохваюць чытачоў магчымымі правакацыямі апазіцыі, а іншыя – распавядаюць пра дасягненні асобных прэтэндэнтаў у дэпутаты будучага парламента.

14.08.2012 Брэстчына: кандыдатамі ў дэпутаты збіраецца быць 21 прадстаўнік апазіцыйных партый

Дакументы на рэгістрацыю ў акруговыя камісіі, што створаны ў Брэсцкай вобласці (усяго іх у рэгіёне 16) падалі сем прадстаўнікоў Партыі БНФ, па пяць сябраў Беларускай сацыял-дэмакратычнай партыі (Грамада) і Беларускай партыі левых “Справядлівы свет”, а таксама чатыры – ад Аб’яднанай грамадзянскай партыі.

14.08.2012 Яніна Ляснеўская абскардзіла рашэнне Аршанскага суда па дзіцячым размалёўкам

Яніна Ляснеўская, актывістка кампаніі «Наш дом» абскардзіла вердыкт суда Аршанскага раёна і горада Оршы па распаўсюджванню друкаваных матэрыялаў, якія нібыта заклікаюць да гвалту. Нагадаем, што такімі матэрыяламі мясцовая міліцыя палічыла знойдзеную ў доме Яніны адну (!?) дзіцячую размалёўку “Мой тата – міліцыянт”.

14.08.2012 У Аршанскім рэгіёне больш за ўсё кандыдатаў вылучана ад ЛДПБ, але сярод іх няма ні аднаго мясцовага

Найбольшая канкурэнцыя на дадзеным этапе - 5 чалавек - у Аршанскай гарадской акрузе № 26. Тут падалі дакументы на рэгістрацыю ад «Справядлівага свету» Мікалай Петрушэнка, ад АГП Аляксей Ціханенка, ад ЛДПБ Андрэй Клюеў - жыхар горада Віцебска, прозвішча якога аршанскай грамадскасці невядома.

14.08.2012 Сяргей Вазняк просіць ЦВК перагледзець падыход пры вызначэнні месцаў для перадвыбарчай агітацыі

«Бо для агітацыі забароненыя ўсе дваровыя тэрыторыі - гэта проста абсурд! Калі кандыдат падыдзе і пачне агітацыю сярод бабуль, якія сядзяць ля пад'езда, міліцыянт павінен іх разагнаць», - тлумачыць прадстаўнік «Справядлівага свету».

14.08.2012 Кіраўскі райвыканкам вызначыўся з месцамі для агітацыі

Адміністрацыя Кіраўскага раёна паведаміла пра месцы, якія будуць адводзіць кандыдатам у дэпутаты для правядзення масавых мерапрыемстваў, сустрэч з выбаршчыкамі і размяшчэння агітацыйных друкаваных матэрыялаў.

14.08.2012 Полацк: сямёра патэнцыйных кандыдатаў

Прызнаны праўладны кандыдат Наталля Гуйвік перадала на праверку ў акруговую камісію больш за 3,5 тысяч подпісаў, а для падстрахоўкі вылучылася ад трох працоўных калектываў - ДУАЗ «Полацкая цэнтральная гарадская бальніца», УП «Полацквадаканал» і прадпрыемствы УКП «Полацк-гандаль».

14.08.2012 Старшыня Слонімскага райвыканкама “паабяцаў” дэмакратычныя выбары

“Калі хто з вас жадае стаць дэпутатам, калі ласка, мы ўсіх прымем. У нас адбудуцца дэмакратычныя выбары …”, — звярнуўся спадар Паўлюкевіч да прысутных на адным з апошніх паседжанняў кіраўнікоў прадпрыемстваў, арганізацый і мясцовых ідыёлагаў. Але ўжо сёння зразумела, што дэпутатам стане Ала Сопікава, дырэктар СШ № 9 г. Слоніма.

14.08.2012 Магілёўшчына: у параўнанні з 2008-м годам прэтэндэнтаў у кандыдаты паболела

Па звестках акруговых выбарчых камісій, у Магілёўскай вобласці вылучана 56 кандыдатаў у дэпутаты Палаты прадстаўнікоў. Гэта на пяць чалавек болей, чым было падчас парламенцкай кампаніі ў 2008 годзе. Такая інфармацыя была агучана па Магілёўскім тэлебачанні.

14.08.2012 Гарадзеншчына: ад ПБНФ 7 кандыдатаў, ад “Справядлівага свету”- 6

У Гарадзенскай вобласці Партыя БНФ імкнецца зарэгістраваць кандыдатамі ў дэпутаты шляхам партыйнага вылучэння 7 сваіх прадстаўнікоў. Беларуская партыя левых “Справядлівы свет” па вобласці падала дакументы на рэгістрацыю 6 сваіх прадстаўнікоў.