Праваабарончы цэнтр «ВЯСНА»

23.08.2012 Новая крымінальная справа супраць журналіста

Аршанскі гарадскі аддзел Следчага камітэта РБ завёў крымінальную справу ў дачыненні да журналіста Мікалая Петрушэнкі за “знявагу прадстаўніка ўлады” (арт. арт. 369 КК РБ).

23.08.2012 Прэзентацыя парталу Palitviazni.info ў Варшаве

Рэдакцыя парталу Palitviazni.info, прадстаўнікі Праваабарончага цэнтра "Вясна" і Фонда развіцця дэмакратычных ініцыятыў запрашаюць на прэс-канферэнцыю, пад час якой будзе прадстаўлены адноўлены і пашыраны інтэрнэт-рэсурс, прысвечаны беларускім палітвязням.

23.08.2012 Мінск: бюлетэні надрукаваны да рэгістрацыі кандыдатаў (фотафакт)

Па словах спадарыні Каральковай, Цэнтрвыбаркам ужо выпусціў бюлетэні па 91-й акрузе, у якім стаяць імёны чатырох кандыдатаў, хаця рэгістрацыя кандыдатаў завяршаецца толькі 23 жніўня, а таксама ў Вольгі Кавальковай ёсць яшчэ тры дні на абскарджванне рашэння камісіі. Актывістка зрабіла фота бюлетэню. Адмову ў рэгістрацыі яна збіраецца абскарджваць.

23.08.2012 Віктару Болдзіну – штраф за матэрыялы пра байкот

22 жніўня суд Кастрычніцкага раёна Менска пакараў магілёўскага актывіста “Еўрапейскай Беларусі” Віктара Болдзіна штрафам у памеры 3 базавыя велічыні.

22.08.2012 Віншуем Тамару Шчапёткіну з днём народзінаў!

Праваабаронцы "Вясны" віншуюць са знамянальнай датай сваю калегу з Бярозы Тамару Шчапёткіну, якая шмат гадоў вядзе няспынную працу на карысць будучыні нашай краіны! Разам мы - каманда, разам мы -сіла!

22.08.2012 АБСЕ: Наша задача – назіраць за выбарамі, а не ўмешвацца ў выбарчы працэс

Сёння ў Мінску была афіцыйна прэзентаваная назіральніцкая місія БДПЧ АБСЕ, якая будзе працаваць у Беларусі падчас парламенцкай кампаніі. Назіральнікі абяцаюць, што іхняя праца будзе празрыстай і адкрытай, таго ж чакаюць і ад органаў, адказных за правядзенне выбараў.

22.08.2012 Мінск: У назіральніцы Мінюст запатрабаваў справаздачнасць па закрытай 9 гадоў таму арганізацыі

Ціск на назіральніцу: Валянціна Свяцкая атрымала ліст з Міністэрства юстыцыі, у якім дзяржорган цікавіцца дакументацыяй арганізацыі, дзе яна раней была старшынёй. Арганізацыя была ліквідаваная дзевяць гадоў таму.

22.08.2012 Стэфановіч – Адміністрацыі прэзідэнта: “Заканадаўства мае розныя механізмы для вызвалення палітвязняў”

У адказ на петыцыю за вызваленне Алеся Бяляцкага, перададзеную ў Адміністрацыю прэзідэнта напярэдадні 4 жніўня, праваабаронцам паведамляецца, што “якое-небудзь умяшанне ў дзейнасць суддзяў па выкананні правасуддзя недапушчальнае і цягне адказнасць па законе”.

22.08.2012 Назіральнік–Ярмошынай: дзе напісана пра забарону знаёміцца з дакументацыяй камісіі?

Назіральнік у акруговай выбарчай камісіі № 2 г. Брэста Уладзімір Вялічкін 21 жніўня напісаў адказ старшыні ЦВК Лідзіі Ярмошынай на яе параду лепей вывучыць ч. 4 і 5 арт 13 Выбарчага кодэкса.

22.08.2012 Назіральнік просіць не рэгістраваць кандыдатам старшыню Лепельскага райвыканкама

Назіральнік ад БХК па Лепельскай выбарчай акрузе № 23 Ігар Казмерчак звярнуўся ў акруговую камісію з заявай. У ёй ён паказвае, што выбарчае заканадаўства Беларусі забараняе правядзенне датэрміновай, да моманту рэгістрацыі акруговымі камісіямі, перадвыбарчай агітацыі.

22.08.2012 Пра Алеся Бяляцкага распавялі ў сталіцы Тайланду

Супрацоўнік офіса Міжнароднай федэрацыі за правы чалавека (FIDH) у Бангкоку Шывэй Йэ даведаўся з прэсы аб тым, што ў горадзе адбудзецца вечар па правах чалавека ў Беларусі, і наведаў мерапрыемства, каб звярнуць увагу на сітуацыю з палітвязнем, віцэ-прэзідэнтам FIDH Алесем Бяляцкім.

22.08.2012 Бяроза, Івацэвічы: Супрацоўнік выканкаму дае ўчастковым камісіям устаноўку

На першым паседжанні бярозаўскай участковай камісіі № 59, якая адносіцца да Пружанскай выбарчай акругі № 9, прысутнічаў супрацоўнік Бярозаўскага райвыканкама Віталь Мшар, які фактычна праводзіў агітацыю за прэтэндэнта ў кандыдаты Аляксандра Юркевіча.

22.08.2012 Пінск: акруговая камісія не ўбачыла прыкмет датэрміновай агітацыі

Акруговая камісія па Пінскай сельскай выбарчай акрузе №15 не ўгледзела прыкметаў датэрміновай агітацыі за прэтэндэнта ў кандыдаты Аляксандра Палейчука. Такі адказ прыйшоў на скаргу Віктара Ярашука – назіральніка пры дадзенай камісіі.

22.08.2012 Бабруйск: З трох альтэрнатаўных прэтэндэнтаў на паседжанне па рэгістрацыі запрасілі толькі аднаго

У другой палове дня 21 жніўня на паседжанне акруговай выбарчай камісіі запрасілі прэтэндэнта ў кандыдаты ад АГП Мацвея Хатары. Ягонага калегу з АГП Андрэя Казлова, які вылучыўся па Першамайскай выбарчай акрузе № 79, на паседжанне не запрасілі, як і Аксану Самуйлаву з кампаніі "Гавары праўду".

22.08.2012 Андрэйчанка сумняецца ў аб'ектыўнасці міжнародных назіральнікаў

Старшыня Палаты прадстаўнікоў Нацыянальнага сходу збіраецца балатавацца ў парламент на другі тэрмін па Докшыцкай выбарчай акрузе №22. Ён заявіў, што "ацэнка місіі назіральнікаў ад СНД заўжды з'яўляецца аб'ектыўнай", аднак "што тычыцца назірання місіі БДІПЧ АБСЕ, то тут заўжды было і застаецца перадузятае стаўленне".