Праваабарончы цэнтр «ВЯСНА»

13.06.2011 Суды над кіроўцамі, затрыманымі ў “Брузгах”, пакуль адкладаюцца

Суды над затрыманымі ўчора, 12 чэрвеня, кіроўцамі пад час страйку на памежным пераходзе “Брузгі”, пакуль адкладаюцца. Справа ў тым, што ў Гродзенскім раённым судзе не аказалася сёння суддзяў – паводле атрыманай інфармацыі ўсе яны знаходзяцца на розных выязных паседжаннях. Паводле папярэдніх звестак, учора ў Брузгах АМАПам былі затрыманыя 15 чалавек.

13.06.2011 Выканкам выбарча прапагандуе грамадскія арганізацыі

Даволі дзіўна выглядаюць спісы грамадскіх арганізацый, размешчаныя на сайце Барысаўскага раённага выканаўчага камітэта. З 71 ГА і арганізацыйных структур, зарэгістраваных у рэгіёне, у выканкамаўскі спіс увайшлі толькі пяць.

13.06.2011 Затрыманых у Брузгах будуць судзіць у Гродзенскім раённым судзе сёння

Як паведамілі «Нашай Ніве» у РАУС Кастрычніцкага раёна Гродна, усе затрыманыя падчас акцыі пратэсту 12 чэрвеня на пункту пропуску Брузгі знаходзяцца ў Ізалятары часовага ўтрымання. Чакаюць, калі за людзьмі прыедзе машына, якая адвязе іх у суд.

13.06.2011 Вайсковая пракуратура правярае заявы пра катаваньні ў КДБ

10 чэрвеня жонку палітвязьня Алеся Атрошчанкава Дар'ю Корсак выклікалі ў вайсковую пракуратуру для дачы паказаньняў адносна вядомых ёй фактаў катаваньняў у КДБ.

13.06.2011 На памежным пераходзе Брузгі разагналі мітынг кіроўцаў

Яны пратэставалі супраць новых парадкаў на мытні. Паводле неафіцыйнай інфармацыі, быў ужыты слёзацечны газ, ёсць затрыманыя.

13.06.2011 Салігорцы выходзяць на плошчу, нягледзячы на пераслед

Сацыяльная сетка “УКантакце” зноў сабрала салігорцаў на цэнтральнай плошчы гораду. У нядзелю, 12 чэрвеня, каля пяцідзесяці жыхароў Салігорску прынялі ўдзел у сустрэчы “Рэвалюцыя праз сацыяльныя сеткі”.

13.06.2011 Зміцеру Салаўёву відэакамеру так і не вярнулі

Супрацоўнікі КДБ да гэтага часу не вярнулі відэакамеру старшыні Магілёўскай абласной арганізацыі Руху БНФ “Адраджэнне” Зміцеру Салаўёву. Яна была канфіскаваная супрацоўнікамі КДБ яшчэ 15 студзеня падчас правядзення ператрусу.

13.06.2011 Рэгіянальныя СМІ не выкарыстоўваюць слова “крызіс”

Да апошняга моманту ні смаргонскі “Светлы шлях”, ні “Маладзечанская газета” упарта наогул не заўважалі сітуацыі, якая склалася ў краіне. І толькі ў апошніх нумарах з’явіліся артыкулы, прысвечаныя “эканамічнай сітуацыі” і “эканамічным рэаліям” (відаць, слова “крызіс” выкарыстоўваць забаронена).

13.06.2011 Пракурор раскрытыкаваў працу па сацыяльнай рэадаптацыі былых зняволеных

Пракурор Бялыніцкага раёна Міхаіл Андросенка раскрытыкаваў працу камісіі пры райвыканкаме і мясцовай міліцыі па рэадапцыі былых зняволеных і прафілактыцы правапарушэнняў у артыкуле “Станоўчы вынік сам па сабе не прыходзіць”.

13.06.2011 Ад СМІ чакаюць «пазітыву»

Смалявіцкая "раёнка" "Край Смалявіцкі» ўзяла інтэрв'ю ў старшыні Смалявіцкага райвыканкама Міхаіла Загорцава. Чыноўнік спадзяецца «на канструктыўнае супрацоўніцтва і дапамогу журналістаў, бо ад суцэльнага негатыву і так цяжка дыхаецца".

12.06.2011 Ці саспеюць барысаўскія прадпрымальнікі да пратэстаў?

У Барысаве прадпрымальнікі заўсёды былі вельмі актыўныя. Менавіта тут сфармаваўся касцяк арганізацыі “За свабоднае прадпрымальніцтва”. Зараз ІП узгадваюць пратэстныя акцыі, якія ладзіліся некалькі гадоў таму.

11.06.2011 Адміністрацыя спрабуе спагнаць ужо выплачаныя штрафы

Кацярына Герасімчык атрымала пастанову аб узбуджэнні адносна яе судовай працэдуры па спагнанні штрафу, накладзенага за нібыта парушэнне нормаў добраўпарадкавання гораду. Гутарка ідзе пра лютаўскае затрыманне, калі ў яе забралі ўлёткі з заклікам свабоды палітвязням.

11.06.2011 Выканкамаўская газета маскіруе палітычныя графіці

«Адной з самых набалелых праблем як для работнікаў ЖКГ і ГАУС, так і для тых, што любяць свой горад жодзінцаў» выканкамаўская газета «Жодзінскія навіны» называе графіці. Аднак пры гэтым зусім не звязвае іх з'яўленне з адсутнасцю правоў і свабод у краіне.

11.06.2011 Беларускае пытанне на "Вроцлаў Глобал Форум 2011"

Уручэннем прэміі Фрыдам Эўордс завершыўся другі дзень "Wroclaw Global Forum". Сярод лаўрэатаў праваабарончы цэнтр Вясна, Беларуская асацыяцыя журналістаў ды Свабодны тэатр. Пытанне Беларусі на "Вроцлаў Глобал Форум", гучала цягам усяго сённяшняга дня. Падрабязнасці з Вроцлава паведаміў карэспандэнт Радыё Рацыя Зміцер Косцін.

11.06.2011 Алесю Кіркевічу на Валадарцы “фільтруюць” карэспандэнцыю

Алесь атрымлівае лісты толькі ад жонкі і сваёй маці. Між тым, дакладна вядома, што лісты палітычнаму вязню, акрамя блізкіх сваякоў, пішуць іншыя гарадзенцы. Раней Кіркевіч не атрымліваў усе выпісаныя яму газеты.