Праваабарончы цэнтр «ВЯСНА»

14.06.2011 “Прэмія Свабоды - рэха падзеяў 19-га снежня 2010 года”

Старшыня Праваабарончага Цэнтру “Вясна” Алесь Бяляцкі так каментуе ўганараванне беларускіх няўрадавых арганізацый Прэміяй Свабоды, якую прысуджае Атлантычны савет ЗША.

14.06.2011 Уладзіміра Рамановіча пазбаўляюць бізнесу за грамадскую актыўнасць?

Уладзімір Рамановіч – арганізатар шматлікіх акцыя за стварэнне ў Віцебску інфраструктуры для ўладальнікаў ровараў – роварных дарожак і парковак. Днямі да яго звярнуўся ўладальнік памяшкання, якое актывіст арандуе пад адзіны ў абласным цэнтры хостэл – гатэль “Джаз”. Патрабаванне было ўльтыматыўным: вызваліць памяшканне на працягу 10 дзён.

14.06.2011 Мазырскім журналістам загадалі пісаць пра п'яніц і лайдакоў

Кіраўнікі нешматлікіх выданняў Мазыра атрымалі дакумент аб тым, што «неабходна забяспечыць сістэматычнае асвятленне ў СМІ звестак аб выяўленых фактах безгаспадарчасці, парушэння працоўнай дысцыпліны, крадзяжоў з сельскагаспадарчых і будаўнічых аб'ектаў, а таксама п'янства і знаходжанні працаўнікоў аховы на працы ў стане алкагольнага ап'янення».

14.06.2011 Бунт у Брузгах: судовая расправа працягваецца

Сёньня ў Гародні працягваюць судзіць удзельнікаў акцыі пратэсту на памежным пераходзе “Брузгі” 12 чэрвеня. У судзе Ленінскага раёна разглядаюцца адміністратыўныя справы яшчэ васьмі мясцовых прадпрымальнікаў. Некалькі чалавек па папярэдняй інфармацыі ужо атрымалі штрафы ў памеры 700 тысяч рублёў.

14.06.2011 У брэсцкага актывіста Івана Стасюка прайшоў ператрус

Тры супрацоўнікі міліцыі прыйшлі у кватэру, дзе брэсцкі актывіст дэмсіл Івана Стасюк жыве з бацькамі. Міліцыянты паказалі пастанову на правядзенне ператрусу па справе аб падпале Дома правасуддзя ў Мінску.

14.06.2011 У Гродне затрымалі журналіста Ігара Банцара

Пра затрыманне Ігара Банцара ў жывым эфіры Еўрарадыё паведаміла яго жонка Анжаліка Арэхва. Паводле яе словаў, пра прычыны затрымання міліцыянты нічога не сказалі. Дзе цяпер знаходзіцца Ігар, невядома.

14.06.2011 У Віцебску і Гарадку забаранілі пікеты за адстаўку ўрада

Раённыя ўлады адмовілі арганізатарам на той падставе, што пікеты было прапанавана правесці ў цэнтры кожнага з населеных пунктаў. Але грамадскія актывісты – заяўнікі пікетаў – лічаць, што гаварыць пра цяперашнія цяжкасці эканамічнага жыцця “цішком і ў падваротні” не мае сэнсу.

14.06.2011 Пінскія СМІ падтрымліваюць міф аб стабільнасці

Пінскія сродкі масавай інфармацыі ўсімі магчымымі спосабамі абмінаюць тэму эканамічнага крызісу ў Беларусі. Выглядае на тое, што ёсць нейкі загад выдаваць толькі станоўчую інфармацыю.

13.06.2011 Затрыманых у “Брузгах” усё ж асудзілі да штрафаў

Яшчэ з раніцы ў судзе Гродзенскага раёну журналістам сцвярджалі, што суды 13 чэрвеня не адбудуцца. Пазней стала вядома, што 14 затрыманых пакаралі грашовым штрафам у памеры 2 мільёны 600 тысяч кожнага. Па словах некаторых з удзельнікаў страйку на мяжы, усіх затрыманых моцна збілі.

13.06.2011 Падтрымаем вязьняў!

Сябры, нашыя лісты ў няволю могуць стаць значнай падтрымкай для палітвязняў, незаконна асуджаных па крымінальных справах па снежаньскіх падзеях у Менску. Таксама ў месцах пазбаўлення волі зараз знаходзяцца асуджаныя фігуранты "справы анархістаў".

13.06.2011 Двое з асуджаных анархістаў накіраваныя ў папраўчыя калоніі

Двое з асуджаных анархістаў накіраваныя для адбыцця пакарання ў папраўчыя калоніі, а адзін знаходзіцца ў СІЗА на Валадарскага ў чаканні этапа. Мікалай Дзядок накіраваны ў папраўчыю калонію № 15 у Магілёве, а Аляксандар Францкевіч знаходзіцца ў калоніі “Воўчыя норы” у Івацэвічах.

13.06.2011 Журналіст уздымае праблему выкарыстання беларускай мовы работнікамі дзяржаўных органаў

Журналіст Уладзімір Лапцэвіч у сваіх зваротах да кіраўніцтва Упраўлення ўнутраных справаў і Упраўлення юстыцыі звяртае ўвагу на адмову работнікаў дзяржаўных органаў выкарыстоўваць беларускую мову падчас выканання імі сваіх службовых абавязкаў.

13.06.2011 Брэсцкім сацыял-дэмакратам адмоўлена ў дазволе на пікеты

Валянцін Лазарэнкаў атрымаў адмову з Брэсцкага гарвыканкама на правядзенне пікета 17 чэрвеня, скіраванага супраць збяднення. Пікет планавалася правесці на пешаходнай дарожцы каля рынка “Лагуна” у мікрараёне Кавалёўка. Прычына адмовы – акцыя замоўлена не ў вызначаным уладамі месцы.

13.06.2011 Тыднёвы агляд паслявыбарчай сітуацыі ў Беларусі (6-12 чэрвеня)

На агульную сумму больш за 3 млн. бел. руб. аштрафаваныя ўдзельнікі акцыі пратэсту “Стоп бензін”. 12 чэрвеня на памежным пераходзе “Брузгі” гарадзенскі спецназ жорстка разагнаў стыхійны мітынг кіроўцаў. Праваабаронцы патрабуюць спыніць жорсткае абыходжанне і катаванні ў дачыненні да палітвязня Мікіты Ліхавіда. Канчаткова апраўданы прадпрымальнік, сябра Нацыянальнай Рады АГП Андрэй Бандарэнка. Падчас Вроцлаўскага Глабальнага Форуму беларускія дэмакратычныя арганізацыі БАЖ, ПЦ “Вясна” і “Свабодны тэатр” уганараваныя Прэміяй Свабоды.

13.06.2011 Перад судом паўстануць 14 чалавек

У іх дачыненні складзеныя адміністрацыйныя пратаколы па артыкуле 23.04 (непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў) і артыкуле 23.34 (парушэнне парадку арганізацыі або правядзення масавага мерапрыемства або пікетавання) КаАП.