Праваабарончы цэнтр «ВЯСНА»

30.08.2012 Барысаў: ЦВК не зарэгістравала вылучэнца ад АГП

"Ярмошына спыталася ў мяне, маўляў, навошта вам кандыдатам рэгістравацца, калі вы ўсё роўна збіраецеся здымаць сваю кандыдатуру перад выбарамі. Я адказаў: гэта маё канстытуцыйнае права. Я хацеў мець зносіны з выбаршчыкамі і данесці да іх сваю пазіцыю".

30.08.2012 ЦВК задаволіла скаргу Уладзіміра Малярчука на адмову ў рэгістрацыі кандыдатам

Пасля паседжання ЦВК, якое адбылося 29 жніўня, на Вілейскай выбарчай акрузе №74 з’явіўся другі кандыдат. Прадстаўніку АГП Уладзіміру Малярчуку ўдалося даказаць, што рашэнне акруговай камісіі аб няпэўнасці звестак у падаткавай дэкларацыі, якое паслужыла прычынай адмовы, было няслушным.

30.08.2012 Слонім: машын няма толькі ў кандыдата ад БНФ

Чатыры кандыдаты ў дэпутаты, якія зарэгістраваны па Слонімскай выбарчай акрузе № 58, падалі дэкларыцыі аб прыбытках за 2011 год і маёмасці. Згодна пададзеных дэкларый, кандыдат Дзмітрый Андрукоў мае дзве ўласныя машыны. І кандыдат у дэпутаты Ала Сопікава не адстала ад сваіх канкурэнтаў-мужчын.

29.08.2012 У цэнтры Гомеля агітацыйныя матэрыялы прапаноўваюць размяшчаць на плакатах з цырку (фота)

На прыпынках грамадскага транспарту ў Гомелі з'явіліся аформленыя месцы для размяшчэння агітацыйных матэрыялаў. Калі мінакі прыгледзеліся, то аказалася, што стэнды аформлены з плакатаў – рэкламы цырку, проста перавернутай на іншы бок. Праз белую паперу прасвечваюцца словы «Цырк» і «На біс!», а таксама фізіяномія вясёлага клоуна.

29.08.2012 Слуцк: незарэгістраванага Аляксандра Солапа папярэдзілі, што яму падкінуць наркотыкі ці зброю

Пасля скандалу ў Цэнтрвыбаркаме і адмовы ў рэгістрацыі кандыдатам слуцкаму прадпрымальніку Аляксандру Солапу перадалі інфармацыю аб аперацыі, якая рыхтуецца супраць яго з удзелам праваахоўных органаў.

29.08.2012 Віцебскі аблвыканкам выказаў падзяку назіральніку ад БХК

У канцы ліпеня назіральнік ад Беларускага Хельсінкскага камітэта пры акруговай камісіі Лепельскай акругі № 23 Ігар Казмерчак звярнуўся ў Віцебскі аблвыканкам ў сувязі з адзначанымі ім памылкамі ў рашэннях аб утварэнні выбарчых участкаў на тэрыторыі акругі. Днямі прыйшоў адказ з Віцебскага аблвыканкама.

29.08.2012 Калінкавічы: Даход кандыдата ў 6,3 разы вышэй за сярэдні заробак працуючага насельніцтва вобласці

Кандыдат у дэпутаты Палаты прадстаўнікоў Аляксандр Удодаў мае даход, які ў 6 разоў перавышае сярэдні заробак у Гомельскай вобласці. Яго канкурэнты разам узятыя атрымліваюць у 4 разы меньш. Гаворка ідзе пра Калінкавіцкую выбарчую акругу.

29.08.2012 Задайце пытанне Юрыю Жадобіну

На сайце "Народной газеты" рыхтуецца анлайн-канферэнцыя з міністрам абароны Беларусі Жадобіным Ю. В., якая пройдзе 31 жніўня. Кожны зацікаўлены можа задаць пытанне міністру па тэлефону ці праз інтэрнэт.

29.08.2012 Слуцк: Аляксандру Солапу адмовілі ў рэгістрацыі па «маральна-этычных меркаваннях»

ЦВК не задаволіў скаргу незарэгістраванага дэпутатам па Слуцкай выбарчай акрузе № 67 Аляксандра Солапа. Юрыдычных падстаў для адмовы ў рэгістрацыі не было. Цэнтрвыбаркам прыняў гэтае рашэнне “па маральна-этычных меркаваннях”.

29.08.2012 Суд палічыў забарону пікета абгрунтаванай

28-29 жніўня ў судзе Ленінскага раёна Брэста разглядалася скарга праваабаронцы Ўладзіміра Вялічкіна на забарону пікета 4 жніўня, які меркавалася правесці на знак салідарнасці са зняволеным год таму старшынёй Праваабарончага цэнтра “Вясна” Алесем Бяляцкім і іншымі палітзняволенымі.

29.08.2012 Аксана Самуйлава будзе судзіцца з АВК і ЦВК

Нягледзячы на тое, што 28 жніўня на паседжанні ЦВК незарэгістраваная кандыдатам у дэпутаты Аксана Самуйлава, магілёўская актывістка кампаніі "Гавары праўду", прадаставіла заявы выбаршчыкаў з пацверджаннем, што яны самі прастаўлялі подпісы і даты ў падпісных лістах у яе падтрымку, яе скарга засталася без задавальнення.

29.08.2012 Актывіста ініцыятыўнай групы дэмакратычнага кандыдата звольнілі з працы

Пётр Басейка, які працаваў вартаўніком у Хоцімскім жылкамгасе, а ў час выбарчай кампаніі ўзначаліў штаб кандыдата ад партыі БНФ, актывіста кампаніі “Гавары праўду” з Хоцімска Валерыя Каранкевіча, лічыць, што з ім не працягнулі працоўны кантракт толькі з-за яго актыўнай грамадска-палітычнай дзейнасці.

29.08.2012 Выступ кандыдата ад АГП тэлерадыёкампанія будзе ўзгадняць з ЦВК

Запісаны 28 жніўня выступ кандыдата ў дэпутаты ад Аб’яднанай грамадзянскай партыі Анжалікі Камбалавай, якая балатуецца па Баранавіцкай-Заходняй выбарчай акрузе № 5, тэлерадыёкампанія “Брэст” будзе ўзгадняць з ЦВК. Выступ прысвечаны найперш праблеме палітвязняў.

29.08.2012 Гомель: дырэктары школ агітуюць на бацькоўскіх сходах

У некаторых гомельскіх школах зараз праходзяць бацькоўскія сходы па падрыхтоўцы дзяцей да новага навучальнага году. Акрамя арганізацыйных момантаў: дзелавога стылю адзення, раскладу званкоў, дырэктары школ распачалі сярод бацькоў агітацыю.

29.08.2012 Баранавічы: Рыгор Грык дамогся толькі невялікай кампенсацыі за звальненне

Паводле рашэння Баранавіцкага гарадскога суда ад 28 жніўня, адміністрацыя аўтаагрэгатнага завода павінна сплаціць звольненаму Рыгору Грыку 500 тысяч рублёў кампенсацыі маральнай шкоды (ён патрабаваў кампенсацыю ў пяць мільёнаў рублёў) ды 300 тысяч рублёў судовых выдаткаў. Суд не аднавіў грамадскага актывіста на працы.