Праваабарончы цэнтр «ВЯСНА»

30.08.2012 Рэчыцкі райвыканкам цэлы пасёлак аднёс не да той акругі

Рэчыцкі райвыканкам апублікаваў рашэнне, у якім гарадскі пасёлак Зарэчча аднёс да Хойніцкай выбарчай акругі. Рашэнне падпісалі старшыня райвыканкама Пётр Шостак і кіраўнік справамі райвыканкама Сяргей Сташук. Насамрэч пасёлак Зарэчча ўваходзіць у Рэчыцкую выбарчую акругу.

30.08.2012 У Менску затрыманыя мадэратары сацыяльных сетак (дадаецца)

Як стала вядома, сёння ў Мінску былі затрыманыя адміністратары групаў у сацыяльных сетках. Таксама КДБ узламаў адно з найбуйнейшых апазіцыйных інтэрнэт-супольнасцяў у сацыяльнай сетцы «Вконтакте» «Надакучыў нам гэты Лукашэнка» з 37000 карыстальнікамі. Паводле папярэдняй інфармацыі, затрыманыя яшчэ Андрэй Ткачоў, Раман Пратасевіч, Сяргей Бяспалаў і яшчэ 2-3 чалавекі.

30.08.2012 Першыя дэбаты будуць запісаны 31 жніўня

Прэс-служба АГП паведамляе, што ўсе 35 зарэгістраваных ад партыі кандыдатаў выказалі жаданне паўдзельнічаць у дэбатах. Аднак з боку праўладных кандыдатаў актыўнасці не назіраецца. Сакратар ЦВК Мікалай Лазавік тлумачыць гэта тым, што прэтэндэнты пакуль не гатовыя да новай формы камунікацыі з выбаршчыкамі.

30.08.2012 Хлопец раскрыў сакрэты гатэля «Еўропы» і цяпер хаваецца за мяжой

У лістападзе 2011-га Дзмітрый Іванчанка ананімна, а цяпер пацвярджае гэта публічна, расказаў пра тое, што ў «Еўропе» спецслужбы вядуць татальнае праслухоўванне ўсіх нумароў, незалежна ад таго, хто ў іх жыве, а таксама праглядаюць інтэрнэт-злучэнні. Тая публікацыя была адказам на прэсінг з боку спецслужбы. Бо малады чалавек быў удзельнікам суполкі «Рэвалюцыя праз сацыяльныя сеткі».

30.08.2012 Скаргу журналіста ў МЗС не задаволілі

Чатыры разы сябра Беларускай Асацыяцыі Журналістаў, які працаваў на нашым Беларускім Радыё Рацыя, Віктар Парфёненка звяртаўся ў Міністэрства замежных спраў Беларусі з мэтай атрымання акрэдытацыі.

30.08.2012 Бялыніцкая ДАІ па начах палюе на “забароненую літаратуру”

Учора каля 23.30 у аграгарадку Вялікая Машчаніца супрацоўнікі бялыніцкай ДАІ спынілі аўтамабіль кандыдата ў дэпутаты Палаты прадстаўнікоў па Шклоўскай выбарчай акрузе № 90, намесніка старшыні партыі БНФ Рыгора Кастусёва. Міліцыянераў хвалявала пытанне, ці не перавозіць кандыдат у дэпутаты “забароненую літаратуру”.

30.08.2012 Розніца ў даходах кандыдатаў Пружанскай акругі здзіўляе выбаршчыкаў

Увагу выбаршчыкаў Пружанскай выбарчай акругі № 9 звяртае на сябе розніца ў даходах мясцовых кандыдатаў у дэпутаты - старшыні райвыканкама Аляксандра Юркевіча і часова непрацуючага сябра АГП Аляксандра Кабанава.

30.08.2012 Салігорск: Апазіцыйныя кандыдаты – з найменшым прыбыткам

Газета “Шахцёр” апублікавала дадзеныя акруговых камісій аб прыбытках кандыдатаў па салігорскіх гарадской і сельскай акругах. Выявілася, што праўладныя кандыдаты значна багацейшыя за сваіх апазіцыйных супернікаў.

30.08.2012 Баранавічы: Выступ Анжалікі Камбалавай не паказалі

Тэлерадыёкампанія “Брэст” 29 жніўня не паказала выступ кандыдата ў дэпутаты Анжалікі Камбалавай, якая зарэгістравана па Баранавіцкай- Заходняй выбарчай акрузе № 5 ад Аб’яднанай грамадзянскай партыі.

30.08.2012 Па Лагойскай акрузе дадаліся два кандыдаты

29 жніўня ў Цэнтарвыбаркаме праходзіла разбіральніцтва па пададзеных скаргах ад 3-х незарэгістраваных кандыдатамі прэтэндэнтаў па Лагойскай выбарчай акрузе №75. У выніку было дадаткова зарэгістравана яшчэ 2 кандыдаты, а ўсяго іх цяпер тут – 5.

30.08.2012 Платныя паслугі для кандыдатаў: розныя раёны – розныя кошты

Дзяржаўныя раённыя газеты Гомельскай вобласці прапануюць кандыдатам у дэпутаты Палаты прадстаўнікоў размясціць агітацыйныя матэрыялы на платнай аснове. Кошты і ўмовы ў розных раёнах адрозніваюцца.

30.08.2012 Сёння адзначаецца Міжнародны дзень ахвяраў гвалтоўных знікненняў

На сённяшні дзень Міжнародную канвенцыю для абароны ўсіх асобаў ад гвалтоўных знікненняў падпісалі 91 краіна-ўдзельніца ААН, ратыфікавалі або далучыліся да дакумента 34 краіны. Беларусі ў спісе гэтых краінаў няма. Тым часам праблема гвалтоўных знікненняў для Беларусі застаецца актуальнай.

30.08.2012 Даход рэчыцкага кандыдата ў 11,5 разоў перавышае сярэдні заробак па раёну

Даход кандыдата ў дэпутаты Палаты прадстаўнікоў Адама Вашкова ў 11,5 разоў перавышае сярэдні заробак па Рэчыцкім раёне. Адзін з яго канкурэнтаў зарабляе ў 26 разоў меньш, другі ўвогуле быў беспрацоўны.

30.08.2012 Гародня: за ўлёткі з заклікам да байкоту – выклік у КДБ

Як паведаміў старшыня гарадзенскай суполкі Кастрычніцкага раёну Аб’яднанай грамадзянскай партыі Дзмітрый Аўдзейчык, на яго і ягонага сябра Яўгена Швядзько ідзе ціск з боку спецслужбаў. Па словах Аўдзейчыка, ён і Швядзько былі затрыманыя тыдзень таму ў момант, калі расклейвалі самаробна выпушчаныя ўлёткі з заклікам да байкоту выбараў.

30.08.2012 Барысаў: замест выступу Льва Марголіна ў эфіры гучала музыка

"Маё выступленне запісвалася ў панядзелак, - распавядае Леў Марголін. - Я выклаў пазіцыю АГП з нагоды выбараў у Беларусі. Заклікаў да байкоту выбараў у маім выступленні не было. Я сказаў выбаршчыкам, каб яны не хадзілі галасаваць датэрмінова".