Праваабарончы цэнтр «ВЯСНА»

01.07.2011 МЗС Латвіі накіравала Беларусі ноту пратэсту

Міністэрства замежных справа Латвіі накіравала Беларусі ноту ў сувязі з затрыманьнем журналіста Латвійскага радыё Угіса Лібіетыса. Ён быў затрыманы 29 чэрвеня ў часе акцыі маўклівага пратэсту ў Менску, а пазьней быў вызвалены.

01.07.2011 У Беларусі працягваюцца суды над затрыманымі ўдзельнікамі “маўклівых акцый” 29 чэрвеня

Сёньня беларускія суды будуць працягваць разгляд адміністратыўных спраў затрыманых 29 чэрвеня ўдзенікаў акцый пратэсту. Чакаецца, што ў судзе Ленінскага раёна Менска будзе разгледжана 6 адміністратыўных спраў, пройдуць суды у Маскоўскім і Савецкім раёнах. Пакуль няма звестак па суду Фрунзенскага раёна.

01.07.2011 Рашэнне па касацыйнай скарзе “Народнай волі” агучаць 5 ліпеня

«Народная воля» абскарджвае рашэнне, вынесенае ў красавіку 2011 года Вышэйшым гаспадарачым судом на зыск да рэдакцыі з боку Белтэлерадыёкампаніі.

01.07.2011 За ўдзел у "маўклівай акцыі" пратаколы ў краіне склалі на 130 чалавек

Міліцыянты заяўляюць, што ўдзельнікі "маўклівай акцыі" "гучна выкрыквалі нецэнзурныя выразы на адрас супрацоўнікаў міліцыі". Агулам, па звестках міліцыі, якія цытуе БелаПАН, у Мінску ў акцыі ўдзельнічалі каля 350 чалавек. Нагадаем, што праваабаронцы ацэньваюць лічбу ўдзельнікаў у паўтары тысячы чалавек.

01.07.2011 «Міжнародная амністыя» асудзіла затрыманьні падчас маўклівых пратэстаў

Беларускія ўлады павінны неадкладна і безумоўна вызваліць усіх затрыманых за ўдзел у мірных акцыях маўклівага пратэсту, заявіла праваабарончая арганізацыя Amnesty International.

01.07.2011 Актывіста Маладога фронту выклікалі ў падатковую інспекцыю

Студэнта, якія выдаў уласныя вершы, накладам у 150 асобнікаў падрабязна дапыталі пра атрыманне грошай на публікацыю, а таксама замежныя паездкі і рэгістрацыю сайту, якога не існуе.

30.06.2011 Барысенка засудзіў усю сямью Шылаў

Удзень у Салігорску судзілі затрыманых удзельнікаў учорашняй маўклівай акцыі пратэсту, што кожную сераду праходзіць на галоўнай плошчы сталіцы шахтароў. Пяцёра з шасьці падсудных правялі гэту ноч у ізалятары часовага ўтрыманьня. Чацьвёра з гэтых шасьці застануцца там і ў бліжэйшыя тыдні.

30.06.2011 Пачаліся суды над затрыманымі ўдзельнікамі “маўклівых акцый” (аднаўляецца)

На гэты раз беларуская "Феміда" вырашыла выправіць сітуацыю, каб збіць актыўнасьць удзельнікаў акцый пратэсту, з дапамогаю арыштаў.

30.06.2011 Прэзэнтацыя дакументальнага фільму па праблеме сьмяротнага пакараньня (відэа)

29 ліпеня ў Мінску ў Галерэі “Ў” адбылася прэзэнтацыя дакументальнага фільма “Прычына сьмерці - прочырк“, створанага ў межах кампаніі “Праваабаронцы супраць сьмяротнага пакараньня”.

30.06.2011 FIDH прадставіла справаздачу па Беларусі пасьля прэзыдэнцкіх выбараў

30 чэрвеня на прэс-канферэнцыі ў Менску Міжнародная Фэдэрацыя за правы чалавека (FIDH) прадставіла справаздачу аб абмежаванні палітычных і грамадзянскіх правоў грамадзян пасля прэзідэнцкіх выбараў 2010 г.

30.06.2011 Папярэднія спісы затрыманых у Менску 29 чэрвеня

Усяго ў Менску затрымалі больш за 160 чалавек, многія пры гэтым былі збітыя. Па папярэдняй інфармацыі складзена болей за 30 пратаколаў аб адміністратыўных праварапушэннях. Сярод затрыманых 13 журналістаў. У рэгіёнах колькасць затрыманых складае болей сотні.

30.06.2011 Старшыня БАЖ пракаментавала затрыманні і збіццё журналістаў

Старшыня грамадскага аб'яднання "Беларуская асацыяцыя журналістаў" Жанна Літвіна пракаментавала прэс-службе БАЖ гвалтоўныя дзеянні ў дачыненні да беларускіх і замежных журналістаў, якія асвятлялі "маўклівую" акцыю ў Мінску і іншых гарадах Беларусі, увечары 29 чэрвеня.

30.06.2011 Журналістаў ВВС не пусцілі ў Беларусь

Міністэрства замежных спраў Беларусі анулявала візы журналістаў брытанскай вяшчальнай карпарацыі Бі-бі-сі Ніка Стардзі і Люсі Эш, паведамляе прэс-служба Беларускай асацыяцыі журналістаў.

29.06.2011 Падчас "маўклівай" акцыі ў Мінску і Брэсце былі затрыманыя журналісты

Сілавікі дзейнічалі па звычайным для іх сцэнары - затрымлівалі не толькі ўдзельнікаў мірнай акцыі, але і тых, хто выконваў свае правесійныя абавязкі па асвятленні мірнай акцыі. Пры гэтым некаторыя журналісты былі збітыя, пашкоджаная тэхніка.

29.06.2011 Хроніка маўклівай рэвалюцыі: 29 чэрвеня

У Раусах перапісваюць пашпартныя дадзеныя затрыманых. Усяго ў Ленінскім РУУСе зараз 56 чалавек, у Савецкім - 40, у Маскоўскім - 32. Больш за 40 чалавек у Фрунзенскім. Затрыманых таксама дастаўляюць і ў Цэнтральны РУУС. Такім чынам, колькасьць затрыманых на гэты час больш за 160 чалавек. У іншых гарадах затрымана каля 90 чалавек. Лічба ўдакладняецца.