Праваабарончы цэнтр «ВЯСНА»

22.09.2012 Назіральнікі Гомельшчыны: колькасны паказчык перавышае якасны

Мазырскі праваабаронца Уладзімір Целяпун, назіральнік выбарчага участка №18 (выбарчая акруга №42), за пяць дзён назірання за датэрміновымі выбарамі нікога з зарэгістраваных ад прадзяржаўных арганізацый так і не убачыў.

22.09.2012 Цэнтрвыбаркам паказвае неіснуючыя нумары тэлефонаў участковых камісій.

Аказалася, не па ўсіх з гэтых нумарах можна датэлефанавацца. Напрыклад, гадзінамі безвынікова можна набіраць паказаны на вышэйзгаданым сайце тэлефон 27-46-23 Браздечынскага ўчастка № 17, які ўваходзіць у склад Аршанскай Дняпроўскага акругі № 27.

22.09.2012 Фарбы дзяцінства для Алеся Бяляцкага

У адным з нядаўніх лістоў Алесь распавёў пра стракаты феерверк з паштовак ад галандскіх дзетак, якія афарбавалі ў эмацыйныя колеры яго будні за кратамі. Кожная з іх – гэта шчыры і непасрэдны водгук дзіцячай душы на гісторыю пра аднаго чалавека, які ахвяруе ўласнай свабодай дзеля роўнасці, свабоды, справядлівасці і павагі для ўсіх.

22.09.2012 Магілёўскі выбарчы ўчастак №69 нагадвае райаддзел міліцыі

Галасаванне адбываецца ў сховішчы, дзе знаходзіцца сейф з каштоўнасцямі, якія кругласутачна ахоўваюць двое ўзброенных міліцыянтаў. Некалькі разоў на дзень іх прыязджаюць кантраляваць вышэйстаячыя начальнікі.

22.09.2012 У Магілёве яшчэ адзін назіральнік атрымаў папярэджанне

Калі лідэр Магілёўскай абласной арганізацыі партыі левых “Справядлівы свет”, прафесар Беларуска-Расійскага ўніверсітэту Валеры Беразіенка і надалей будзе ўмешвацца ў працу выбарчай камісіі №45, то яго пазбавяць акрэдытацыі, і ён мусіць пакінуць участак.

22.09.2012 Салігорцы дэманстратыўна галасуюць супраць усіх

Назіральнік Уладзімір Шыла фіксуе пратэстныя настроі выбарцаў на 77-м і 78-м выбарчых участках Салігорскай сельскай выбарчай акругі. Большасць выбарцаў, па яго словах, галасуе супраць усіх кандыдатаў.

22.09.2012 Лунінец: чыняць перашкоды для агітацыі за незалежнага кандыдата

У апошнія дні агітацыйнай кампаніі мясцовыя ўлады і кіраўніцтва некаторых прадпрыемстваў перашкодзілі кандыдату ў дэпутаты па Лунінецкай выбарчай акрузе №13 Віталю Каратышу ў правядзенні сустрэчаў у працоўных калектывах.

22.09.2012 Салігоршчына: бітва за яўку ў дзряжаўных СМІ

"Па ўзроўні напружання гэта параўнальна з “бітвай за ўраджай”. Штодня тэлеканал СТК падае зводкі з учасковых камісіяў аб працэнце выбарцаў, прагаласаваўшых датэрмінова, - кажа сябра БХК Аляксей Валабуеў. - Газета “Шахцёр”, у сваю чаргу, публікуе недвухсэнсоўныя заклікі мясцовых чыноўнікаў ды начальнікаў да актыўнага галасавання”.

22.09.2012 Мінск: студэнты галасуюць пад пагрозамі

Прымус да датэрміновага галасавання зафіксаваны на ўчастку №595 мінскай Усходняй выбарчай акругі № 107, які знаходзіцца ў будынку Політэхнічнага каледжу. Паводле назіральнікаў, студэнты ў час галасавання даволі часта імкнуцца завесці гаворку пра прымус. Аднак прадстаўнікі камісій у такіх выпадках перарываюць студэнтаў, а слухаць іх скаргі адмаўляюцца.

22.09.2012 Жлобін: назіральніцу ад “Справядлівага свету” выдалілі з участку

Ілону Ткачову, давераную асобу кандыдата ў дэпутаты па Жлобінскай выбарчай акрузе №40 Валерыя Рыбчанкі, выдалілі з памяшкання для галасавання выбарчага ўчастка №15, дзе яна з’яўляецца назіральнікам ад партыі “Справядлівы свет”.

22.09.2012 “Можа, у прыбіральню са мною пойдзеце, каб там паназіраць?”

З такою прапановаю Людмілы Моніч, намесніцы старшыні ўчастковай камісіі № 44 выбарчай акругі № 1 горада Брэста, сутыкнуўся Уладзімір Вялічкін, накіраваны на гэты ўчастак ад газеты "Брэсцкі кур'ер". Як кажуць, no comment…

22.09.2012 Гомельшчына: узоры бюлетэняў агітуюць за праўладных кандыдатаў

Ва ўзорах бюлетэняў для галасавання, вывешаных на выбарчых участках у Рэчыцы, адзнака “за” стаіць у першым пункце, а ў Светлагорску – у другім. У рэальных бюлетэнях менавіта ў гэтых пунктах адпаведна ў абодвух раёнах указаны прозвішчы “кандыдатаў ад улады”. Супадзенне?

22.09.2012 Віцебск: праваабаронца патрабуе ануляваць датэрміновае галасаванне на адным з участкаў

Праваабаронца Павел Левінаў звярнуўся ў ЦВК са скаргай на дзейнасць участковай камісіі №52, сфармаванай Першамайскай раённай адміністрацыяй. Паводле звестак Левінава, стыршыню, намесніка і сакратара камісіі выбіралі ў прысутнасці 9-ці сябраў камісіі, і а гэта меньш за 2/3 ад агульнага складу.

22.09.2012 Брэст: У панядзелак – суд над Палінай Шарэнда-Панасюк

Затрыманне Паліны Шарэнда-Панасюк, Андрэя Шарэнды і Вячаслава Бароўскага адбылося ўвечары 21 верасня, актывістаў адвезлі ў Маскоўскі РАУС, дзе канфіскавалі ўсе асобнікі улётак, прысвечаныя байкоту парламенцкіх выбараў, а таксама некалькі дзесяткаў асобнікаў газеты Хартыя-97.

22.09.2012 Светлагорск: Праграма аднаго з кандыдатаў апублікавана двойчы

Заканадаўства прадугледжвае, што кандыдаты могуць публікаваць матэрыялы за плату са свайго выбарчага фонду. Аднак у гэтым самым выпуску газеты ёсць паведамленне акруговай выбарчай камісіі, што сродкі з выбарчага рахунку Г. Філіповіч не расходваліся.