Праваабарончы цэнтр «ВЯСНА»

06.09.2011 Мэр Парыжу занепакоены арыштам Алеся Бяляцкага

Мэр Парыжу Бертран Дэланоэ адрэагаваў на арышт Алеся Бяляцкага, віцэ-прэзідэнта Міжнароднай Федэрацыі за правы Чалавека (FIDH) і прэзідэнта беларускага праваабарончага цэнтра "Вясна" адмысловай заявай.

06.09.2011 Эўразьвяз не задаволіцца памілаваньнем палітвязьняў

Дзяржавы Эўразьвязу лічаць, што беларускія ўлады павінны не памілаваць асуджаных па справе "19 сьнежня", а рэабілітаваць, заявіла ў інтэрвію агенцтву "Інтэрфакс-Захад" амбасадар Вялікабрытаніі ў Беларусі Розмары Томас.

06.09.2011 Эўрадэпутат Манфрэд Вэбэр падтрымае палітвязьня Зьмітра Новіка

Дэпутат Эўрапарлямэнту Манфрэд Вэбэр заявіў, што бярэ шэфства над палітвязьнем Зьміцерам Новікам.

06.09.2011 Рада па правах чалавека ААН правядзе дэбаты па Беларусі

Рада па правах чалавека ААН плянуе правесьці дэбаты па Беларусі на 18-й сэсіі ААН у Жэнэве (12-30 верасьня). Праваабарончая арганізацыя Amnesty International падрыхтавала да дэбатаў справаздачу з аглядам сытуацыі з правамі чалавека ў Беларусі.

06.09.2011 Акцыі ў падтрымку Алеся Бяляцкага ля беларускіх амбасадаў

5 верасня ў розных гарадах Еўропы прайшлі акцыі салідарнасці з арыштаваным старшынём Праваабарончага цэнтру “Вясна” Алесем Бяляцкім. Акцыі праводзіліся каля амбасадаў Беларусі ў Стакгольме, Маскве, Кіеве, Вільні, Ерэване і іншых гарадах.

06.09.2011 Міжнароднае таварыства “Мемарыял” патрабуе вызваліць Алеся Бяляцкага

Міжнароднае таварыства “Мемарыял” выступіла з заявай, у якой патрабуе неадкладнага вызвалення старшыні Праваабарончага цэнтру “Вясна” Алеся Бяляцкага і ўсіх палітзняволеных у Беларусі.

06.09.2011 Віцебскі флэш-моб у падтрымку Алеся Бяляцкага

Віцебскія грамадзкія і палітычныя актывісты, праваабаронцы і журналісты адгукнуліся на заклік ПЦ “Вясна” “Дашліце ліст падтрымкі Алесю Бяляцкаму!”. Цягам некалькіх дзён яны напісалі каля трыццаці лістоў на паштоўках. Паштоўкі даслалі на адрас менскага СІЗА № 1, што на вул. Валадарскага.

06.09.2011 У Гомелі міліцыя затрымала 4 зборшчыкаў подпісаў

У Гомелі 5 верасьня блізу 19 гадзінаў міліцыя затрымала чатырох грамадзкіх актывістаў. На вуліцы Юбілейнай яны зьбіралі подпісы за правядзеньне 8 кастрычніка Народнага сходу, дзе будзе абмеркавана цяперашняя эканамічная й палітычная сытуацыя ў краіне і выстаўлены прапановы і патрабаваньні да ўлады.

06.09.2011 Ператрус у кватэры актывіста БНФ Алеся Каліты

Пра ператрус у кватэры Алеся Каліты паведаміў старшыня партыі БНФ Аляксей Янукевіч. Паводле зьвестак, раней Алеся Каліту дапыталі ў райаддзеле міліцыі паводле справы аб зьбіцьці ахоўніка будынку, дзе месьціцца офіс партыі БНФ.

05.09.2011 Алесь Бяляцкі: Жыву, бунтую, хто зразумее?

Заўважана, што з узростам у чалавека сапраўдных сяброў не становіцца болей, хутчэй наадварот. Аднак здараецца, што лёс сутыкае людзей, якія на доўгія гады робяцца сябрамі і аднадумцамі. Алесь Бяляцкі уварваўся ў маё жыцьцё ў 1979 годзе...

05.09.2011 Галіну Кавалевіч з Бярозы будуць судзіць

У судзе Бярозаўскага раёна 6 верасня ў 11 гадзін будзе разгледжана адміністрацыйная справа старшыні Бярозаўскай суполкі Кансерватыўна-хрысціянскай партыі БНФ Галіны Кавалевіч. Яна абвінавачваецца ў непадпарадкаванні супрацоўнікам міліцыі падчас "маўклівай акцыі" 13 ліпеня.

05.09.2011 Алесь Бяляцкі -- абаронца правоў чалавека (відэа)

Дакументальны фільм "Алесь Бяляцкі – абаронца правоў чалавека" створаны на Белсат-TV па сцэнары Міколы Ваўранюка ў 2008 годзе і распавядае пра дзейнасць вядомага беларускага прааабаронцы, пачынаючы ад 2001 года.

05.09.2011 Таццяну Равяку выклікаюць на допыт

Дэпартамент фінансавых расследванняў цікавіць, ці супрацоўнічала юрыстка з арыштаваным Алесем Бяляцкім і якое дачыненне мае да Праваабарончага цэнтра “Вясна”.