Праваабарончы цэнтр «ВЯСНА»

09.10.2012 У Магілёве актывіст БСДП (Г) абскарджвае сваё звальненне праз суд

Адпаведны пазоў Мікалай Залозны падаў у суд Ленінскага раёна горада. Актывіст Грамады праз суд хоча аднавіцца на працы і спагнаць са свайго былога працадаўцы “Магілёўаблсельбуда” сярэдні заробак за час вымушанага прагулу.

09.10.2012 Удзельніка Плошчы адправілі ў псіхбальніцу за адмову служыць у войску

Хлопец лічыць, што праблемы пачаліся пасля таго, як супрацоўнікі ваенкамата пабачылі ў яго паперах звесткі пра ўдзел у маніфестацыі 19 снежня.

09.10.2012 Яўген Полудзень абвінавачваецца ў злоўжыванні ўладай, перавышэнні ўлады і атрыманні хабару

У Следчым камітэце Беларусі завершана расследаванне крымінальнай справы ў дачыненні да былога намесніка міністра ўнутраных спраў — начальніка міліцыі грамадскай бяспекі Яўгена Полудня.

09.10.2012 Сетка Дамоў правоў чалавека заклікае беларускія ўлады вызваліць Алеся Бяляцкага

Члены і партнёры Cеткі Дамоў правоў чалавека звярнуліся з лістом да прэзідэнта і генеральнага пракурора Рэспублікі Беларусь, заклікаючы да неадкладнага вызвалення праваабаронцы Алеся Бяляцкага.

09.10.2012 Цэнтрвыбаркам не стаў разглядаць болей за 100 скаргаў магілёўскіх назіральнікаў

Пра гэта паведамляе магілёўскі каардынатар кампаніі “За справядлівыя выбары-2012” Юрый Новікаў, які днямі атрымаў пісьмовы адказ ад кіраўніцы Цэнтральнай камісіі па выбарах Лідзіі Ярмошынай.

09.10.2012 Былога палітвязня Каваленку паставілі на прафілактычны ўлік

На працягу бліжэйшых двух гадоў былы палітвязень павінны адзначацца ў той самай інспекцыі, супрацоўнікі якой ініцыявалі супраць Сяргея крымінальную справу за парушэнне рэжыму так званай “хатняй хімі”, якую ён атрымаў за вывешванне 7 студзеня 2010 года бел-чырвона-белага сцяга на навагодняй ёлцы ў Віцебску.

09.10.2012 Брэст: акруговая камісія не задаволіла скаргу экс-кандыдата

Старшыня абласной арганізацыі Беларускай сацыял-дэмакратычнай партыі (Грамада) Ігар Маслоўскі, які балатаваўся па Брэсцкай-Цэнтральнай выбрачай акрузе №2, патрабаваў адмяніць вынікі выбараў у гэтай акрузе, бо, на яго думку, яны прайшлі з грубымі парушэннямі заканадаўства.

09.10.2012 Праваабарончая праграма “Людзьмі звацца!” на Радыё Рацыя

"Асоба. Дзяржава. Грамадства": госць рубрыкі - Паліна Сцепаненка, сцэнарыст цыклу тэлевізійных рэпартажаў і дакументальных фільмаў па праблеме смяротнага пакарання ў Беларусі. Яе фільм "Убыл по пріговору" прэзентуецца на гэтым тыдні з нагоды Міжнароднага дня супраць смяротнага пакарання.

09.10.2012 Жыхар Гомеля дабіўся кампенсацыі матэрыяльнай шкоды за незаконнае асуджэнне

Гомельскі абласны суд 8 кастрычніка прыняў рашэнне на карысць былога асуджанага – дзяржава павінна выплаціць яму з казны больш за 20 мільёнаў рублёў, якія Яўген Дзедушкін выдаткаваў на паслугі адваката за гады следства і судоў, а таксама адбыцця пакарання.

09.10.2012 9 кастрычніка — працяг суду ў справе ліквідацыі «Плятформы»

Працэс праходзіць у Гаспадарчым судзе Менску. Справу разглядае судзьдзя Алег Клюйко.

09.10.2012 У Магілёве за налепкі супраць смяротнага пакарання затрыманыя валанцёры

У Магілёве 8 кастрычніка, напярэдадні Міжнароднага дня супраць смяротнага пакарання, былі затрыманыя валанцёры, якія распаўсюджвалі налепкі і постэры кампаніі “Праваабаронцы супраць смяротнага пакарання ў Беларусі”.

09.10.2012 Івацэвіцкі назіральнік за выбарамі застанецца без працы

Слесар райводаканала Івацэвіцкай жыллёва-камунальнай гаспадаркі Станіслаў Халадовіч, які быў назіральнікам падчас парламенцкіх выбараў, атрымаў на рукі папярэджанне аб тым, што з ім з 7 лістапада не будзе працягнуты працоўны кантракт. Тым часам, як на водаканале не хапае ажно 40 работнікаў.

08.10.2012 Выкладчыка Гродзенскага ўніверсітэта звальняюць за казку пра Пагоню?

Імя новай магчымай ахвяры «зачысткі» ў гродзенскім універсітэце імя Янкі Купалы ўжо вядомае. Гэта беларускамоўны выкладчык Ігар Кузьмініч, які да верасня 2012 г. быў намеснікам старшыні юрыдычнага факультэта.

08.10.2012 Бабруйск: Міхаіл Кавалькоў зноў не можа патрапіць на завод ТДіА

Лідэр Свабоднага прафсаюза беларускага адзначае, што апошнім часам на прадпрыемстве зноў узмацніўся ціск на сябраў незалежнага прафсаюза. Ім не хочуць павышаць разрады і заробкі, працягваць працоўныя кантракты.

08.10.2012 Статкевіча-старэйшага павіншавалі з днём настаўніка

Падчас візіту гасцей Віктар Паўлавіч распавёў пра вучобу ў Пінскім настаўніцкім інстытуце, пра пачатак яго працы настаўнікам гісторыі. Але галоўная размова за кубачкам гарбаты была, вядома ж, пра яго сына-палітвязня.