Праваабарончы цэнтр «ВЯСНА»

29.10.2012 «Беларуская мара» ў Варшаве

Фонд Развіцця Дэмакратычных Ініцыятыў арганізуе 30 кастрычніка ў Варшаве паказ фільма «Беларуская мара». Пасля паказу адбудзецца дыскусія аб палітычнай сітуацыі ў Беларусі, а таксама аб сітуацыі з правамі чалавека і дэмакратыяй у краіне.

29.10.2012 Марэк Мігальскі ўзяў апякунства над чарговымі беларускімі палітвязнямі (дапоўнена)

Марэк Мігальскі пачаў кампанію "Свабода x 2" - акцыю салідарнасці з двума беларускімі палітвязнямі: кандыдатам у прэзідэнты на выбарах 2010 года Мікалаем Статкевічам і лідарам "Маладога Фронту" Зміцерам Дашкевічам. Раней Мігальскі браў шэфства над Зміцерам Бандарэнкам і Сяргеем Каваленкам.

29.10.2012 Выпускніка прыцягнулі да крымінальнай адказнасці за ўхіленне ад абавязковага размеркавання

У Бабруйскім раёне распачата крымінальная справа ў дачыненні да выпускніка аднаго з каледжаў, які падрабіўшы працоўную кніжку, спрабаваў такім чынам ухіліцца ад абавязковай адпрацоўкі ў рамках размеркавання.

29.10.2012 29 кастрычніка — працяг суду за кубікі

У панядзелак павінен аднавіцца працэс над удзельнікамі арт-праекту Going Public. Уладзіслава Лук’янчука і Алега Давыдчыка пачалі судзіць 22-га кастрычніка. Іх вінавацілі ў непадпарадкаваньні міліцыі.

29.10.2012 Грамадскага актывіста з Астравеччыны Мікалая Уласевіча зноў судзяць

29 кастрычніка ў Астравецкім раённым судзе працягнецца разгляд адміністрацыйнай справы грамадскага актывіста Мікалая Уласевіча. Працэс, які вядзе суддзя Аляксандар Радкевіч, пачаўся яшчэ 26 кастрычніка, прычым Уласевіч быў выкліканы ў суд позвай, якую прывёз кіроўца раённага суду напярэдадні, толькі за суткі да пачатку працэсу.

29.10.2012 30 кастрычніка - выязны суд над Зміцерам Дашкевічам

Выязное паседжанне мазырскага суда па справе лідара "Маладога фронту" (Чэхія) Зміцера Дашкевіча адбудзецца ў аўторак, 30 кастрычніка. Пра гэта праваабаронцам паведаміў адзін з кіраўнікоў гэтай арганізацыі Мікола Дземідзенка. Палітвязню пагражае перавод з калоніі ў турму строгага рэжыму.

28.10.2012 У Віцебску з’явіліся графіці ў падтрымку Зміцера Дашкевіча (фота)

Мясцовыя мінакі ў самых людных месцах горада сустракаюць зроблены праз трафарэт надпіс "Спыніце тэрор! Свабоду Дашкевічу!". Камунальныя службы пакуль не паспелі зафарбаваць надпісы ў падтрымку палітвязня, які частку тэрміну свайго зняволення адбываў на Віцебшчыне.

27.10.2012 Свіслач: арышты тых, хто ўшаноўваў Каліноўскіх (фота)

Штогод у апошні тыдзень кастрычніка людзі з усёй Беларусі, якім дарагія ідэалы паўстання 1863 года, з'язджаюцца ў Свіслач, каб ускласці кветкі на магілу Віктара Каліноўскага, да помніка Кастусю Каліноўскаму, Рамуальду Траўгуту, а таксама наведаць Якушоўку, дзе жылі браты Каліноўскія.

27.10.2012 Свіслач: Дзень памяці паўстанцаў 1863 году азмрочаны затрыманнямі за нацыянальную сімволіку

За амаль дваццаць гадоў правядзення традыцыйнага фэсту ў Свіслачы гэта быў другі выпадак затрымання яго удзельнікаў. Улады сапсавалі свята таксама ў 2004-ым годзе, калі чатырох грамадска-палітычных актывістаў былі засуджаныя да грашовых штрафаў.

27.10.2012 Праваабаронцы дапамагаюць адстойваць права на бяспечную працу

Жыхарка Дрыгічыну Алена Найбародзіна звярнулася за дапамогай да брэсцкіх праваабаронцаў, каб дамагчыся справядлівага разбіральніцтва ў гісторыі, што прывяла жанчыну да інваліднасці.

27.10.2012 У Магілёве і Гомелі адбыліся прэзентацыі фільма “Убыл по приговору” (фота)

Фільм, створаны рэжысёрам Віктарам Трацяковым па сцэнары Паліны Сцепаненка ў межах кампаніі “Праваабаронцы супраць смяротнага пакарання”, магілёўскім ды гомельскім гледачам прадставілі каардынатар кампаніі Андрэй Палуда і рэжысёр фільма Віктар Трацякоў.

27.10.2012 Пенсіянер-інвалід з Бярозаўшчыны раскайваецца ў жаданні падпаліць сябе і старшыню сельвыканкама

Павел Левашэвіч раскайваецца ў жаданні падпаліць сябе і старшыню сельвыканкама, але прасіць у яго прабачэння не збіраецца.

26.10.2012 Партрэт праваабаронцы: Леанід Судаленка (фота)

Як і чаму прыходзяць людзі ў праваабарончую дзейнасць у Беларусі? Краіне, дзе за праваабарончую дзейнасць садзяць у турму, як гэта адбылося з Алесем Бяляцкім. Што дае людзям праваабарончая дзейнасць, акрамя праблемаў з уладамі, што прываблівае ў гэтай важнай, але ў нашай краіне нават небяспечнай працы? Аб гэтым мы гутарым з вядомым гомельскім праваабаронцам Леанідам Судаленкам.

26.10.2012 Брэст: Аляксандр Дзенісенка скардзіцца ў Камітэт па правах чалавека ААН у сувязі з забаронай пікету

Прайшоўшы ўсе судовыя інстанцыі на нацыянальным узроўні, брэсцкі актывіст Беларускай партыі левых “Справядлівы свет” накіраваў скаргу ў Камітэт па правах чалавека ААН па справе забароны пікету, падчас якога планавалася прыцягнуць увагу грамадскасці да немагчымасці пабудаваць жыллё па даступных коштах.

26.10.2012 Брэст: былы кандыдат у дэпутаты не задаволены судовым рашэннем і высновамі пракуратуры

Амаль адчасова экс-кандытат у дэпутаты па Брэсцкай-Заходняй выбарчай акруге №1 Аляксандр Мельнік атрымаў адказы на свае скаргі, які тычыліся парушэнняў Выбарчага кодэксу падчас падліку галасоў у гарадской лякарні.