Праваабарончы цэнтр «ВЯСНА»

06.11.2012 Марына Адамовіч: Статкевіча ізалююць, бо не могуць зламаць

Па словах жонкі палітвязня, Статкевічу хочуць стварыць такія ўмовы, як быццам яго ўсе забыліся. Ён ні разу не атрымаў ніводнай перададзенай яму газеты, брашуры ці кнігі.

06.11.2012 Рабочых нацкоўваюць на незалежныя прафсаюзы

Адміністрацыя Бабруйскага завода трактарных дэталяў вінаваціць лідара Свабоднага прафсаюза прадпрыемства ў жаданні пазбавіць людзей права на працу.

06.11.2012 Лукашэнка выступае за ліквідацыю АБСЕ

Аб гэтым ён заявіў 6 лістапада, адказваючы на пытанні журналістаў.

06.11.2012 Мазырскі праваабаронца паказаў ўладам, як выглядаюць ускраіны горада (фота)

Мазырскі праваабаронца Уладзімір Целяпун звярнуўся з адкрытым лістом да старшыняў райвыканкама і райсавету дэпутатаў, у якім просіць звярнуць увагу на добраўпарадкаванне, дакладней, яго адсутнасць на ўскраінах горада. Да свайго лісту ён прыклаў шмат фота, якія яскрава сведчаць, што робіцца на вуліцах, аддаленых ад цэнтра Мазыра.

06.11.2012 Праваабарончая праграма “Людзьмі звацца!” на Радыё Рацыя

“Падзея тыдня”: працягваюцца рэпрэсіі ў дачыненні да палітвязня Зміцера Дашкевіча. "Асоба. Дзяржава. Грамадства": кыргызскі эксперт Эркін Асаналіеў - пра ўзаемаадносіны народа, дяржавы і праваабаронцаў падчас мітынгаў пратэсту, калі кыргізы патрабавалі звяржэння прэзідэнта Бакіева.

06.11.2012 “Станем за журналістыку!” ў Бабруйску (фота)

Сустрэча ў межах акцыі “Станем за журналістыку!” прайшла ў Бабруйску 6 лістапада, на офісе АГП. Яе арганізатарам стала мясцовая суполка Беларускай асацыяцыі журналістаў. Падтрымаць незалежных журналістаў прыйшло каля 30 чалавек.

06.11.2012 Журналісты Магілёўшчыны падтрымалі акцыю “Станем за журналістыку” (фота)

5 лістапада ў Магілёве ў памяшканні грамадскага цэнтра “Кола” сабраліся журналісты з розных рэгіянальных выданняў Магілёўскай вобласці, каб прыняць удзел у міжнароднай акцыі салідарнасці “Станем за журналістыку!” і падтрымаць сваіх калег, якія пераследуюцца за сваю прафесійную дзейнасць.

06.11.2012 Ларыса Насановіч пра сітуацыю з прэсай у Салігорскім рэгіёне

З нагоды сусветнай акцыі «Станем за журналістыку!» сваім бачаннем сітуацыі вакол працы прадстаўнікоў гэтай прафесіі ў Салігорскім рэгіёне дзеліцца мясцовая журналістка Ларыса Насановіч.

06.11.2012 Брэсцкі ЦУМ хоча судзіцца з экс-кандыдатам у дэпутаты

Амаль праз паўтары месяцы пасля выбараў адміністрацыя гандлёвага аб’екту вырашыла запатрабаваць прабачэнняў за сказ, які быў размешчаны на агітплакаце Аляксандра Мельніка - “Паглядзіце на ЦУМ – ён стаў музеем адных з самых высокіх цэнаў”. Яго апанентам у выбарчай кампаніі быў генеральны дырэктар ААТ “Брэсцкі цэнтральны універмаг” Віктар Валюшыцкі, які і быў абвешчаны дэпутатам.

05.11.2012 Васіль Палякоў звярнуўся ў пракуратуру з нагоды беспадстаўнага затрымання міліцыяй

Ён просіць даць прававую ацэнку дзеянням камандзіра аддзялення АМАП Сяргея Астапенкі, які ажыццяўляў незаконнае затрыманне палітыка, а таксама намесніка начальніка крымінальнага вышуку РАУС Савецкага раёна Аляксея Скрабука, які парушыў нормы крымінальна-працэсуальнага і адміністрацыйна-працэсуальнага права.

05.11.2012 Жыхарам Віцебску распавялі пра праблемы незалежных СМІ (фота)

Віцебскія сябры ГА "БАЖ", далучыўшыся да акцыі "Станем за журналістыку!", сёння стаялі разам з распаўсюднікам незалежнай прэсы Барысам Хамайдам, размаўлялі з мінакамі, раздаючы ўлёткі пра сенняшнюю падзею.

05.11.2012 Гомельскія сябры БАЖ звярнуліся ў Дзяржкантроль у падтрымку “Arche-Пачатак”

Так БАЖаўцы вырашылі падтрымаць свайго калегу Андрэя Пачобута, які знаходзіцца пад крымінальным пераследам, і часопіс “Arche-Пачатак”, якому пагражае закрыццё.

05.11.2012 Брэст: праваабарончыя фільмы выклікалі ажыўленыя дыскусіі

Брэсцкія праваабаронцы арганізавалі прагляд дакументальных фільмаў пра палітвязняў - “Алесь Бяляцкі: мы ратуем гонар Беларусі” і “Храбрае сэрца Ірыны Халіп”, а таксама новага фільму пра смяротнае пакаранне “Убыл по приговору”.

05.11.2012 Дзе Зьміцер Дашкевіч?

Актывісты «Маладога фронту» распачынаюць пошукі кіраўніка арганізацыі Зьмітра Дашкевіча. Яны наведаюць турмы ў Жодзіне, Горадні і Магілёве, каб паспрабаваць адшукаць палітвязьня.

05.11.2012 Праваабаронцы падтрымалі акцыю «Станем за журналістыку!»

5 лістапада ва ўсім свеце праводзіцца акцыя «Станем за журналістыку!» Яна ладзіцца ўжо пяты год запар з ініцыятывы Міжнароднай федэрацыі журналістаў (IFJ) і Еўрапейскай федэрацыі журналістаў (EFJ).