Праваабарончы цэнтр «ВЯСНА»

13.10.2011 Прэс-канферэнцыя беларускіх праваабаронцаў!

Сёньня адбудзецца прэс-канферэнцыя прадстаўнікоў беларускіх праваабарончых арганізацый з нагоды прыняцця Нацыянальным сходам зменаў у заканадаўства, якія істотна пашыаюць паўнамоцтвы КДБ і крыміналізуюць атрыманне замежнай дапамогі.

13.10.2011 Актывістку кампаніі "Гавары праўду” Тацяну Касатую адлічаюць з аспірантуры

У Гарадзенскім дзяржаўным універсітэце імя Янкі Купалы працягвае нарастаць ідэалагічны ціск. На пачатку гэтага тыдня стала ведама, што аспірантку гэтай навучальнай установы Тацяну Касатую адлічаюць з аспірантуры. У верасні яна была звольнена з працы з Гарадзенскага Дзяржаўнага гісторыка-археалагічнага музею, дзе яна працавала тры гады навуковай супрацоўніцай.

13.10.2011 Бабруйск: Віктара Бузінаева выклікалі ў УУС

Сябра аргкамітэта Народнага схода выклікаюць на допыт у мясцовы УУС. Віктар Бузінаеў, які быў у той дзень затрыманы супрацоўнікамі міліцыі, але адпушчаны без складання пратакола, атрымаў сёння на рукі позву.

13.10.2011 Маладэчна: Працаўнікі камунальных службаў пратэстуюць

Учора ў Маладэчне адбылася стыхійная акцыя пратэсту працаўнікоў мясцовых камунальных службаў. Працаўнікі звярнуліся да начальства, пагражаючы масава не выйсці на працу ці напісаць заявы аб звальненні. Атрымаўшы разліковыя лісты, людзі даведаліся, што іх заробкі значна меншыя, чым у мінулым месяцы.

13.10.2011 Чэшскі суд адмовіўся выдаваць Алеся Міхалевіча ў Беларусь

Пра гэта экс-кандыдат у прэзідэнты паведаміў у жывым эфіры Еўрарадыё. Нагадаем, што зараз ён знаходзіцца ў Чэхіі як палітуцякач.

13.10.2011 Віцэ-прэзідэнт Бундэстага прымае апеку над Алесем Бяляцкім

Катрын Герынг-Экард, віцэ-прэзідэнт Бундэстага Германіі, афіцыйна абвесціла аб сваім удзеле ў праграме апякунства над беларускімі палітвязнямі. Спадарыня Герынг-Экард ўзяла апеку над старшынём ПЦ “Вясна” Алесем Бяляцкім.

13.10.2011 Белпартызан: На лідара «Ляпісаў» Сяргея Міхалка завялі крымінальную справу

Як стала вядома "Беларускаму партызану" з кампетэнтных крыніц, супраць лідара культавага беларускага гурта "Ляпіс Трубяцкі" Сяргея Міхалка ў Беларусі заведзена справа. Яго хочуць пакараць за смелыя выказванні супраць улады.

13.10.2011 Магілёўскага актывіста “Руху за Свабоду” аштрафавалі завочна

Яўген Макута атрымаў штраф у памеры 17 500 тысяч рублёў за расклейку ўлётак з заклікам да ўдзелу ў мерапрыемстве “Рэвалюцыя праз сацыяльныя сеткі”. Затрымалі актывіста 21 верасня бягучага года.

13.10.2011 Магілёўскія дэпутаты не маюць паўнамоцтваў, каб зрабіць бясплатны праезд студэнтам

Такі адказ атрымаў актывіст кампаніі “Гавары праўду”! Аляксей Паўлоўскі за подпісам намесніка старшыні гарвыканкама Ігара Шардыкі. Аляксей Паўлоўскі ініцыяваў збор подпісаў за ўвядзенне бяспланага праезда магілёўскім студэнтам у грамадскім транспарце горада. На яго думку, магілёўскія студэнты з мінскімі пастаўлены ў няроўныя ўмовы.

13.10.2011 Справу затрыманага 8 кастрычніка Ігара Трухановіча суд адправіў на дапрацоўку

Сёньня ў судзе Мінскага раёну адбыўся разгляд адміністратыўнай справы Ігара Трухановіча, затрыманага 8 кастрычніка перад Народным сходам. Судовае паседжанне адбывалася ў закрытым рэжыме. Суддзя Аляксей Мініч адправіў адміністратыўны пратакол на дапрацоўку.

13.10.2011 Інжынэра судзяць за “супраціў” міліцыі

У судзе Віцебскага раёну распачаўся разгляд адміністрацыйнай справы, заведзенай супраць Валера Стаўрова. Віцебскі інжынэр абвінавачваецца паводле артыкулу 23.4 Кодэксу аб адміністрацыйных правапарушэньнях - ён нібыта не падпарадкаваўся законным патрабаваньням супрацоўнікаў міліцыі. Менавіта міліцыянты і падалі на Валера ў суд. Да таго яны некалькі разоў наведваліся да яго дадому, патрабуючы тэрмінова прайсьці дактыляскапію.

13.10.2011 Пракуратура дапытала магілёўскую журналістку Аліну Скрэбунову

Сёння Магілёўская пракуратура дапытала журналістку Аліну Скрэбунову з нагоды каментароў, пакінутых на сайце “Хартыя-97”. Аддзел па высокіх тэхналогіях пры УУС Магаблвыканкама адсочвае інтэрнэт-прастору і звярнуўся з ініцыятывай у пракуратуру, каб высветліць, хто мог зрабіць каментар, каб прыцягнуць крыўдзіцеля за абразу.

13.10.2011 Аналітычны агляд па крымінальнай справе Святаслава Барановіча

Рашэнне суда яшчэ раз падкрэслівае палітычны характар усіх працэсаў па падзеях 19 снежня 2010 г. А ў сітуацыі з Святаславам Барановічам улады мелі за мэту прадэманстраваць змяншэнне колькасці палітычных вязняў дзеля магчымых перамоваў з краінамі Еўрапейскага Саюза.

13.10.2011 ЖРЭА патрабуе 19 мільёнаў з Партыі БНФ

12 кастрычніка ў офіс Партыі БНФ у Менску (Крапоткіна,93а) прыходзіў участковы інспэктар Савецкага РУУС, які ўзяў тлумачэньні ў старшыні партыі Аляксея Янукевіча. Падставай стала скарга ЖРЭА, якое спаганяе з БНФ 19 мільёнаў рублёў.

13.10.2011 Гомель. Акцыя маўклівага пратэсту ў атачэньні спэцназаўцаў

12 кастрычніка ў Гомелі а 19 гадзіне на акцыю «маўклівага» пратэсту выйшлі каля дзесяці маладзёнаў. Спэцназаўцы ўзялі ўдзельнікаў акцыі ў аблогу й ледзьве не наступалі ім на ногі. Вялі ва ўпор відэаздымку.