Праваабарончы цэнтр «ВЯСНА»

05.12.2012 Аляксею Паўлоўскаму не дазволілі зняць копію з матэрыялаў судовай справы

Суддзя Ленінскага раёна Магілёва Юлія Трапыніна не дазволіла сфатаграфаваць матэрыялы справы цяжбы актывіста незалежнага прафсаюза РЭП з Магілёўскім домабудаўнічым камбінатам. Праваабаронца Барыс Бухель адзначае, што суддзя Трапыніна парушыла тры артыкулы Грамадзянска-працэсуальнага кодэкса.

05.12.2012 У Магілёве актывісты АГП падалі 10 заявак на пікеты 19 снежня

Кіраўнік абласной арганізацыі АГП Уладзімір Шанцаў адзначае, што большасць пікетаў у выпадку дазволу будзе праведзена на цэнтральнай пешаходнай вуліцы Ленінскай у самым цэнтры Магілёва. Лозунг пікетаў - “Скралі выбары, каб прадаць краіну”.

05.12.2012 Гарадзеншчына: уладам не дае спакою ўшанаванне памяці паўстанцаў 1863 году

Супрацоўнікі міліцыі працягваюць шукаць удзельнікаў урачыстасці, пераследуючы іх у адміністратыўным парадку. 4 снежня з адміністратыўнымі пратаколамі былі азнаёмлены старшыня Гарадзенскай арганізацыі Партыі БНФ Вадзім Саранчукоў і сябра рады гарадской структуры ПБНФ Ірына Данілоўская. Напэўна, іх неўзабаве чакае выклік у Свіслацкі раённы суд.

05.12.2012 Затрыманы мастак Алесь Пушкін

Мастак Алесь Пушкін затрыманы і знаходзіцца ў пастарунку Ленінскага раёну Менску.

05.12.2012 Паліцыя затрымала расійскіх фатографаў на пікеце ў падтрымку іх беларускіх калегаў

Маскоўская паліцыя раніцай затрымала пяцёра ўдзельнікаў пікета ля амбасады Беларусі на Марасейцы. Пікет быў арганізаваны фатографам Вікторыяй Іўлевай ў знак пратэсту супраць спалення рэспубліканскай мытняй 41 альбома-зборніка "Прэс-фота Беларусі".

05.12.2012 Чэрыкаўскі раён: ежу для дзяцей гатуюць у антысанітарыі і з няякасных прадуктаў

Падчас праверак ва ўстановах адукацыі раёна выяўлены парушэнні, якія супрацоўнікі цэнтра гігіены і эпідэміялогіі напрамую звязваюць з нізкай адказнасцю і недастатковым кантролем за арганізацыяй харчавання дзяцей з боку адміністрацый устаноў і аддзела адукацыі, а таксама з боку аддзела харчавання Чэрыкаўскага РАЙСТа.

05.12.2012 Брэст: пакрыўджаныя жыхары шматпавярхоўкі накіравалі зварот чыноўнікам краіны

Гэты зварот накіраваны ва ўсе дзяржаўныя ўстановы, якія былі ўпаўнаважаныя спыніць незаконнае будаўніцтва аптэкі, у тым ліку - да прэзідэнта, у Генеральную пракуратуру, Камітэт дзяржаўнага кантролю, Следчы камітэт.

05.12.2012 У МУС будзе створана галоўнае ўпраўленне ідэалагічнай работы

У межах рэфармавання сістэмы МУС прынята рашэнне аб стварэнні галоўнага ўпраўлення ідэалагічнай работы. Пра гэта паведаміў міністр Ігар Шуневіч на канферэнцыі па праблемах ідэалагічнай сістэмы. Яна прайшла ў Акадэміі МУС 30 лістапада.

05.12.2012 Супраць міліцыянтаў завялі крымінальную справу за катаванні

Праверка фактаў катаванняў вартаўніка аўтастаянкі Васіля Сарочыка скончылася тым, што завялі крымінальную справу па факту перавышэння паўнамоцтваў міліцыяй.

05.12.2012 У Баранавічах таксама запланаваны пікет 19 снежня

Старшыня Баранавіцкай філіі АГП Анжаліка Камбалава 4 снежня падала ў гарвыканкам заяву на правядзенне пікету, які плануецца правесці 19 снежня ў старым парку горада, што рашэннем уладаў вызначаны месцам масавых мерапрыемстваў.

05.12.2012 Барысаў: «антыакцыя» да гадавіны прыняцця Усеагульнай дэкларацыі правоў чалавека

Своеасаблівую «антыакцыю» ладзяць барысаўскія праваабаронцы ў гадавіну прыняцця Усеагульнай дэкларацыі правоў чалавека, свядома адмаўляючыся прасіць у мясцовых уладаў дазвол на правядзенне пікету.

05.12.2012 Царкву «Новае жыцьцё» ня высяляць. Справа закрытая

Адміністрацыя ЖРЭА Маскоўскага раёна Менску заявіла, што адмаўляецца ад будынку царквы «Новае жыцьцё».

05.12.2012 Пра беларускіх палітвязьняў зноў гавораць у Брусэлі

Намесьнік старшыні праваабарончага цэнтру «Вясна» Валянцін Стэфановіч і старшыня Беларускай асацыяцыі журналістаў Жана Ліцьвіна знаходзяцца зь візытам у Брусэлі.

04.12.2012 Павел Сапелка: Дзядку ствараюць невыносныя ўмовы

«Мікалая Дзядка спасцігла доля, досыць характэрная для палітвязняў, якім улада стварае невыносныя ўмовы для адбыцця пакарання. Я моцна сумняваюся ў тым, што Мікалай Дзядок, як і Зміцер Дашкевіч і Яўген Васьковіч, парушаў неяк рэжым настолькі, што трымаць іх можна толькі ў турме», - дзеліцца сваім меркаваннем беларускі адвакат.

04.12.2012 Палітыкі падпісалі мемарандум па рэалізацыі Нацыянальнай гендэрнай платформы

Дакумент будзе накіраваны ва ўрад. У ім змяшчаюцца рэкамендацыі, што трэба зрабіць уладам і грамадзянскай супольнасці для набліжэння гендэрнай роўнасці ў нашай краіне.