Праваабарончы цэнтр «ВЯСНА»

17.12.2012 Дзвюм слонімскім газетам -- розныя ўмовы распаўсюду

Сябры Слонімскага згуртавання дэмакратычных сіл праводзяць акцыю па збору подпісаў сярод жыхароў Слонімскага раёна пад зваротам з заклікам прыняць неабходныя меры і ўключыць “Газету Слонімскую” у сістэму распаўсюду праз РУП “Белпошта”, а таксама праз кіёскі “Белсаюздрук”.

17.12.2012 Брэст: гарадскія ўлады забаранілі ўсе дзевяць пікетаў АГП

Мясцовыя актывісты Аб'яднанай грамадзянскай партыі накіравалі заяўкі ў Брэсцкі гарвыканкам, каб атрымаць дазвол на правядзення 19 снежня дзевяці пікетаў у розных месцах абласнога цэнтру. Як паведаміў старшыня абласной арганізацыі АГП Уладзімір Вуек, ва ўсіх выпадках адказ уладаў быў адмоўны.

17.12.2012 Чакаецца рашэнне па справе Міколы Уласевіча

У Астравецкім раённым судзе а 17-й гадзіне пачынаецца заключнае паседжанне суду па адміністрацыйнай справе Мікалая Уласевіча, якога вінавацяць нібыта ў непадпарадкаванні службовым асобам (артыкул 23.4 КаАП). Апошняе, ужо сёмае па ліку паседжанне, прайшло 13 снежня і доўжылася з 14-й гадзіны дня ажно да 22-й гадзіны вечару (!).

17.12.2012 З 91 пікета, заяўленага АГП на 19 снежня, забаронена 63

Пра гэта паведаміла прэс-сакратар АГП Ганна Красуліна. Паводле яе слоў, усе пікеты павінны былі прайсці пад дэвізам: «Укралі выбары, каб прадаць краіну».

17.12.2012 "Плошча 2010 вачыма беларускіх праваабаронцаў”

Цэнтр прававой трансфармацыі ў супрацы з іншымі праваабарончымі арганізацыямі выдаў кнігу “Пасляслоўе … Плошча 2010 вачыма беларускіх праваабаронцаў” . У кнізе задакументаваны парушэнні правоў чалавека падчас мірнай акцыі пратэсту 19-га снежня 2010 года і наступствы тых падзей.

17.12.2012 Рагачоўскаму апазіцыянеру пагражаюць адказнасцю за выкарыстанне афіцыйнай сімволікі горада на сайце (дакумент)

Рагачоўскаму актывісту Дзянісу Дашкевічу прыйшоў ліст з мясцовай адміністрацыі, дзе адзначаецца, што незалежнаму сайту vrogacheve.ru забараняецца выкарыстоўваць на сваёй старонцы герб горада Рагачова без афіцыйнага дазволу райвыканкама.

17.12.2012 "Пляма" для будаўніцтва новай паліклінікі ў Салігорску

"Хіба ўпершыню ўлады далі грунтоўны адказ на цэлых тры старонкі замест звычайнай адпіскі ў пару сказаў. Прыводзіцца цікавая статыстыка па прыцягненні новых кадраў. Пры гэтым паведамляецца, што забяспечаннасць лекарамі складае ўсяго траціну. Заяўкі па маладых спецыялістах задаволеныя таксама толькі на траціну".

17.12.2012 Адміністрацыя прадпрыемства “Граніт” працягвае ціск на незалежны прафсаюз

Гэтым разам кіраўніцтва прадпрыемства, што месціцца ў Мікашэвічах, шукае прычыны, каб пакараць казначэя суполкі гэтага прафсаюзу Анатоля Літвінку. Паводле словаў актывіста, амаль штодня прадстаўнікі адміністрацыі “Граніту” патрабуюць ад яго тлумачальныя, на падставе якіх робяцца заўвагі, што вельмі хутка могуць быць падставай для звальнення.

17.12.2012 Дэкрэт №9 супярэчыць Канстытуцыі, лічыць Леанід Судаленка

"Нават пры цяперашняй сітуацыі работнік часам быў вымушаны здзяйсняць прагул, калі яму прапаноўвалі больш высокааплочваемую працу, а наймальнік не жадаў губляць каштоўнага кадра. Цяпер жа работнік, рызыкнуўшы заключыць кантракт з такой фармулёўкай, ніколі не зможа даведацца дату яго заканчэння", - тлумачыць прававы інспектар.

17.12.2012 Канстытуцыйны Суд праігнараваў прапановы Ігара Случака

Ігар Случак звярнуўся ў КС, у заяве ён прасіў прапанаваць Вярхоўнаму суду разгледзець скаргу на пастанову ЦВК і прапанаваць ЦВК і палатам парламенту ўнесці норму ў выбарчае заканадаўства, па якой права на абскарджанне вынікаў выбараў у судзе будуць мець кандыдаты ў дэпутаты Палаты прадстаўнікоў і кандыдаты ў дэпутаты мясцовых Саветаў.

17.12.2012 У бялыніцкай раёнцы прагаварыліся пра прымусовую падпіску і заробак паштальёнаў у 300 тысяч

Напачатку матэрыяла журналіст настойліва патрабаваў адказу ад начальніка Цяхцінскага аддзялення паштовай сувязі Валянціны Самойленка, чаму не выконваецца план падпіскі на раённую газету “Зара над Друццю”, які вызначаны ў гэтым аграгарадку ў памеры 100 экзэмпляраў.

17.12.2012 У Сьвіслачы працягваюцца суды за ўшанаваньне памяці паўстанцаў

На 20 сьнежня позву ў Сьвіслацкі раённы суд атрымала гарадзенка Ірына Данілоўская.

17.12.2012 Абласны суд не адмяніў Чарнавусу штраф за дабрачынны абед

Брэсцкі абласны суд у дабрачынным абедзе, які ладзіў прадпрымальнік і грамадскі актывіст Мікола Чарнавус на баранавіцкім рынку, таксама убачыў несанкцыянавае пікетаванне і не задаволіў касацыйную скаргу аб адмене штрафу ў памеры трох мільёнаў рублёў.

17.12.2012 Ідэолагі разам з прадстаўнікамі СМІ пройдуць стажыроўку “на мэтавых пляцоўках”

На сайце магілёўскага аблвыканкама з’явілася інфармацыя, што на працягу двух дзён, 18 і 19 снежня, у вобласці пройдзе семінар “Рэалізацыя патэнцыяла чалавека – умовы развіцця беларускага грамадства: вопыт і задачы ідэалагічнай працы, асаблівасці дзейнасці СМІ”. Звычайна падобныя “ідэалагічныя паходы” звязаны з ростам незадаволенасці ў грамадстве.

17.12.2012 Еўрапейскія назіральнікі за выбарамі адкрылі платформу ў Варшаве

У каардынацыйную раду “Еўрапейскай платформы за дэмакратычныя выбары” (EPDE), заснавальнікамі якой сталі дванаццаць НДА, абраны прадстаўнік ад Праваабарончага цэнтра “Вясна” – сябра рады арганізацыі Уладзімір Лабковіч.