Праваабарончы цэнтр «ВЯСНА»

28.12.2012 Дзянісу Дашкевічу пракуратура вынесла афіцыйнае папярэджанне за журналісцкую дзейнасць

Дашкевіча папярэдзілі, што ў выпадку, калі на сайце vrogacheve.ru з’явяцца артыкулы, якія будуць змяшчаць недакладныя звесткі аб палітычным і эканамічным становішчы дзяржавы, альбо ганьбіць прадстаўнікоў улады, ён можа быць прыцягнуты да адказнасці па артыкулах 369-1 (“дыскрэдытацыя Рэспублікі Беларусь”), 188, частцы 2 (“паклёп”) і 189 частцы 2 (“абраза”) Крымінальнага кодэксу.

28.12.2012 Гомельскі “Цэнтр стратэгічнай цяжбы” за год накіраваў у Камітэт па правах чалавека ААН 29 паведамленняў

“Цэнтр стратэгічнай цяжбы” дзейнічае у Гомелі цягам пяці апошніх гадоў, дапамагае беларускім грамадзянам адстойваць свае грамадзянскія ды палітычныя правы як унутры краіны, так і ў міжнародных структурах.

28.12.2012 Гомельскі ваенны пракурор адказаў лідэру левых Уладзіміру Сякерка пра спісы на мяжы

Сяргей Чарэднік патлумачыў у адказе на запыт апазіцыянера, што дзеянні памежнікаў не выходзілі за межы паўнамоцтваў. Наконт спісаў ён адказаў: «На іншыя пытанні вашага звароту адказаць не ўяўляецца магчымым, паколькі дадзеная інфармацыя абмежаваная да прадстаўлення і распаўсюду".

28.12.2012 Бярозаўскія актывісты павіншавалі беларускіх палітвязняў са святамі

Беларускамоўныя паштоўкі адасланыя ў розныя месцы зняволення. Жыхарка Бярозы Таццяна Аліхвер, якая не забывае павіншаваць палітвязняў з кожнымі значнымі святамі, кажа, што гэта знак тым людзям, якія ахвяруюць сваёй воляй і сваім здароўем, што пра іх не забыліся.

28.12.2012 Кобрынская падаткавая інспекцыя “павіншавала” са святамі прадпрымальнікаў горада

Падаткавікі Кобрына перад святамі сабралі дробных прадпрымальнікаў, каб абвесціць ім пра павышэнне падаткавых плацяжоў з лютага месяца. Прагэта паведаміў прадпрымальнік Алесь Мех. Па ягоных словах, павышэнне будзе даволі істотным.

28.12.2012 Рагачоўскага актывіста Дзяніса Дашкевіча выклікаюць у пракуратуру

Рагачоўскага актывіста Дзяніса Дашкевіча выклікаюць ў раённую пракуратуру па факту крытычных выказванняў на адрас гарадскіх чыноўнікаў. Пра гэта Дашкевічу па мабільнаму тэлефону паведаміў намеснік пракурора Рагачоўскага раёна.

28.12.2012 Магілёўскія ўлады хочуць адабраць у пратэстантаў частку зямлі

Адпаведны ліст з магілёўскага гарвыканкаму атрымаў пастар і біскуп незарэгістраванай пратэстанцкай царквы “Хрысціяне веры евангельскай” Віталь Радчанка. У лісце гаворыцца, што плот каля дому, які месіцца па вуліцы Мяшчанскія палосы, 21, дзе жыве сям’я Радчанкі, а таксама адбываюцца набажэнствы, неабходна знесці да 1 лютага 2013 года.

28.12.2012 Пад Новы год знішчылі два гектары салігорскага лесапарку (фота)

Напярэдадні Новага году ў леспаракавай зоне Салігорску з дазволу мясцовых уладаў было знішчана каля двух гектараў каштоўнага лесу першай катэгорыі. Як адзначаюць актывісты кампаніі “Абаронім лес”, гэтыя дрэвы знаходзіліся ў пяцісотметровай прыродаахоўнай зоне салігорскага вадасховішча, і дазвол на іх высечку мусіць давацца на вышэйшым узроўні.

27.12.2012 Ілля Багданаў – яшчэ адзін падазраваны ў справе пра "здраду дзяржаве"

27 снежня наваполацкі актывіст аргкамітэту па стварэнн партыі БХД Ілля Багданаў пабываў на допыце ў Віцебскай абласной управе КДБ. Яго дапытваў следчы Алег Барысевіч, які вядзе справу Андрэя Гайдукова, арыштаванага па падазрэнні ў супрацоўніцтве з замежнымі спецслужбамі.

27.12.2012 Геаграфія эмоцыяў і ўражаньняў Алеся Бяляцкага (шмат фота)

Да Алеся Бяляцкага ў бабруйскую калонію працягваюць ісці паштоўкі і лісты з розных канцоў сьвету. З Польшчы, Нямеччыны, Галандыі, Люксембургу, Бельгіі, Аўстрыі, Швецыі, Англіі, Ірландыі, Канады, Японіі, Тайваню. Ад дарослых і дзяцей.

27.12.2012 Брэст: рашэнне па хадайніцтву аб вызваленні з-пад варты грамадскага актывіста Віталя Каўша суд абвесціць 3 студзеня

Віталь Коўш, які раней займаўся грамадскай дзейнасцю і быў сябрам Партыі БНФ, абвінавачваецца “у спрыянні незаконнай міграцыі”. Справа набыла гучны рэзананс, калі пра яе пачало ўзгадваць Беларускае тэлебачанне, у сюжэтах якога Коўш быў названы злачынцам.

27.12.2012 Бабруйск: энерганагляд падключыўся да ціску на каардынатара “Гавары праўду”

Алена Мядзведзева, бабруйскі каардынатар кампаніі “Гавары праўду” паведаміла, што яе кватэру ў яе адсутнасці чатыры разы наведалі супрацоўнікі энерганагляду. Бабруйчанка мяркуе, нагодай для візіта ў яе кватэру можа быць тое, што менавіта тут знаходзіцца офіс дэпутата “Грамадзянскай дамовы”.

27.12.2012 Магілёўскія актывісты АГП збіраюцца абскарджваць забарону 10 пікетаў

Мерапрыемствы мусілі адбыцца 19 снежня і былі прымеркаваныя да другой гадавіны разгону “Плошчы”. Пра свой намер звярнуцца ў суд паведаміў лідэр Магілёўскай абласной арганізацыі Аб’яднанай Грамадзянскай партыі Ўладзімір Шанцаў.

27.12.2012 Андрэя Гайдукова зноў перавезлі з Віцебску ў Мінск

Наваполацкага актывіста, якога вінавацяць у здрадзе дзяржаве, вывезлі з віцебскага СІЗА яшчэ 22 снежня. Ні пра сам факт пераводу, ні пра прычыны нічога невядома: адвакат даведалася пра гэта, калі пайшла на сустрэчу з падабаронным.

27.12.2012 Бабруйскія грамадскія актывісты павіншавалі палітвязняў

Па добрай традыцыі, бабруйскія грамадскія актывісты віншуюць палітвязняў з усімі вялікімі святамі. На гэты раз таксама былі адпраўленыя паштоўкі ў розныя куткі Беларусі. Таксама мясцовыя актывісты вырашылі падтрымаць Тамару Уладзіміраўну, бабулю Яўгена Васьковіча, і зноў падпісалі яе на газету “Наша Ніва”.