Праваабарончы цэнтр «ВЯСНА»

08.01.2013 Гомельскія ўлады чыняць перашкоды рэгістрацыі ініцыятывы «Хопіць піць — трэба жыць»

Грамадзянская ініцыятыва «Хопіць піць – трэба жыць» не можа перайсці на легальны статус, зарэгістраваць грамадскую арганізацыю, з-за перашкод уладаў. Грамадзянская ініцыятыва паўстала як антыалкагольная, яе актывісты правялі ў горадзе шэраг акцый супраць п'янства і за здаровы лад жыцця.

08.01.2013 Баранавіцкія праваабаронцы і актывісты павіншавалі бацьку Статкевіча са святамі і Аўтуховіча з юбілеем

Баранавіцкія праваабаронцы і грамадскія актывісты 7 студзеня накіравалі віншавальную тэлеграму Мікалаю Аўтуховічу з нагоды яго 50-ці годдзя. У гэты ж дзень наведалі і павіншавалі Статкевіча Віктара Паўлавіча з нараджэннем Хрыстовым і Калядамі.

08.01.2013 Гомельскія праваабаронцы просяць міліцыю прыцягнуць іх да адказнасці

Гомельскія праваабаронцы Леанід Судаленка і Анатоль Паплаўны просяць начальніка АУС Чыгуначнага раёна Гомеля Генадзя Хмарыка прыцягнуць іх да адміністрацыйнай адказнасці за размешчаную ў сетцы Інтэрнэт фатаграфію, на якой яны выказваюць салідарнасць і віншуюць з юбілеем свайго калегу, палітычнага зняволенага Алеся Бяляцкага.

08.01.2013 На "Белсаце" выйшаў фільм пра Алеся Бяляцкага і дзейнасць "Вясны"

Цэнтральнымі фігурамі дакументальнай стужкі сталі старшыня ПЦ "Вясна", а таксама ягоная жонка Наталля Пічук і настаўніца Наталля Ільініч, якую па палітычных прычынах звольнілі з працы і якой праваабаронцы дапамагалі абараняць свае правы.

05.01.2013 У Слоніме сякуць малады лес пад катэджы абласных і раённых чыноўнікаў

Першы намеснік старшыні Камітэта дзяржаўнага кантролю па Гродзенскай вобласці А.Садаўнічы: “…У дадзены момант вытворчасць работ на разглядаемай тэрыторыі і афармленне матэрыялаў па выдзяленню зямельных участкаў райвыканкамам спынены…”. Гэта было год таму. А сёлета ў першых чыслах студзеня лес пачалі сячы, пілаваць.

05.01.2013 Бярозаўчане павіншавалі Мікалая Аўтуховіча з юбілеем

Бярозаўскія актывісты павіншавалі палітвязня Мікалая Аўтуховіча з 50-гадовым юбілеем. Пажадалі яму найхутчэйшага вызвалення з турмы, цвёрдасці духа і мужнасці ў перанясенні ўсіх выпрабаванняў і пераследу.

05.01.2013 Гарадзенскі рэкорд – за фотаздымак у інтэрнэце праваабаронцы аштрафаваны на 4,5 мільёнаў рублёў

У Гародні 5 снежня ў судзе Ленінскага раёну прайшоў разгляд адміністрацыйных справаў, распачатых супраць гарадзенскіх праваабаронцаў Віктара Сазонава, Рамана Юргеля і Уладзіміра Хільмановіча.

05.01.2013 На Шклоўшчыне прымусовую працу збіраюцца зрабіць нормай

Прафілактычная акцыя пад назвай “працатэрапія” была праведзена ў Шклове ў адзін са снежаньскіх дзён. Падчас акцыі 27 чалавек непрацуючых людзей, якія знаходзяцца на прафілактычных уліках у РАУС, прымусілі прыбіраць снег на прыдамавых тэрыторыях горада Шклова.

05.01.2013 На прадпрымстве “Дываны Брэста” адбыўся стыхійны мітынг

Яго зладзілі працаўнікі гэтага прадпрыемства ў прысутнасці новага кіраўніка кацэрна “Беллегпрам” Міхаіла Сучкова, які прыехаў у Брэст, каб азнаёміцца са станам спраў на адным з самых праблемных аб’ектаў канцэрна.

05.01.2013 З-за пераследу з боку адміністрацыі суполка незалежнага прафсаюза на “Граніце” значна скарацілася

Як паведаміў старшыня гэтай суполкі Алег Стахаевіч, калі на пачатку мінулага году ў новы прафсаюз увайшлі каля 300 чалавек, што працуюць на самым буйным прадпрыемстве Мікашэвічаў, дык зараз у арганізацыі застаўся дзесятак актывістаў.

05.01.2013 Праваабаронцы не выключаюць, што абвінавачанага ў "здрадзе дзяржавы" Андрэя Гайдукова катуюць

Падставай для такіх меркаванняў сталі неаднаразовыя факты нядопуску адваката да зняволенага з СІЗА КДБ наваполацкага актывіста. З гэтай нагоды праваабаронцы накіравалі адмысловы зварот да спецдакладчыка ААН.

04.01.2013 Павіншуйце Аўтуховіча з днём народзінаў: 7 студзеня палітвязню спаўняецца 50 гадоў

Мікалай Аўтуховіч - ветэран афганскай кампаніі, паспяховы прадпрымальнік і дэмакратычны актывіст з Ваўкавыска, які за сваю грамадскую дзейнасць і барацьбу з карупцыяй знаходзіцца зараз за кратамі.

04.01.2013 Барысаўскі дэпутат будзе праводзіць сустрэчы з вяскоўцамі хутка і ў зручны для яго час

Дэпутат па Барысаўскай сельскай выбарчай акрузе № 63 Віктар Гумінскі ў бліжэйшы час мае намер праехацца па сельскай мясцовасці, каб сустрэцца з выбаршчыкамі. Для сустрэчы дэпутат абраў будны дзень - 10 студзеня. Акрамя таго, на сустрэчы адвёў дзіўна мала часу.

04.01.2013 Суд на Васільевым перавялі ў закрыты рэжым

Будзе даследавацца справа аператыўнага ўліку КДБ.

04.01.2013 Уладзімір Целяпун: “Свабода гарантуецца, але адсутнічае”

Аб працы праваабаронцы ў рэгіёне, праблемах райцэнтра і яго жыхароў, абароне правоў грамадзян, спробах уплываць на мясцовыя ўлады, дапамозе людзям у самаарганізацыі для вырашэння сваіх праблемаў, выніках 2012 году гутарка з Уладзімірам Целяпуном з Мазыра.