Праваабарончы цэнтр «ВЯСНА»

14.01.2013 Сёння пачаўся закрыты працэс над былым намесьнікам МУС

14 студзеня ў Вярхоўным судзе пачынаецца працэс над былым намесьнікам міністра ўнутраных спраў Яўгенам Полуднем. Судзіць палкоўніка міліцыі будуць пры зачыненых дзьвярах у будынку вайсковага суду на Рагачоўскай вуліцы.

14.01.2013 Алег Волчак звярнуўся ў Камітэт па правах чалавека ААН па фактах сваіх арыштаў

Кіраўнік праваабарончага цэнтру «Прававая дапамога насельніцтву» звярнуўся ў Камітэт па правах чалавека ААН са скаргай, у якой выкладае факты сістэматычнага парушэння ў Беларусі правоў грамадзян на свабоду і асабістую недатыкальнасць, а таксама на прымяненне да апанентаў улады дыскрымінацыі па палітычных матывах.

14.01.2013 Алег Стахаевіч: Суполка незалежнага прафсаюзу на "Граніце" па-ранейшаму існуе

Нягледзячы на штодзённы сістэматычны ціск, пагрозы і звальненні, суполка незалежнага прафсаюзу на прадпрыемстве па здабычы каменю “Граніт” у Мікашэвічах працягвае сваю дзейнасць.

14.01.2013 Замежны інвестар высяляе людзей на вуліцу

Савет Міністраў Беларусі прыняў да разгляду зварот жыхароў вёскі Залессе, што ў Кобрынскім раёне Берасцейскай вобласці.

14.01.2013 Пенсіянера-інваліда, які спрабаваў падпаліць старшыню сельвыканкама і сябе, аштрафавалі на 3 мільёны

Суд Бярозаўскага раёна аштрафаваў 89-гадовага пенсіянера з вёскі Сакалова Бярозаўскага раёна, інваліда другой групы па зроку, вязня нямецкага канцлагера Паўла Левашэвіча трыма мільёнамі штрафу за спробу падпаліць сябе і старшыню мясцовага сельвыканкама.

14.01.2013 Брэст: незалежная журналістка атрымала афіцыйнае папярэджанне пракуратуры

Аліну Літвінчук папярэдзілі аб недапушчальнасці супрацоўніцтва з замежнымі СМІ без акрэдытацыі. У Брэсцкай абласной пракуратуры прышлі да высновы, што аўтарам матэрыялаў, змешчаных на інтэрнэт-старонцы “Радыё Рацыя” за подпісам Алісы Поль, насамрэч з’яўляецца Літвінчук.

14.01.2013 Лепшы інспектар лічыць, што былыя зняволеныя – “людзі ўтойлівыя, хлуслівыя”

Вельмі своеасаблівае меркаванне і стаўленне да людзей супрацоўніка міліцыі, які, згодна сваёй пасады, павінен якраз і займацца тым, каб аказваць дапамогу былым асуджаным у іх сацыяльнай адаптацыі да нармальнага жыцця, пошуку працы і прафілактыцы правапарушэнняў у іх асяроддзі.

14.01.2013 Кааліцыя аршанскіх дэмсілаў атрымала ліст ад Алеся Бяляцкага

Напярэдадні навагодніх і калядных святаў Аршанская кааліцыя накіравала віншавальныя лісты дванаццаці беларускім палітычным вязням. У мінулыя выходныя прыйшоў першы адказ – віншавальная паштоўка ад Алеся Бяляцкага.

14.01.2013 Салідарнасць з Алесем Бяляцкім у Салігорску (фота)

На мінулых выходных грамадскія актывісты Салігорску выказалі сваю салідарнасць са зняволенным праваабаронцам Алесем Бяляцкім. Ініцыятарамі акцыі сталі мясцовыя прадстаўнікі Беларускага Хельсінскага камітэту ды рэдакцыя сайта Салігорск.org.

14.01.2013 Слонім: Алесь Бяляцкі пажадаў талакою будаваць беларускую хату

Перад Новым годам сябры Слонімскага згуртавання дэмакратычных сіл адправілі ўсім палітзняволеным віншавальныя паштоўкі. Нядаўна прыйшоў адказ ад Алеся Бяляцкага.

14.01.2013 Міліцэйская аблава ў клубе

У ноч з 12-га на 13-га студзеня адбылася міліцэйская аблава на ЛГБТ-вечарыну праваабарончага праекта "ГейБеларусь" у Віцебску ў клубе "21 стагоддзе". У 00:20 у клуб уварваўся спэцназ і пашыхтаваў наведвальнікаў ўздоўж сценак, з аднаго боку - хлопцаў, з другой - дзяўчат.

14.01.2013 Беларускія назіральнікі падвялі вынікі назірання за прэзідэнцкімі выбарамі ў Чэхіі

Група кароткатэрміновых міжнародных назіральнікаў, акрэдытаваная ад недзяржаўнай арганізацыі Belarus Watch, падвяла папярэднія вынікі назірання за выбарамі прэзідэнта Чэшскай рэспублікі 11-12 студзеня 2013 года

14.01.2013 Напад на Юлю Сцяпанаву

14 студзеня каля гадзіны ночы ў Менску на актывістку “Еўрапейскай Беларусі” Юлю Сцяпанаву накінуліся двое невядомых і, паваліўшы ў снег, абрэзалі дзяўчыне валасы.

12.01.2013 Зацемкі з няволі. “Хай Бог дасьць пажыць у праўдзе – усім-усім!”

Лявону Баршчэўскаму, свайму даўняму паплечніку і сябру, палітвязень Алесь Бяляцкі прысвяціў адзін з першых у распачаўшымся годзе лістоў.

12.01.2013 Насельніцтва Слаўгарадскага раёну не надта давярае міліцыі

У Слаўгарадскім раёне Магілёўскай вобласці толькі 37,5% грамадзян цалкам давяраюць супрацоўнікам мясцовай міліцыі. Такі вынік паказала праведзенае прадстаўнікамі МУС на тэрыторыі раёна вывучэнне грамадскай думкі наконт працы аддзела ўнутраных спраў мясцовага райвыканкама.