Праваабарончы цэнтр «ВЯСНА»

29.01.2013 Праваабарончая праграма “Людзьмі звацца!” на Радыё Рацыя

“Падзея тыдня” – Камітэт па правах чалавека ААН патрабуе ад беларускага ўраду інфармацыі аб прынятых мерах па выкананні рашэння Камітэта па справе расстралянага паводле смяротнага прысуду Уладзіслава Кавалёва. Госць рубрыкі "Асоба. Грамадства. Дзяржава" - праваабаронца Андрэй Бандарэнка.

29.01.2013 Гарадзенскі абласны суд не стаў на бок праваабаронцаў

Суддзя абласнога суда Анатоль Заяц прадказальна ўзяў бок раённага суда і, нягледзячы на ўсе аргументы праваабаронцаў, якія былі выкладзены ў скаргах пісьмова і дадаткова пры іх разглядзе, пакінуў пастанову бяз зменаў.

29.01.2013 Сяргей Рыжоў лічыць, што яго пераследуюць за палітычныя погляды

Стваральнік незарэгістраванай партыі "Белая русь", жыхар Віцебску Сяргей Рыжоў вылучаў сваю кандыдатуру на мінулых прэзідэнцкіх выбарах. Пасля гэтага ён страціў працу, і зараз супраць беспрацоўнага актывіста ўжо другі раз распачалі справу за ўхіленне ад выплаты аліментаў на выхаванне непаўнагадовай дачкі.

29.01.2013 “Вясноўцы” салідарныя з гарадзенскімі калегамі

Прадстаўнікі менскага офісу ПЦ “Вясна” правялі фотаакцыю ў падтрымку Віктара Сазонава, Уладзіміра Хільмановіча і Рамана Юргеля – напярэдадні разгляду ў Гарадзенскім абласным судзе іх касацыйнай скаргі на абсурдную пастанову суду Ленінскага раёну Гародні. Разгляд скаргі пачаўся 29 студзеня, у 9-30.

29.01.2013 Аршанская грамадскасць патрабуе выканання закона “Аб ахове спадчыны”

Аршанскае маладзёжнае аб'яднанне "Звяз" афіцыйна звярнулася да гарадскіх служб Оршы з патрабаваннем прыняць належныя мерах па захаванні былога манастыра Фрацысканцаў. Гэта гісторыка-культурная каштоўнасць 18 стагоддзя сёння знаходзіцца ў дрэнным стане і можа сама разбурыцца, калі цяпер не праявіць да яе ўвагі.

29.01.2013 Сяргея Малашэнка аштрафавалі за салідарнасць з Бяляцкім на 2,5 мільёны

Гэта ўжо другі штраф, прысуджаны ў Наваполацкім гарадскім судзе мясцовым актывістам, якія, на ўзор гарадзенскіх аднадумцаў, сфатаграфаваліся з партрэтамі Алеся Бяляцкага ў руках. Пасля таго, як фотаздымкі Яўгена Парчынскага і Сяргея Малашэнка трапілі ў інтэрнэт, абодвух аштрафавалі за "несанкцыянаваную акцыю".

29.01.2013 “Вясноўцы” – Барысу Бухелю: “Так трымаць, калега!”

Праваабарончы цэнтр “Вясна” шчыра віншуе свайго адданага сябра і калегу Барыса Бухеля з перамогай у намінацыі “Чалавек года” у Магілёве. Ягоная шматгадовая няўрымслівая дзейнасць па адстойванні правоў чалавека была адзначаная 28 студзеня адпаведным дыпломам і падарункамі ад суполкі «Магілёўскі магістрат».

29.01.2013 У Магілёве вызначылі чалавека і падзею году

28 студзеня ў Магілёве на ўрачыстасьці, прымеркаванай да гадавіны наданьня гораду Магдэбурскага права (1577), суполка «Магілёўскі магістрат» назвала пераможцаў дзьвюх сваіх намінацыяў: «Чалавек году» і «Падзея году».

29.01.2013 Front Line Defenders: «Праваабаронцы вымушаныя штодня змагацца за выжыванне».

23 студзеня 2013г. Front Line Defenders апублікавала справаздачу аб праваабаронцах, якая асвятляе развіццё сітуацыі з праваабаронцамі ў 2012 годзе і аналізуе сітуацыю ў кожным рэгіёне свету.

29.01.2013 Наталля Пінчук: Атрымала паштоўку ад Алеся дакладна ў дзень народзінаў

Палітзняволены кіраўнік праваабарончага цэнтра "Вясна" Алесь Бяляцкі на дзень народзінаў сваёй жонкі даслаў ёй самаробную віншавальную паштоўку. Паштоўка прыйшла дакладна ў дзень народзінаў - 28 студзеня, -- распавяла Наталля Пінчук.

29.01.2013 Сёння абласны суд разгледзіць скаргі гарадзенскіх праваабаронцаў

Сёння адбудзецца разгляд касацыйных скаргаў гарадзенскіх праваабаронцаў Віктара Сазонава, Рамана Юргеля і Уладзіміра Хільмановіча, якія ў Міжнародны дзень правоў чалавека 10 снежня сфатаграфаваліся з партрэтамі зняволенага Алеся Бяляцкага і брашурамі з тэкстам Усеагульнай дэкларацыі правоў чалавека.

29.01.2013 Аштрафаваныя свіслацкія актывісты падаюць скаргі ў Камітэт па правах чалавека ААН

Свіслацкія грамадскія актывісты Віктар Дзесяцік і Анатоль Валюк падаюць скаргі ў Камітэт па правах чалавека ААН. Не знайшоўшы аб’ектыўнага разгляду сваіх касацыйных скаргаў па адміністрацыйных справах у Гарадзенскім абласным судзе, яны дабіваюцца справядлівасці ў міжнароднай інстанцыі.

29.01.2013 У Брэсце заклікаюць вярнуцца да практыкі грамадскіх абмеркаванняў

Адпаведны зварот з патрабаваннямі ўнесці адпаведныя змены ў заканадаўства і правапрымяняльную практыку, у прыватнасці быў накіраваны ў Міністэрства будаўніцтва і архітэктуры, а таксама ў Міністэртва прыродных рэсурасаў і аховы навакольнага ассяродзя.

28.01.2013 Праваабаронцы патрабуюць аб`ектыўнай і справядлівай ацэнкі справы аб збіванні Васіля Сарочыка

Прыватная культурна-асветніцкая ўстанова "Платформ інавейшн" звярнулася да Аляксандра Лукашэнкі з патрабаваннем даць аб`ектыўную і справядлівую ацэнку справе аб збіванні вартаўніка мінскай аўтастаянкі Васіля Сарочыка. Ліст "Платформ інавейшн" накіравала 28 студзеня ў Адміністрацыю прэзідэнта, паведаміў БелаПАН кіраўнік праваабарончай структуры Андрэй Бандарэнка.

28.01.2013 Беларускі мур: “бабруйская” справа (відэа)

У інтэрнэце выкладзены міні-фільм "Беларускі мур" прысвечаны так званай "бабруйскай" справе. Аўтары стужкі спрабуюць высветліць сапраўдныя матывы ўдзельнікаў дэманстратыўнай атакі на мур бабруйскага КГБ 16 кастрычника 2010 году.