Праваабарончы цэнтр «ВЯСНА»

04.02.2013 Асамблея НДА назвала “Чэмпіёнаў грамадзянскай супольнасьці”: грамадзкі лідар году, кампанія году, падзея году

1 лютага ў менскай кнігарні “ЛогвінаЎ” адбылася чацьвёртая штогадовая цырымонія ўзнагароджаньня прэміі Асамблеі няўрадавых дэмакратычных арганізацыяў Беларусі “Чэмпіёны грамадзянскай супольнасьці-2012”.

04.02.2013 Жыхары Віцебску працягваюць скардзіцца ў Камітэт па правах чалавека

Камітэт па правах чалавека ААН зарэгістраваў скаргу віцебскай каардынатаркі аргкамітэту па стварэньні партыі «Беларуская хрысьціянская дэмакратыя» Тацьцяны Севярынец.

02.02.2013 У Бялынічах нагадалі пра палітвязняў (фота)

“Усяго было распаўсюджана некалькі дзесяткаў інфармацыйных матэрыялаў пра беларускіх палітвязняў, якія сёння знаходзяцца за кратамі ў нашай краіне, - кажа бялыніцкі журналіст Барыс Вырвіч. – Распаўсюджвалі мы іх у крамах нашых прыхільнікаў – бялыніцкіх сяброў Руху БНФ “Адраджэнне”.

02.02.2013 Мікалай Статкевіч -- бацьку: “Як бачыш, нашу пароду нічога не ўзяло…”

Статкевіч-старэйшы: "Мікалай мне піша кожную сераду і для мяне яго лісты – бадай адзіная сёння найвялікшая радасць. Ён заўсёды піша аптымістычныя лісты". У сваіх лістах Мікалай Статкевіч выглядае бадзёрым і просіць свайго 86-ці летняга бацьку не ўпасці ў роспач ці дэпрэсію, бо псіхалагічны стан уплывае і на здароўе.

02.02.2013 Людміла Рапапорт: “Смешна тады, калі смяюцца ўсе, а не толькі антысеміты”

У Баранавіцкай прыватнай пякарні “Dolce Vita” (плошча Леніна, дом 1) сталі прадаваць торт пад назвай “Бедны габрэй” і гэтая падзея выклікала ў горадзе, мякка кажучы, міжнацыянальныя пытанні. Жыхарка горада Людміла Майсееўна Рапапорт кажа, што гэты жарт яна не знаходзіць вяселым і бяскрыўдным.

02.02.2013 Чэмпіёны грамадзянскай супольнасці: Анджэй Пачобут і Валер Булгакаў

Асамблея няўрадавых арганізацый правяла штогадовую цырымонію ўзнагароджання выдатных прадстаўнікоў і арганізацый грамадзянскай супольнасці Беларусі "Чэмпіёны грамадзянскай супольнасці".

02.02.2013 У Бабруйску першы этап агульнанацыянальнай дыктоўкі ўжо адбыўся (фота)

Арганізатары сумясцілі дыктоўку з своеасаблівым вечарам памяці Каліноўскага. Мясцовыя актывісты Вольга Піманава і Юры Грынявецкі нагадалі прысутным пра асноўныя этапы жыцця беларускага героя, цытавалі яго вершы, закранулі момант гістарычных спрэчак вакол асобы Кастуся Каліноўскага.

02.02.2013 Беларус Алесь Бяляцкі зноў вылучаны на Нобелеўскую прэмію міру

Упершыню наш суайчыннік трапляе ў спіс кандыдатаў на прэстыжную прэмію за заслугі перад чалавецтвам некалькі гадоў запар.

02.02.2013 Чарговая міліцэйская аблава ў мінскім гей-клубе. Каля 40 затрыманых

У ноч з 1 на 2 лютага ў мінскі «Клуб 6_А» на чарговую «праверку», ужо трэцюю за апошні месяц, прыйшло каля дзесяці супрацоўнікаў унутраных спраў у цывільным, як паведамляюць відавочцы.

01.02.2013 Зацемкі з няволі. Пра мову эмоцыяў і пачуцьцяў

З літоў Алеся Бяляцкага з бабруйскай калоніі. "Сярод паштовак адна, канадская, кінулася ў вочы надпісам. Самаробная, просьценькая, яна падпісаная па-руску, але на вельмі правільнай, сапраўднай рускай мове: “Храните надежду!” Хаця большасьць беларусаў размаўляюць на рускай мове, мала хто мог бы так выказацца: “Храните надежду!”..."

01.02.2013 Орша і Аршанскі раён засталіся без мясцовай улады

Ліквідаваны ўсе структуры мясцовай выканаўчай улады - і гарвыканкам і райвыканкам. Што ж замест іх? А замест іх пакуль .... нічога. А зараз горадам і раёнам кіруе нейкая загадкавая ліквідацыйная камісія, паўнамоцтвы, правы і абавязкі якой нідзе не прапісаны.

01.02.2013 Бярозаўскія і пружанскія актывісты ўшанавалі пакараных смерцю каліноўцаў (фота)

Грамадскія актывісты з Бярозы і Пружан праехалі дарогай смерці паўстанцаў Кастуся Каліноўскага. Гэта трохкіламетровая дарога з Шэрашава ў Купічы, дзе ў 1863 годзе карнікі Мураўёва расправіліся з паўстанцамі. Па словах мясцовага краязнаўцы Івана Здановіча, беларускія патрыёт былі тут павешаны на шыбеніцах паабапал дарогі.

01.02.2013 Зацемкі з няволі. Пра ластавак у зоне

З лістоў Алеся Бяляцкага з бабруйскай калоніі. "Гэтых летніх птахаў багата тут, у зоне. Яны селяцца пад падваконьнікамі розных паверхаў нашай казармы, лепяць гнёзды пад сутарэньнямі бетоннай столі ў вялікім цаху на “промцы”. І зараз, зімою, бяз іх сумна і няўтульна".

01.02.2013 Кобрын: Аляксандра Меха адпусцілі пасля напісання тлумачальнай (абноўлена)

Алесь Мех затрыманы міліцыянтам у чарзе на флюраграфію. Падыйшоўшаму супрацоўніку мясцовага РАУС Анатолю Джыгу не спадабалася прыватная размова Алеся Меха з суседкай па чарзе аб новых пазыках Беларусі. На дадзены момант Мех з міліцыянтам на вуліцы чакаюць машыну з КДБ.

01.02.2013 Магілёўскіх вернікаў пакуль пакінулі ў спакоі

Сёння, 1 лютага, скончыўся ўльтыматум мяцовых ўладаў, выстаўлены вернікам незарэгістраванай царквы Хрысціян веры Евангельскай (пяцідзесятнікаў). А 10-ай гадзіне раніцы каля будынка царквы сабраліся вернікі і журналісты, аднак прачакаўшы гадзіну ўсе разышліся – камунальнікі з міліцыяй па невядомых прычынах так і не з’явіліся.