Праваабарончы цэнтр «ВЯСНА»

16.01.2012 У Еўрапарламенце абмеркавалі сітуацыю з Алесем Бяляцкім

Дэлегацыя Міжнароднай Федэрацыі за правы чалавека (FIDH) прымала ўдзел у паседжанні камітэта па замежных справах Еўрапарламента, дзе праходзіла дыскусія па сітуацыі ў Беларусі .

16.01.2012 Канфіскаваны наклад незалежнага выдання з артыкулам пра Алеся Бяляцкага

Уначы з 13 на 14 студзеня на дорозе пад Віцебскам супрацоўнікі ДАІ затрымалі машыну з накладам незалежнага выдання "Витебский курьер" . 10 тысяч асобнікаў забралі на праверку. У нумары быў надрукаваны артыкул "Шэсць фактаў па справе Алеся Бяляцкага, пра якія не распавядае БТ і не пішуць у “Советской Белоруссии”.

16.01.2012 Міліцыянты затрымалі ўдзельнікаў акцыі па раздачы ежы (абноўлена)

У Менску непадалёку ад станцыі метро “Усход” міліцыя затрымала 6 удзельнікаў акцыі па раздачы ежы. Дакладнай прычыны затрыманьня міліцыянты не назвалі: казалі штосьці пра антысанітарыю і забарону на правядзеньне такіх акцый у грамадскіх месцах. Праз 2 гадзіны затрыманых выпусьцілі, склаўшы пратаколы апытаньня.

16.01.2012 Папярэджанне Рыгору Грыку не адменена

Рыгор Грык скардзіўся абласному пракурору на дзеянні пракурора горада Баранавічы Більдзейкі А.А., які 28 лістапада вынес яму афіцыйнае пісьмовае папярэджанне за ўдзел у мясцовым сходзе 8 кастрычніка.

16.01.2012 У Баранавічах забаронены мітынг і пікет

Мікалай Чарнавус адтрымаў дзве адмовы на свае заяўкі аб правядзенні масавых мерапрыемстваў. Намеснік старшыні Баранавіцкага гарвыканкама Дз. Касцюкевіч паведаміў, што грамадскаму актывісту адмоўлена ў правядзенні мітынгу прадпрымальнікаў 19 студзеня і ў пікеце 25 студзеня.

16.01.2012 Мікалай Статкевіч этапаваны ў Магілёўскую турму №4

Экс-кандыдат у прэзідэнты Мікалай Статкевіч знаходзіцца ў Магілёўскай турме №4. Пра гэта стала вядома жонцы зняволенага палітыка Марыне Адамовіч.

16.01.2012 У Брэсце “Справядлівы свет” змагаецца за рэгістрацыю

Гарадская партыйная арганізацыя вырашыла паўторна накіраваць у Брэсцкі гарвыканкам зварот наконт рэгістрацыі мясцовай суполкі, пасля таго як з аблвыканкама прышло паведамленне, што гэтае пытанне знаходзіцца пад іх кантролем.Ужо тройчы Брэсцкі гарвыканкам адмаўляў гарадской арганізацыі ў атрыманні юрыдычнага адрасу.

16.01.2012 Рэкламная прадукцыя Радыё Рацыя -- у Беларусі па-за законам

Гарадзенскі праваабаронца Віктар Сазонаў атрымаў чарговы ліст з аддзелу ўнутраных спраў адміністрацыі Ленінскага раёну Гародні, які тычыцца сканфіскаванай з яго машыны рэкламнай прадукцыі Беларускага Радыё Рацыя.

16.01.2012 Міліцыя вярнула аўтамабіль дырэктару «Віцебскага кур’ера»

Аднак канфіскавала 10-тысячны наклад выдання, які быў у ім.

14.01.2012 Маладафрантоўцаў запрасілі здымацца ў серыяле, аднак на месцы «здымкаў» іх сталі затрымліваць

Павел Сяргей знаходзіцца ў маскоўскім РАУС, месцазнаходжанне Рамана Пратасевіча невядомае.

13.01.2012 Палітвязні напісалі бярозаўчанам

Бярозаўскія актывісты атрымалі адказы на віншаванні ад палізняволеных Алеся Бяляцкага і Зміцера Дашкевіча. Алесь Бяляцкі спадзяецца на станоўчы перагляд ягонай касацыйнай скаргі 24 студзеня. Таму развітваецца словамі “да сустрэчы”.

13.01.2012 Шанцы на рэгістрацыю партыі БХД Дзяніс Садоўскі вызначыў як 5 адсоткаў

11 студзеня кіраўніцтва ствараемай партыі Беларуская Хрысціянская Дэмакратыя атрымала ліст з Міністэрства юстыцыі, датаваны 6 студзеня, у якім чыноўнікі паведамілі пра прыпыненьне на месяц працэсу рэгістрацыі Партыі БХД, спасылаючыся на неабходнасьць дадатковай праверкі пададзеных дакументаў.

13.01.2012 Барысаў: абласны суд разгледзіць скаргу дэмактывіста

У бліжэйшы аўторак, 17 студзеня, Мінскі абласны суд разгледзіць скаргу на рашэнне Барысаўскага раённага суду, які пакараў штрафам у памеры 15 базавых велічынь зборшчыка подпісаў за правядзенне Народнага сходу Мікалая Ільюшонка.

13.01.2012 Салігорскія ўлады забаранілі мітынг у абарону хрысціянскіх каштоўнасцяў

Заяўнік Уладзімір Шыла лічыць гэтае рашэнне неправавым і палітычна матываваным. Ён не верыць у станоўчы адказ уладаў на свае заяўкі, але накіраваў у выканкам яшчэ дзьве новыя: з з патрабаваннямі правядзення свабодных парламенцкіх выбараў 2012 году і ўнясення зменаў у Выбарчы кодэкс.

13.01.2012 Рабочая салідарнасць з муляром Аляксеем Паўлоўскім змяншаецца на вачах

У Магілёве пад ціскам адміністрацыі “Прамжылбуда” з 15 рабочых брыгады Спірыдонава 11 ужо адклікала свае заявы на звальненне. “Рабочыя мяне падтрымлівалі, аднак паступова іх па-аднаму пачалі выклікаць у аддзел кадраў, дзе пачалі на іх ціснуць і прымушаць напісаць заяву аб тым, што яны адмаўляюцца звальняцца ў знак салідарнасці са мной”.