Праваабарончы цэнтр «ВЯСНА»

18.01.2012 У некаторых сельгасгаспадарках Зэльвеншчыны зарплата ніжэй за мінімальную

Нядаўна вяскоўцы з нагоды нізкай зарплаты звярталіся да намесніка старшыні Камітэта дзяржаўнага кантролю Гродзенскай вобласці Анатоля Дарожкі, які адзначыў, што «плаціць чалавеку менш устаноўленай нормы, не маючы на тое важкіх падстаў, не можа ніхто».

18.01.2012 Заява Маскоўскага Бюро па правах чалавека ў сувязі са становішчам у Беларусі

Расейскія праваабаронцы адзначаюць, што «ўсе апошнія гады Беларусь нязменна ўваходзіць у лік краінаў свету, дзе правы чалавека парушаюцца ў найбольшай ступені: асноўным аб'ектам крытыкі міжнародных арганізацый з'яўляюцца парушэнні правоў чалавека ў эканамічнай сферы і, у першую чаргу, у грамадска-палітычнай сферы».

18.01.2012 Затрыманьні каля Купалаўскага тэатра (дапоўнена)

17 студзеня ў Менску ў раёне Купалаўскага тэатра былі затрыманыя актывіст “Еўрапейскай Беларусі” Даніл Ганчароў і ягоная знаёмая Ірына Арэхоўская. Прычына затрыманьня невядомая.

18.01.2012 У Вільні зноў згадалі пра Плошчу

16 студзеня ў Беларускім Доме правоў чалавека супольна з Праваабарончым цэнтрам "Вясна" і Грамадзянскай кампаніяй "Наш Дом" прайшла прэзентацыя кнігі, дзіцячай размалёўкі, паштоўкі і відэа кліпа, прысвечаных удзельнікам Плошчы-2010 – мірнай акцыі пратэсту супраць парушэнняў падчас выбараў прэзідэнта Рэспублікі Беларусь, што прайшла ў Беларусі 19 снежня 2010 года.

18.01.2012 Журналісткі пазбаўленыя магчымасці працаваць

Амаль месяц прайшоў з часу затрыманыя каля будынку КДБ фрыланс-фатографа Юліі Дарашкевіч і відэааператаркі “Нашай Нівы” Таццяны Гаўрыльчык, якія здымалі кароткую, але гучную акцыю руху Femen.

18.01.2012 Актывісты спрабуюць знайсці адказнага за ініцыяцыю скасаваньня артыкула 193.1

Грамадскія ініцыятывы “Права на веру” і “СТОП 193.1!” распаўсюдзілі прэс-рэліз, у якім паведамляюць пра захады наконт скасаваньня артыкула 193.1 Крымінальнага Кодэкса Рэспублікі Беларусь.

17.01.2012 Лідзія АЎТУХОВІЧ: “Я малюся, каб Бог не даў яму загінуць...”

Інтэрвію карэспандэнта "Народнай Волі" з маці палітвязня Мікалая Аўтуховіча.

17.01.2012 Жыхар Гомеля апраўданы судом, але застаецца ў «чорных спісах» злачынцаў

У жыхара Гомеля, былога псіхіятра Яўгена Дзедушкіна лёс, у які нахабна ўмяшалася беларускае правасуддзе, склаўся так, што ён, прызнаны без віны вінаватым, адседзеў у турме па абвінавачванню ў падпалах, а праз тры гады быў цалкам апраўданы судом. А зараз з-за свайго «цёмнага» мінулага не можа нідзе ўладкавацца на працу.

17.01.2012 Пракурор Бяляцкага стаў адным з кіраўнікоў Следчага камітэта

Дзяржаўны абвінаваўца па справе праваабаронцы Алеся Бяляцкага Валерый Сайкоўскі стаў адным з кіраўнікоў упраўлення Следчага камітэта па Мінску.

17.01.2012 Распачаўся онлайн-збор подпісаў за адмену артыкула 193.1

17 студзеня стартаваў онлайн-збор подпісаў за адмену артыкула 193.1 Крымінальнага Кодэкса – дзейнасць ад імя незарэгістраваных арганізацый.

17.01.2012 Камісія па памілаванні засела ў строгай сакрэтнасці

Беларускі Хельсінкскі Камітэт атрымаў адказ на свой зварот у Камісію па пытаннях памілавання пры Прэзідэнце Рэспублікі Беларусь.

17.01.2012 Мазырская пракуратура пагражае абаронцу жывёлаў

Старшыня грамадскага аб'яднання па абароне жывёл «Зоозащита» Павел Наздра быў выкліканы ў раённую пракуратуру з нагоды шматлікіх скаргаў жыхароў райцэнтра на незаконныя забойствы як бадзяжных, так і хатніх сабак. Варта заўважыць, што людзі часта звярталіся са скаргамі менавіта да актывіста і пры яго падтрымцы пісалі звароты да мясцовых уладаў.

17.01.2012 Мікола Статкевіч у штрафным ізалятары

Адвакат Міколы Статкевіча і ягоная жонка Марына Адамовіч прыехалі сёньня ў Магілёў, каб паспрабаваць дабіцца сустрэчы з Статкевічам.

17.01.2012 Мікалай Аўтуховіч будзе пераведзены ў турму да канца тэрміну

У Івацэвіцкай калоніі № 5 адбыўся суд над палітвязнем Мікалаем Аўтуховічам, ініцыянаваны кіраўніцтвам калоніі. Зыходзячы са шматлікіх парушэнняў рэжыму яму змененыя ўмовы ўтрыманьня на больш жорсткія. Рэшту тэрміну, а гэта 2 гады, 2 месяцы і 21 дзень, ён правядзе ў турме. Верагодна, што Аўтуховіча накіруюць у Гародню.

17.01.2012 Барысаў: Абласны суд пакінуў штраф дэмактывісту ў сіле

Суддзя Менскага абласнога суда Г.В. Руноў палічыў, што пакаранне зборшчыку подпісаў за правядзенне Народнага сходу Мікалаю Ільюшонку ў выглядзе штрафу ў памеры 15 базавых велічынь за нібыта арганізацыю несанкцыянаванага масавага мерапрыемства, правамерна.