Праваабарончы цэнтр «ВЯСНА»

04.07.2012 Дом у Горках, у якім жыў Максім Гарэцкі, зруйнуюць?

У адказе, які атрымала “Беларускае добраахвотнае таварыства аховы помнікаў гісторыі і культуры” за подпісам намесніка міністра культуры Стружэцкага, гаворыцца, што навукова-метадычная Рада пры Міністэрстве культуры не прызнала гістарычную каштоўнасць будынка.

04.07.2012 Баранавічы: у акруговыя камісіі вылучаюць толькі “Справядлівы свет” і АГП

У Баранавічах заявы на ўключэнне ў склад акруговых выбарчых камісій ад апазіцыйных партый падалі чатыры прэтэндэнты - тры прадстаўнікі партыі “Справядлівы свет” і адзін ад Аб’яднанай грамадзянскай партыі.

04.07.2012 Андрэю Молчану прысудзілі штраф за несанкцыянаваны пікет

У судзе Першамайскага раёна адбылося слуханне па справе актывіста "Еўрапейскай Беларусі”. 19 траўня ў знак салідарнасці са зняволеным віцебскім апазіцыянерам Сяргеем Каваленкам ён разгарнуў бел-чырвона-белы сцяг у Мінску, за што быў жорстка збіты міліцыянтамі. Яму было вынесена абвінавачваюць па артыкуле 23.34 КаАП - несанкцыянаванае пікетаванне. Суддзя - Сяргей Анатольевіч Люштык.

04.07.2012 Слонімскую актывістку БХД зноў аштрафавалі

У Слоніме позна ўвечары 3 ліпеня каля мясцовага райвыканкаму была ў чарговы раз затрымана сябра Беларускай Хрысціянскай Дэмакратыі Вольга Пансевіч. Дзяўчыну абвінавацілі ў непадпарадкаванні патрабаванням міліцыянтаў. А раніцай 4 ліпеня над ёй адбыўся суд, дзе яе аштрафавалі на 2,4 мільёны рублёў.

04.07.2012 На Пружанскай акрузе плануецца вылучэнне аднаго прэтэндэнта ад апазіцыі, на Івацэвіцкай - трох

Па Пружанскай выбарчай акрузе № 9 плануе вылучацца кандыдатам кіраўнік Бярозаўскай раённай суполкі АГП Аляксандр Кабанаў; па Івацэвічскай акрузе №11 - прадстаўнік СДПГ і "Гавары праўду" Валянцін Лазарэнкаў, ад АГП -- Вікторыя Грынюк і, не выключана, Юрась Губарэвіч ад Партыі БНФ і "Руху за свабоду" (апошні яшчэ канчаткова не вызначыўся).

04.07.2012 Скаргу Валянціна Стэфановіча ўсё ж такі разгледзяць у судзе

Праваабаронца атрымаў позву на 16 ліпеня. Разглядаць скаргу будзе суддзя Цэнтральнага раёна Алена Сямак. Амаль чатыры месяцы спатрэбілася ёй, каб прызначыць дату разгляда.

04.07.2012 Баранавічы: грамадскага актывіста затрымалі як злачынцу

Моладзевы актывіст Арцём Бабей 3 ліпеня быў затрыманы ў Баранавічах у Дзень незалежнасці. Маладзён лічыць, што міліцыянеры затрымалі яго прэвентыўна, каб «часам не вывесіў якой-небудзь расцяжкі ў дзяржаўнае свята».

04.07.2012 Круглянская актывістка выступае супраць прымусовай працы

“Да мяне звярнуліся за дапамогай цэлы шэраг супрацоўнікаў бюджэтнай сферы, якія скардзіліся на тое, што іх пастаянна адпраўляюць на разнастайныя брудныя работы, пры гэтым ніякай згоды ніхто ў іх не пытаецца, – распавядае Зінаіда Мілешчанка. –У арганізацыях нават створаны адмысловыя графікі выдзялення людзей на гэтыя прымусовыя работы".

04.07.2012 Бабруйчане выбары байкатуюць, па мясцовай акрузе будзе балатавацца прэтэндэнт з Магілёва

Бабруйскія прадстаўнікі дэмсілаў амаль адзінагалосна прыйшлі да высновы байкатаваць парламенцкія выбары. Негледзячы на тое, што бабруйскія “праўдаўцы” байкатуюць кампанію, іх калега з Магілёва плануе ўзяць у ёй самы непасрэдны ўдзел. Гэта маладая кіраўнічка кампаніі “Гавары праўду” па Магілёўскай вобласці Аксана Самуйлава.

04.07.2012 Гомельшчына: пра «важнейшую палітычную падзею года» - тэлеграфна

Раённыя выданні Гомельскай вобласці змяшчаюць пра выбары у парламент толькі афіцыйныя паведамленні ЦВК: пра дату выбараў ды пра стварэнне акругаў, прычым нават без прывязкі да мясцовасці.

04.07.2012 На Брэстчыне пакуль адзіная раёнка піша пра выбары

Ганцавіцкае “Савецкае Палессе” - адзіная раённая газета ў Брэсцкай вобласці, якая на гэты час змясціла на сваім сайце актуальную інфармацыю, датычную выбарчай кампаніі.

04.07.2012 Андрэйчанка лічыць, што галоўнае на выбарах – захаванне палітычнага курсу дзяржавы

Старшыня Палаты прадстаўнікоў Нацыянальнага Сходу пракаментаваў падрыхтоўку да парламенцкіх выбараў у Беларусі.

04.07.2012 Гомельскія апазіцыйныя партыі вылучылі ў акруговыя камісіі 22 чалавекі

Гомельская абласная арганізацыя АГП правяла паседжанне па вылучэнні кандыдатаў на ўключэнне ў склад акруговых выбарчых камісій. Было вырашана вылучыць у камісіі ў Гомелі і вобласці восем чалавек. Таксама 10 чалавек у склад акруговых камісій вылучыла абласная арганізацыя партыі «Справядлівы свет», і чатырох — партыя БНФ.

04.07.2012 У Бярозаўскім раёне людзі не збіраюцца на выбары – з падачы ўладаў

Дзеянні мясцовых уладаў у Бярозаўскім раёне не спрыяюць жаданню жыхароў ісці на выбары. Шмат хто з выбаршчыкаў кажуць, што такія дэпутаты, як цяпер, ім не патрэбныя, і ўсё адно ўлада зробіць, як ёй трэба, і без іх.

04.07.2012 “Барыс Звозскаў быў надзейным паплечнікам, неверагодна сьціплым і сумленным чалавекам”

Пра сьмерць праваабаронцы і свайго сябра Барыса Звозскава Алесь Бяляцкі даведаўся ў дзень развітаньня з ім, 19 чэрвеня. “Якраз у гэты час я, прыйшоўшы з працы, прачытаў у “Народнай Волі” гэтую трагічную навіну”, - піша палітвязень у нядаўнім лісьце з бабруйскай калоніі.