Праваабарончы цэнтр «ВЯСНА»

27.07.2012 Баранавічы: Падчас збору подпісаў – віншаванні з Днём Незалежнасці

У Баранавічах 27 ліпеня з’явіўся другі пікет па збору подпісаў насупраць гандлёвага цэнтру “Вясёлка”, які арганізаваў прэтэндэнт у дэпутаты Рыгор Грык. Яго ініцыятыўная група была зарэгістравана 20 ліпеня па Баранавіцкай-Усходняй выбарчай акрузе № 6.

27.07.2012 Жодзіна: У правядзеньні пікету 4 жніўня – адмовіць

Гарадзкія ўлады Жодзіна забаранілі мірны пікет, заяўлены на 4 жніўня праваабаронцамі з мэтаю патрабаваньня вызваленьня ўсіх палітвязьняў, а таксама вядомага праваабаронцы Алеся Бяляцкага.

27.07.2012 Слонім: Адміністратар рынка спрабавала спыніць пікет па зборы подпісаў

Сёння, 27 ліпеня, у Слоніме каля ўваходу на рынак “Косаўскі” быў наладжаны пікет па збору подпісаў за вылучэнне кандыдатам у дэпутаты Палаты прадстаўнікоў Івана Шэгі – лекара-траўматолага, кіраўніка слонімскай суполкі Партыі БНФ. Але адміністратар рынка спадарыня Скок, калі ўбачыла пікет, пачала выказваць сваё незадавальненне.

27.07.2012 Аляксандр Каляда: пікеты па збору подпісаў не маюць эфекту

Начальнік галоўнага ўпраўлення арганізацыйна-кадравай працы Брэсцкага аблвыканкама лічыць, што арганізаваныя пікеты для збору подпісаў за вылучэнне кандыдатаў у дэпутаты, не будуць плённымі: “Гэта, хутчэй, дадатковая магчымасць піяру, якая напэўна будзе выкарыстоўвацца менавіта з гэтай мэтай".

27.07.2012 Легендарны Мірон узняў бел-чырвона-белы сцяг у гонар палітвязняў

Змест паслання , напісанага Міронам: "На знак салідарнасці з палітвязнямі, якія годна трымаюцца ў турмах і ў сваім змаганні за нашу шматпакутную Радзіму бяруць прыклад з нацыянальнага героя Беларусі Кастуся Каліноўскага. З нашым святым бел-чырвона-белым сцягам мы абавязкова пераможам! Жыве Беларусь! Жыве вечна! Мірон".

27.07.2012 Салігорск: Пра выбары альбо добра, альбо нічога

Салігорскія праваабаронцы прааналізавалі інфармацыйныя матэрыялы мясцовых СМІ за апошні месяц і прыйшлі да высновы, што колькасць і якасць матэрыялаў выбарчай тэматыкі прама прапарцыйна залежнасці гэтых СМІ ад уладаў.

27.07.2012 Пасол ЗША пры АБСЭ запатрабаваў вызваліць Сурапіна і Дашкевіча

Амбасадар ЗША пры АБСЭ Іэн Кельлі у выступе на паседжаньні Пастаяннай Рады АБСЭ ў Вене 26 ліпеня 2012 году выказаў заклапочанасьць «сур’ёзным грэбаваньнем Беларусьсю сваіх міжнародных абавязальніцтваў, у тым ліку ў рамках АБСЭ ў галіне павагі да правоў чалавека, асноўных свабодаў і вяршэнства закона».

27.07.2012 Слонімскія дэмакраты плануюць вылучыць сваіх прадстаўнікоў ва ўсе ўчастковыя камісіі

Па словах кіраўнікоў слонімскіх суполак партый БНФ, БХД, АГП, “Справядлівы свет” — у камісіі на слонімскія выбарчыя ўчасткі плануецца вылучыць 49 чалавек: ад партыі БНФ — 20, ад БХД — 15, ад “Справядлівага свету” — 9 і ад АГП — 5. Але хто з іх і колькі туды трапяць — пакажа час.

27.07.2012 Адвакат два дні не можа сустрэцца з Антонам Сурапіным

На працягу ўжо двух дзён, 25 і 26 ліпеня, адвакат не можа сустрэцца з Антонам Сурапіным, які знаходзіцца ў следчым ізалятары Камітэта дзяржбяспекі, паведаміла маці фатографа.

27.07.2012 У Пінску не бачна выбарчай актыўнасці

Нягледзячы на тое, што па двух пінскіх выбарчым акругах зарэгістраваліся пяць ініцыятыўных груп пазбору подпісаў за кандыдатаў у дэпутаты ПП НС, пакуль іх актыўнай дзейнасці не бачна. Прынамсі, ніхто з іх не выстаўляў пікеты па збору подпісаў.

27.07.2012 У Барысаве просяць адмяніць вылучэнне ў кандыдаты Гумінскага

Праваабаронца Ігар Леднік адправіў калектыву ААТ «Экран» зварот з просьбай адмяніць рашэнне аб вылучэнні кандыдатам у дэпутаты парламента па Барысаўскай сельскай выбарчай акрузе № 63 Віктара Гумінскага.

27.07.2012 Полацк: Цэнтрвыбаркам адмяніў рашэнне акруговай камісіі

Цэнтрвыбаркам задаволіў скаргу палачаніна Сяргея Рабцава, чыю ініцыятыўную групу не зарэгістравала Полацкая акруговая выбарчая камісія. Такім чынам, у перадвыбарчай гонцы ў Полацку ўдзельнічаюць 6 ініцыятыўных груп.

26.07.2012 Барысаў: раёнка апублікавала «кампрамат» на патэнцыйнага кандыдата

Газета Барысаўскага райвыканкама «Адзiнства» (рэдактар Вера Пратасевіч) апублікавала матэрыял, у якім ставіцца пад сумнеў законапаслухмянасць рэдактара незалежнай газеты «Барысаўскія навіны» Анатоля Букаса, які зарэгістраваў ініцыятыўную групу.

26.07.2012 Удзельнік выбарчай кампаніі звярнуўся да прыхільнікаў байкоту з "канкрэтнай прапановай"

Прапанова такая: каб зладзіць паказальную кампанію байкоту на Віцебшчыне, у Докшыцкай выбарчай акрузе №22. Там для такой кампаніі склаліся аптымальныя ўмовы, лічыць актывіст кампаніі "Гавары праўду", старшыня Глыбоцкай раённай суполкі Патыі БНФ Яраслаў Берніковіч.

26.07.2012 Івацэвіцкія камунальшчыкі не падпісаліся за вылучэнне свайго былога начальніка

Рабочыя філіяла Івацэвіцкай жыллёва-камунальнай гаспадаркі “Райводазабор” адмовіліся ставіць подпісы за вылучэнне кандыдатам у дэпутаты былога начальніка жыллёва-камунальнай гаспадаркі, дзейснага дэпутата Палаты прадстаўнікоў Леаніда Кавалевіча, якога так нахвальваў "Івацэвіцкі веснік".