Праваабарончы цэнтр «ВЯСНА»

03.09.2012 Светлагорск: ЦВК таксама адмовіла ў рэгістрацыі Ігару Песікаву

Жыхар Светлагорска Ігар Песікаў, які быў вылучаны кандыдатам у дэпутаты Палаты прадстаўнікоў і якога не зарэгістравала ў якасці кандыдата Светлагорская акруговая выбарчая камісія, атрымаў адказ на сваю скаргу з Цэнтральнай выбарчай камісіі. Ігар Песікаў не згодны з тым, што подпісы жыхароў пасёлка Парычы за яго вылучэнне не залічаны.

03.09.2012 На “Беларусь-1” распавялі пра штрафы за байкот

Інфармацыя пра тое, што ў некаторых краінах выбаршчыкаў штрафуюць за байкот, была падводкай да таго, што выбары ў Беларусі пройдуць 23 верасня, а заклікі да байкоту не адпавядаюць духу выбарчай кампаніі. Наконт заклікаў да байкоту таксама выказаўся Лукашэнка: “Калі гэта была б сапраўдная апазіцыя, яна змагалася б да канца. Таму я часта кажу, што гэта не апазіцыя, а проста пятая калона”.

03.09.2012 ААН разгледзіць скаргу на забарону пікетаў за свабоду Алеся Бяляцкага

Гомельскія праваабаронцы Анатоль Паплаўны і Леанід Судаленка 1 верасня атрымалі з Камітэту ААН па правах чалавека паведамленне аб тым, што іх скаргі на забарону ў абласным цэнтры пікетаў, прымеркаваных да арышту Алеся Бяляцкага, кіраўніка ПЦ “Вясна” і віцэ-прэзідэнта Міжнароднай федэрацыі за правы чалавека (FIDH), прынятыя Камітэтам да разгляду.

03.09.2012 У Віцебску пачалася агітацыя за байкот (фота)

З вялікім плакатам "Незаконным выбарам у незаконную "палатку" – байкот!" на вуліцу Леніна да дома №28 выйшаў старэйшы мясцовы апазіцыянер Барыс Хамайда. Сёння ён не распаўсюджвае незалежную прэсу – побач з ім ляжыць сабраны пляцак, бо актывіст гатовы да затрымання і да "сутак".

03.09.2012 Брэсцкага актывіста схапілі на вачах у жонкі і сына

Невядомыя ў спартовых касцюмах "палявалі" на яго некалькі гадзінаў.

03.09.2012 Суд у Жодзіна вынес адмоўнае рашэньне па скарзе аб забароне мірнага сходу

Суд вынес адмоўнае рашэньне па скарзе праваабаронцаў Аляксея Лапіцкага і Святланы Лапіцкай. Пасьля азнаямлення з матывіровачнай часткай судовага рашэньня, заяўнікі будуць аспрэчваць пастанову ў касацыйным парадку.

03.09.2012 У Смаргоні судзяць удзельнікаў акцыі ў гонар Расціслава Лапіцкага (дадаецца)

12-40. Першай разглядалася адміністрацыйная справа Генадзя Драздова. Ён запатрабаваў адваката, і з гэтай прычыны разгляд ягонай справы перанесьлі на 11 верасьня.

03.09.2012 Слонім: Ярмошына даручыла забяспечыць нармальную працу акруговай камісіі

Ярмошына: “У сувязі з вашым зваротам паведамляем наступнае. Старшыні акруговай выбарчай камісіі Слонімскай выбарчай акругі № 58 даручана забяспечыць дзяжурства членаў камісіі ў тым памяшканні, якое вызначана як месца знаходжання акруговай камісіі”.

03.09.2012 Аб рэалізацыі права кандыдатаў у дэпутаты на перадвыбарную агітацыю

Цэнзура, забарона бясплатных выступаў у СМІ тых кандыдатаў, якія заклікаюць да байкоту выбараў, не адпавядаюць заканадаўству Беларусі і яе міжнародным абавязацельствам, парушаюць прынцып роўнасці кандыдатаў у дэпутаты і абмяжоўваюць як правы кандыдатаў на агітацыю, так і правы выбаршчыкаў на атрыманне поўнай і аб’ектыўнай інфармацыі.

02.09.2012 Мазыр: рашэнне аб масавых мерапрыемствах – не па Канстытуцыі, а “шляхам апытання”

Суду Мазырскага раёна спатрэбіліся тры паседжанні (14-га, 27-га і 29 жніўня) для разгляду скаргі праваабаронцы Уладзіміра Целепуна на рашэнне Мазырскага райвыканкама, якое ўстанаўлівае парадак арганізацыі і правядзення масавых мерапрыемстваў у горадзе.

02.09.2012 Полацк: вядучы ОНТ робіць стаўку на сустрэчы з выбаршчыкамі

Канкурэнт Міхальчанка - старшыня Полацкага гарадскога Савета Наталля Гуйвік пакуль збіраецца сустракацца з выбаршчыкамі толькі тройчы. Трэці кандыдат, прадстаўнік партыі левых «Справядлівы свет» Аляксей Філімонаў, пакуль не падаваў заявак.

02.09.2012 Магілёўская вобласць: дэбаты адбудуцца толькі ў 4 з 13 выбарчых акругаў

Удзельнічаць у дэбатах па Шклоўскай выбарчай акрузе будуць толькі кандыдаты ў дэпутаты ад дэмакратычных партый – намеснік старшыні Партыі БНФ Рыгор Кастусёў і сябар Беларускай партыі левых “Справядлівы свет” Зінаіда Мілешчанка.

02.09.2012 Зэльва: кандыдатаў накіравалі “па колу”

Кандыдаты ў дэпутаты па Слонімскай выбарчай акругі № 58 Іван Шэга (Партыя БНФ) і Міхаіл Караткевіч (партыя “Справядлівый свет”) наведалі Зэльву, каб удакладніць пытанні наконт сустрэчы з выбаршчыкамі ў раённым Доме культуры.

02.09.2012 Жодзіна: кандыдаты ў дэпутаты адмовіліся ад тэледэбатаў

Абодва кандыдаты ў дэпутаты па Жодзінскай выбарчай акрузе праігнаравалі магчымасьць публічна выказацца перад тэлегледачамі ў тэледэбатах. «За нейкія там 5-7 хвілін трэба сказаць самае важнае», а на гэта не кожны здольны, а добра падрыхтавацца да выступу - вельмі складана.

02.09.2012 Аляксей Міхальчанка збірае грошы: «Наша перамога патрабуе ахвяр!»

На апошняй старонцы «Полацкага весніка» ад 28 жніўня на правах рэкламы размешчана фота кандыдата Аляксея Міхальчанкі з заклікам да палачан уносіць грошы ў яго выбарчы фонд. Кандыдат абяцае накіраваць кожны рубель выбаршчыкаў на перамогу.