Праваабарончы цэнтр «ВЯСНА»

17.09.2012 Гродзеншчына: безальтэрнатыўных акругаў паболела

У Гродзенскай вобласці пасля зняцця апазіцыйных кандыдатаў у дэпутаты налічваецца шэсць безальтэрнатыўных выбарчых акругаў. З апазіцыйных партыяў удзел у выбарчым марафоне працягвае “Справядлівы свет”.

17.09.2012 Пінск: тэма палітвязняў на агітацыйным пікеце

Асноўны мэсыдж мерапрыемства не спадабаўся старшыні акруговай камісіі Ігару Берасценю, які заявіў, што інфармацыя пра палітвязняў не тычыцца выбараў, таму паводзіны кандыдата будуць разгледжаны на чарговым паседжанні камісіі.

17.09.2012 Дзяржаўная газета палівае брудам апазіцыю

Рагачоўская раённая газета «Свабоднае слова» відаць, выпрацавала свой фірмовы стыль пры напісанні артыкулаў на палітычныя тэмы, узбагаціўшы свой лексікон і знаёмячы чытачоў з прадстаўнікамі апазіцыі праз блатны жаргон.

17.09.2012 Віцебск: кандыдат Вадзім Кузьмін скардзіцца на ўмовы агітацыйнай кампаніі

Яго канкурэнт па Віцебскай-Чыгуначнай акрузе – намеснік начальніка Віцебскага аддзялення беларускай чыгункі Сяргей Бохан. "Таму з улёткамі і плакатамі ў падведамасныя ўстановы мы вырашылі нават не хадзіць, бо нават у крамах нам адмаўляюць," – вымушаны канстатаваць кандыдат.

17.09.2012 Рэчыца: агітацыйныя матэрыялы ў недазволеным месцы (фота)

Захады па недапушчэнні размяшчэння агітацыі ў забароненых месцах павінен рабіць раённы аддзел унутраных спраў (начальнік – Андрэй Сілкоў), а кантроль за выкананнем рашэння ўскладзены таксама на начальніка аддзела ідэалагічнай работы райвыканкама Наталлю Маркаву. Ці адрэагуюць яны на парушэнне выбарчага заканадаўства?

17.09.2012 Лідэры апазіцыі пра дэбаты

Кандыдаты ў дэпутаты ад апазіцыйных партыяў і іх давераныя асобы дзеляцца ўражаннямі ад удзелу ў тэледэбатах. Запіс зроблены каля будынку тэлерадыёкампаніі "Віцебск".

17.09.2012 У Пінску перад датэрміновым галасаваннем актывізаваліся СМІ

Дзяржаўныя газеты “Пінскі веснік” і “Полесская правда” змясцілі на сваіх старонках паведамленні пра пачатак датэрміновага галасавання, патлумачыўшы, што неабходна, каб прагаласаваць датэрмінова. Старшыня АВК №14 у эфіры мясцовага ТБ распавёў таксама пра асаблівасці галасавання студэнтаў і выбарцаў на закрытых выбарчых участках.

17.09.2012 БРСМ заклікае да ўдзелу ў выбарах

Моладзевы марафон праходзіць па ўсёй краіне пад лозунгам “Зрабі свой выбар”. Фінансуюць гастролі мясцовыя ўлады. На выходных мерапрыемствы ў Мінску адбыліся адразу на шасці пляцоўках.

17.09.2012 Ці ёсць у Беларусі палітвязні? (відэа)

Карэспандэнты “Белсату” пацікавіліся ў жыхароў Менску: што яны ведаюць пра палітвязняў?

17.09.2012 Віцебская дзяржаўная газета раскрытыкавала дэбаты і кандыдатаў

Журналіст Сяргей Кочатаў у абласной газеце "Народнае слова" заявіў, што тэле- і радыёдэбаты "не сталі нечаканымі, відовішчнымі і змястоўнымі". Кадыдаты-удзельнікі і шэраговыя тэлегледачы маюць супрацьлеглыя меркаванні.

17.09.2012 Барысаў: «Нам не да выбараў! Аўтамабілі трэба неяк абараняць!»

У Барысаве ў нядзелю адбыўся «несанкцыянаваны» сход, на якім прысутнічала каля паўсотні аўтааматараў, якія пражываюць у адным мікрараёне. Прагучала прапанова неадкладна да выбараў звярнуцца ў Адміністрацыю прэзідэнта з патрабаваннем аб садзейнічанні ў вырашэнні праблемы.

17.09.2012 На Салігоршчыне заклікаюць да байкоту выбараў (фота)

У Салігорскім рэгіёне найбольш актыўную агітацыйную кампанію па ранейшаму праводзяць прыхільнікі байкоту. На мінулых выходных заклікі не ўдзельнічаць у галасаванні з’явіліся ў другім па велічыні населенным пункце Салігорскага раёна гарадскім пасёлку Старобін.

17.09.2012 Пасля зняцця апазіцыйных кандыдатаў у Гомелі будзе адна безальтэрнатыўная акруга

Пасля адмовы балатавацца кандыдата ад партыі БНФ Васіля Раманава выбарцы Гомельскай-Сяльмашаўскай акругі №32 маюць аднаго кандыдата – генеральнага дырэктара вытворчага аб'яднання «Гомсельмаш» Валерыя Жмайліка. Між тым, гэта пакуль адзіная безальтэрнатыўная акруга ў горадзе і вобласці.

17.09.2012 Бяроза: Дзяржвыданне выступіла супраць байкатоўшчыкаў

Літвіновіч спасылаецца на Амерыку, дзе ні Абама, ні Ромні не заклікаюць да байкоту, а ў такіх краінах як Бразілія, Аргентына, Пакістан, Турцыя ды і ў еўрапейскіх Бельгіі, Італіі, Германіі, Аўстрыі і інш. за няяўку на выбары прадугледжваецца альбо штраф ад 50 да 125 еўра, альбо турэмнае зняволенне.

17.09.2012 Крычаў: першы агітацыйны пікет (фота)

“Неабходна адзначыць, што крычаўскія ўлады выдзелілі для правядзення пікетавання, таксама як і хоцімскія, месца, дзе людзі практычна не ходзяць, - распавядае Валерый Каранкевіч. – За ўвесь дзень да нас падыйшло толькі дванаццаць дарослых людзей. Я гэта асабіста падлічыў. Затое ўвага з боку праваахоўных органаў была падвышаная".