Праваабарончы цэнтр «ВЯСНА»

22.09.2012 Мінск: студэнты галасуюць пад пагрозамі

Прымус да датэрміновага галасавання зафіксаваны на ўчастку №595 мінскай Усходняй выбарчай акругі № 107, які знаходзіцца ў будынку Політэхнічнага каледжу. Паводле назіральнікаў, студэнты ў час галасавання даволі часта імкнуцца завесці гаворку пра прымус. Аднак прадстаўнікі камісій у такіх выпадках перарываюць студэнтаў, а слухаць іх скаргі адмаўляюцца.

22.09.2012 Жлобін: назіральніцу ад “Справядлівага свету” выдалілі з участку

Ілону Ткачову, давераную асобу кандыдата ў дэпутаты па Жлобінскай выбарчай акрузе №40 Валерыя Рыбчанкі, выдалілі з памяшкання для галасавання выбарчага ўчастка №15, дзе яна з’яўляецца назіральнікам ад партыі “Справядлівы свет”.

22.09.2012 “Можа, у прыбіральню са мною пойдзеце, каб там паназіраць?”

З такою прапановаю Людмілы Моніч, намесніцы старшыні ўчастковай камісіі № 44 выбарчай акругі № 1 горада Брэста, сутыкнуўся Уладзімір Вялічкін, накіраваны на гэты ўчастак ад газеты "Брэсцкі кур'ер". Як кажуць, no comment…

22.09.2012 Гомельшчына: узоры бюлетэняў агітуюць за праўладных кандыдатаў

Ва ўзорах бюлетэняў для галасавання, вывешаных на выбарчых участках у Рэчыцы, адзнака “за” стаіць у першым пункце, а ў Светлагорску – у другім. У рэальных бюлетэнях менавіта ў гэтых пунктах адпаведна ў абодвух раёнах указаны прозвішчы “кандыдатаў ад улады”. Супадзенне?

22.09.2012 Віцебск: праваабаронца патрабуе ануляваць датэрміновае галасаванне на адным з участкаў

Праваабаронца Павел Левінаў звярнуўся ў ЦВК са скаргай на дзейнасць участковай камісіі №52, сфармаванай Першамайскай раённай адміністрацыяй. Паводле звестак Левінава, стыршыню, намесніка і сакратара камісіі выбіралі ў прысутнасці 9-ці сябраў камісіі, і а гэта меньш за 2/3 ад агульнага складу.

22.09.2012 Брэст: У панядзелак – суд над Палінай Шарэнда-Панасюк

Затрыманне Паліны Шарэнда-Панасюк, Андрэя Шарэнды і Вячаслава Бароўскага адбылося ўвечары 21 верасня, актывістаў адвезлі ў Маскоўскі РАУС, дзе канфіскавалі ўсе асобнікі улётак, прысвечаныя байкоту парламенцкіх выбараў, а таксама некалькі дзесяткаў асобнікаў газеты Хартыя-97.

22.09.2012 Светлагорск: Праграма аднаго з кандыдатаў апублікавана двойчы

Заканадаўства прадугледжвае, што кандыдаты могуць публікаваць матэрыялы за плату са свайго выбарчага фонду. Аднак у гэтым самым выпуску газеты ёсць паведамленне акруговай выбарчай камісіі, што сродкі з выбарчага рахунку Г. Філіповіч не расходваліся.

22.09.2012 Швецкіх журналістаў ноч пратрымалі ў аэрапорце і завярнулі назад

Учора ўвечары ў аэрапорт Мінск-2 прыбылі два швецкія журналісты, прозвішча аднаго з якіх -- Эрык Гонплатэн, каб асвятляць выбарчыя падзеі ў Беларусі. Папярэдне яны падалі заяўкі на акрэдытацыю ў МЗС Беларусі.

22.09.2012 У Гародні пошты сталі агітацыйнымі ўчасткамі для ўладных кандыдатаў

У Гародні паштовыя аддзяленні сталі дадатковымі агітацыйнымі пляцоўкамі для ўладных кандыдатаў. Амаль на ўсіх паштовых памяшканнях гораду паразвешваны агітацыйныя плакаты Алены Берасневай, Віктара Лісковіча і Васіля Міхно.

22.09.2012 Маладэчна: прапановы па празрыстым падліку галасоў не зацікавілі камісіі

Дзесяць незалежных назіральнікаў, акрэдытаваных на выбарчых участках, напісалі заявы старшыням участковых камісій з прапановай разгледзець пытанне аб такім спосабе падліку галасоў, які б не выклікаў сумневаў і сапраўды забяспечыў адкрытасць і галоснасць.

22.09.2012 Маладэчна: Падказкі “не маюць прававога значэння”

“Наяўнасць знака ў любым квадраце ўзора бюлетеня не мае прававога значэння,” – адказала ЦВК на скаргу назіральніка Алеся Капуцкага аб тым, што ў кабінках для галасавання размешчаны ўзоры бюлетэняў з "падказкай".

22.09.2012 Гомель: студэнтаў і навучэнцаў здымаць з заняткаў, каб прагаласавалі

Такая сітуацыя была зафіксавана на ўчастку №22 Цэнтральнай акругі, дзе галасуюць у асноўным студэнты і выкладчыкі ГДУ ім.Ф.Скарыны, і на ўчастку №20 той жа акругі, дзе галасуюць навучэнцы каледжу чыгуначнага транспарту.

22.09.2012 Наваполацк: студэнтаў заганяюць на датэрміновае галасаванне

Студэнтаў Полацкага дзяржаўнага ўніверсітэта настойліва запрашаюць прагаласаваць датэрмінова. Робіцца гэта, па словах хлопцаў, на ўзроўні дэканаў і іх намеснікаў.

21.09.2012 Праваабаронца Алесь Бяляцкі вычарпаў усе магчымасьці для абскарджваньня прысуду на нацыянальным узроўні

Зьняволены старшыня Праваабарончага цэнтру “Вясна” Алесь Бяляцкі атрымаў рашэньне Вярхоўнага Суду па нагляднай скарзе на прысуд, вынесены яму судом Першамайскага раёна Менска 24 лістапада 2011 года. Пра гэта стала вядома з ліста палітвязьня намесьніку старшыні ПЦ “Вясна” Валянціну Стэфановічу.

21.09.2012 Ціск на праваабаронцу Таццяну Рэвяку ўзмацняецца

Да кампаніі па застрашэнні сябры Рады ПЦ “Вясна” і прэзідэнта Беларускага Дому правоў чалавека ў Вільні далучыліся падаткавыя органы. Інспекцыя Міністэрства па падатках і зборах РБ па Першамайскім раёне г.Мінска патрабуе ад Таццяны Рэвяка прадстаўлення дэкларацыі пра даходы і маёмасць за сем гадоў.