Праваабарончы цэнтр «ВЯСНА»

01.10.2012 Парламенцкія выбары ў рэгіянальным зрэзе: Мазыр

Паталагічная прага да фальсіфікацый з боку пастаянных сябраў выбарчых камісій усіх узроўняў засведчыла: па-іншаму (то бок, па Законе!) працаваць яны не здольныя. Зафіксаваныя шматлікія парушэнні ВК падчас выбараў у Мазыры прымусілі праваабаронцу Уладзіміра Целяпуна напісаць адкрыты зварот да мясцовых уладаў.

01.10.2012 Пра беларускіх палітвязняў распавялі на самай буйной кніжнай выставе ў Швецыі

З 27 па 30 верасня ў Гётэборгу адрузу на некалькіх стэндах кніжнай выставы-кірмаша наведвальнікі змаглі ўбачыць інфармацыю пра Алеся Бяляцкага і іншых палітвязняў. Прапаноўвалася дасылаць паштоўкі са словамі падтрымкі ў беларускія турмы. Правам чалавека былі прысвечаныя таксама публічныя выступы і дыскусіі ў межах выставы.

01.10.2012 Зміцера Салаўёва больш за пяць гадзінаў правяралі на беларуска-польскай мяжы

Праваабаронца вяртаўся з Польшчы праз памежны пераход Пясчатка. Апоўначы пад'ехаў на беларускі бок, дзе мытнікі і памежнікі, а таксама два супрацоўнікі ў грамадзянскім, дэталёва правяралі ягоныя рэчы некалькі гадзін.

01.10.2012 ЦВК лічыць, што перашкодаў для агітацыі ў Брэсце не было

Экс-кандыдат у дэпутаты па Брэсцкай-Цэнтральнай акрузе №2 Ігар Маслоўскі атрымаў з Цэнтрвыбаркаму адказ на сваю скаргу, якая тычылася вызначаных гарадскімі ўладамі месцаў, дзе можна было ладзіць пікеты і сустрэчы з выбаршчыкамі.

01.10.2012 Парламенцкія выбары ў рэгіянальным зрэзе: Мінск

Найбольш распаўсюджанымі парушэннямі на выбарах сталі завышэнне дадзеных аб яўцы выбаршчыкаў і прымус да галасавання. У той жа час, як адзначаюць праваабаронцы, у цяперашняй выбарчай кампаніі няма нічога новага. Характар найбольш распаўсюджаных парушэнняў не змяняецца ад выбараў да выбараў.

01.10.2012 “Маладзечанская газета” акрэсліла выбары як “агульны поспех”

Агульны настрой шматлікіх апошніх публікацыяў, прысвечаных працэсу галасавання і вынікам выбараў, лёгка адгадваецца ўжо па загалоўках: “Без падказак і прымусу”, “Выпрабаванне выбарамі”, “Высокі давер”, “Агульны поспех”.

01.10.2012 Парламенцкія выбары ў рэгіянальным зрэзе: Калінкавічы, Рэчыца, Светлагорск

Прайшоўшая выбарчая кампанія вызначалася абыякавасцю да яе з боку выбаршчыкаў і слабай актыўнасцю палітычных сіл. “Кандыдаты ад улады” выкарыстоўвалі адміністрацыйны рэсурс. Назіральнікі не мелі магчымасці бачыць бюлетэні пры падліку галасоў.

01.10.2012 Парламенцкія выбары ў рэгіянальным зрэзе: Жлобін і Рагачоў

У дзень асноўнага галасавання назіральнікі з Рагачова адзначалі сярэднюю яўку па рэгіёне прыблізна ў 38%, акруговая камісія назвала іншую лічбу – 86%. Назіральнікі са Жлобіна таксама сведчаць пра факты парушэнняў.

01.10.2012 Інфармацыя пра змяшчэнне Алеся Бяляцкага ў ШЫЗА не пацвердзілася

Інфармацыя пра змяшчэнне Алеся Бяляцкага ў ШЫЗА, якую напрыканцы мінулага тыдня распаўсюдзіла ІАУ "Платформа", не пацвердзілася. Пра гэта Праваабарончаму цэнтру “Вясна” стала вядома 1 кастрычніка – пасля таго, як палітвязня ў Бабруйскай калоніі №2 наведаў адвакат.

01.10.2012 Адміністрацыя прэзідэнта запалохвае грамадзян, якія звярнуліся за дапамогай

Удзельнікі Грамадзянскай ініцыятывы супраць беззаконня ў судах і пракуратуры спадзяваліся, што новы кіраўнік Адміністрацыі Прэзідэнта Рэспублікі Беларусь Андрэй Кабякоў дапаможа вырашыць праблему адпісак з органаў суду і пракуратуры на нашыя скаргі.

30.09.2012 Парламенцкія выбары ў рэгіянальным зрэзе: Брэстчына

Паводле афіцыйных звестак, выбары ва ўсіх 16-ці акругах былі прызнаныя сапраўднымі і паўсюль былі абраныя дэпутаты яшчэ ў першым туры. Ніхто з прадстаўнікоў апазіцыі ў беларускі парламент не трапіў. Нягледзячы на заўважаную нізкую актыўнасць выбаршчыкаў, было абвешчана, што яўка усярэднім па брэсцкаму рэгіёну склала 74,2%, а ў Баранавіцкай сельскай акрузе №7 нават дасягнула паказчыка ў 90%.

30.09.2012 Барысаў: праваабаронца так і не атрымаў адказ на сваю скаргу

У дзень выбараў, 23 верасня, праваабаронца Алег Мацкевіч напісаў скаргу ў ЦВК і акруговую камісію Барысаўскай гарадской выбарчай акругі № 62 з нагоды парушэнняў пры галасаванні на даму. Мінуў тыдзень - адказу з акруговай камісіі так і не паступіла.

30.09.2012 Парламенцкія выбары ў рэгіянальным зрэзе: Салігоршчына

Паводле афіцыйных дадзеных удзел у выбарах па Салігорскай гарадской акрузе прыняла 62,8% выбарцаў, па сельскай - 82,2%. Незалежныя назіральнікі зафіксавалі яўку на ўзроўні не большым за 45%. Зрэшты, не толькі гэтая лічба дазваляе казаць аб тым, што выбары на Салігоршчыне не адбыліся.

30.09.2012 Беларускія мытнікі падвергнулі дагляду грамадскіх актывістаў

30 верасня на беларуска-украінскай мяжы, у пункце пропуску “Новая Гута”, мытнікі завярнулі на дагляд аўтамабіль сям’і грамадскіх актывістаў Сержука Семянюка і Ірыны Смяян-Семянюк. Дагледзелі не толькі аўтамабіль, але і ўсе асабістыя рэчы.

29.09.2012 Новую Арт-сядзібу зачынілі яшчэ да яе адкрыцця

Адкрытая культурная пляцоўка Арт-сядзіба, што цягам дзевяці месяцаў працавала ў цэнтры Менску і была зачыненая, верагодна, не без ціску чыноўнікаў, планавала адчыніць новае памяшканне 28 верасня з творчай сустрэчы з музыкам Лявонам Вольскім. Аднак за дзень да гэтага супрацоўнікі МНС апячаталі ўваходныя дзверы і запланаваны выступ Вольскага быў перанесены ў сядзібу БНФ.