Праваабарончы цэнтр «ВЯСНА»

20.11.2012 Акцыя салідарнасці з Дашкевічам і Статкевічам у Варшаве

У рамках кампаніі салідарнасці з Зміцерам Дашкевічам і Мікалаем Статкевічам, якая была ініцыяваная еўрадэпутатам Марэкам Мігальскім, офіс еўрадэпутата, разам з грамадзянскай кампаніяй «Еўрапейская Беларусь», арганізаваў пікет салідарнасці з палітвязнямі ў Беларусі.

20.11.2012 Невядомыя спрабавалі ўламацца ў кватэру Дзяніса Садоўскага

19 лістапада з раніцы ў двары дома, у адной з кватэраў якога праходзяць сустрэчы аргкамітэта па стварэнні партыі Беларуская хрысціянская дэмакратыя, дзяжурылі людзі ў цывільным.

20.11.2012 Салігорцы патрабуюць будаўніцтва новай паліклінікі

Кампанія ў абарону права на даступнае для ўсіх грамадзян медыцынскае абслугоўванне разгарнулася ў Салігорску.

20.11.2012 Фотафакт: Барак Абама цалуе ікону дэмакратыі

Падчас візіту ў М'янму прэзідэнт ЗША сустрэўся з Аун Сан Су Чжы. Напярэдадні ўлады вызвалілі 50 палітвязняў.

20.11.2012 МУС: Разгледжана пытанне аб ужыванні амністыі ў дачыненні да 14 155 асуджаных

Па стане на 16 лістапада 2012 разгледжана пытанне аб ужыванні амністыі ў дачыненні да 14 155 асуджаных (усяго падпадае пад амністыю 15 068 чалавек), якія змяшчаюцца ў месцах пазбаўлення волі. Пра гэта паведамілі ў МУС Беларусі.

20.11.2012 У ААН рэкордная колькасць краін выступілі за адмену смяротнага пакарання

Рэкордная колькасць краін падтрымалі пры галасаванні ў Генеральнай Асамблеі ААН рэзалюцыю аб адмене смяротнага пакарання.

20.11.2012 Чыноўнікаў Аршаншчыны абвінавацілі ў маніпуляванні грамадскай думкай

У Оршы напальваецца запал вакол меркаванага аб'яднання горада і раёна. Напярэдадні гарадскі і раённы выканкамы абвясцілі, што збіраюцца вывучыць думкі грамадзян па гэтым пытанні. І праз 28 дзён агучылі ашаламляльны вынік - нібыта выказалася аж 22.600 жыхароў Оршы і амаль 6 тысяч жыхароў Аршанскага раёна. Пераважная большасць - «за аб'яднанне».

20.11.2012 Цыганка: не бралі на працу, пакуль не назвалася асэтынкай

19 лістапада ў Гомелі з ініцыятывы мясцовага аргкамітэту ў стварэньні партыі «Беларуская хрысьціянская дэмакратыя» ладзіўся «круглы стол» у пытаньнях нацыянальных меншасьцяў. Гаворка, у прыватнасьці, вялася пра цыганоў, якіх у абласным цэнтры пражывае, як найменей, паўтары тысячы.

20.11.2012 Алег Волчак: КДБ "праштрафілася" па-сур'ёзнаму

Камітэт дзяржаўнай бяспекі ў апошнія гады не прыцягваў увагі кіраўніка Беларусі Аляксандра Лукашэнкі і хадзіў у любімчыках, -- лічыць старшыня праваабарончай арганізацыі "Прававая дапамога насельніцтву" Алег Волчак. Але зараз, пасля самазабойства ці забойства падпалкоўніка КДБ Аляксандра Казака і шэрагу іншых скандалаў, сітуацыя змянілася, -- мяркуе праваабаронца.

20.11.2012 Праваабарончая праграма “Людзьмі звацца!” на Радыё Рацыя

"Асоба. Дзяржава. Грамадства": госць рубрыкі – прэзідэнт Беларускага дому правоў чалавека ў Вільні Таццяна Рэвяка - распавядзе пра змест першай сустрэчы беларускіх праваабаронцаў са спецдакладчыкам ААН па Беларусі Міклашам Харашці, якая праходзіла на мінулым тыдні ў Вільні.

20.11.2012 Стаўленне да Мікалая Статкевіча ў Магілёўскай турме палепшыліся

Стаўленне да палітзняволенага Мікалая Статкевіча ў турме №4 Магілёва змянілася. Зараз адміністрацыя дзейнічае ў адносінах да яго згодна з Крымінальна-выканаўчым кодэксам. Пра гэта палітык распавёў у тэлефоннай размове са сваёй жонкай, Марынай Адамовіч, а таксама ў двух лістах да яе.

19.11.2012 Стараградскіх беспрацоўных прымушаюць уладкоўвацца на неіснуючыя працоўныя месцы

Больш за 20 беспрацоўных з вёскі Стараград Кармянскага раёна Гомельскай вобласці выкліканы ў мясцовы сельсавет для працаўладкавання. У позвах, якія яны атрымалі, пазначана, што ў выпадку адмовы з’явіцца добраахвотна прывад будуць афармляць супрацоўнікі міліцыі.

19.11.2012 Эдуарда Лобава наведалі маці і брат

Маці палітзняволенага маладафронтаўца Эдуарда Лобава сустрэлася з сынам у Івацэвіцкай калоніі. Наведаў зняволенага і яго малодшы брат - Уладзіслаў. Спатканне працягвалася 3-е сутак, з 16 па 19 лістапада. Гэта ўжо трэцяе працяглае спатканне за час зняволення Эдуарда.

19.11.2012 Лукашэнка назваў прычыну адстаўкі Зайцава: нездаровая маральна-псіхалагічная абстаноўка ў КДБ

Асноўнай прычынай адстаўкі Вадзіма Зайцава з пасады старшыні КДБ стала нездаровая маральна-псіхалагічная абстаноўка, якая склалася ў асобных падраздзяленнях Камітэта дзяржбяспекі.

19.11.2012 Працяг судоў у Свіслачы - 26 і 27 лістапада

Прызначаны даты судоў над актывістамі, якія ўшанавалі памяць паўстанцаў 1863 года - Віктару Дзясяціку, Анатолю Валюку і Юрыю Глебіку. Як зазначыў апошні, іх вінавацяць ва ўдзеле ў нібыта несанкцыянаванай акцыі.