Праваабарончы цэнтр «ВЯСНА»

20.12.2012 Распачаты збор подпісаў за вызваленне Дашкевіча і Статкевіча

Петыцыя Насты Палажанкі і Марыны Адамовіч размешчаная на сайце Change.org і адрасаваная кіраўнікам краінаў Еўрасаюза.

20.12.2012 У Віцебску судзяць прыхільнікаў БХД

У Першамайскім райсудзе разглядаюць справы затрыманых 19 сьнежня Аляксея Кішчука і Станіслава Лаўрэнава. На абодвух хлопцаў міліцыянты склалі пратаколы за «нецэнзурную лаянку».

20.12.2012 Гарадзенскі абласны суд: карпаратыўная “сцяна”

20 снежня ў Гарадзенскім абласным судзе адбыўся разгляд скаргаў трох свіслацкіх грамадскіх актывістаў – Віктара Дзесяціка, Юрыя Глебіка і Анатоля Валюка, якія аспрэчвалі пастановы Свіслацкага раённага суда. Фармальны разгляд трох скаргаў доўжыўся хвілін па тры-пяць.

20.12.2012 Валянцін Стэфановіч: “У 2012-м мы не проста адбіваліся ад нападак - спрабавалі дзейнічаць эфектыўна”

Намеснік старшыні Праваабарончага цэнтру “Вясна” дзеліцца прафесійнымі ацэнкамі адыходзячага году. Адзначаючы праблемы грамадзянскай супольнасці, пагаршэнне стасункаў уладаў у галіне правоў чалавека з аўтарытэтнымі міжнароднымі арганізацыямі, Валянцін Стэфановіч падкрэслівае, што асноўная задача праваабаронцаў і на наступны год застаецца ранейшай – вызваленне палітвязняў.

20.12.2012 У Гародні праваабаронцаў будуць судзіць па здымку ў інтэрнэце

Фармальнай падставай для ўзбуджэння справы стала размяшчэнне на сайце Праваабарончага цэнтру “Вясна” матэрыялу пра 10 снежня – Міжнародны Дзень правоў чалавека, калі гарадзенскія праваабаронцы сфатаграфаваліся ў падтрымку зняволенага Алеся Бяляцкага.

20.12.2012 Усіх міліцыянтаў і судьдзяў «плошчы» назвалі пайменна

Іх прозьвішчы, а таксама падрабязнасьці адміністратыўных арыштаў і судовых працэсаў, якія адбыліся ў выніку падзеяў 19 сьнежня 2010 году сабраў у грунтоўных даследаваньнях Цэнтар прававой трансфармацыі.

19.12.2012 На Кастрычніцкай плошчы затрыманая Ніна Багінская

Грамадзкая актывістка Ніна Багінская была затрыманая міліцыянтамі на Кастрычніцкай плошчы без 20 хвілінаў 20 гадзінаў. Паводле сьведак, актывістку адвезьлі ў Цэнтральны РАУС, але дагэтуль пра яе месца знаходжаньня невядома.

19.12.2012 Затрыманне на акцыі АГП у Менску

АГП зладзіла акцыю «У нас скралі выбары, каб прадаць краіну». Раздача інфармацыйных матэрыялаў прайшла каля Камароўскага рынка.

19.12.2012 Затрыманых у Віцебску актывістаў БХД абвінавачюць у дробным хуліганстве

Затрыманых у Віцебску актывістаў БХД Станіслава Лаўрэнава і Аляксея Кішчука абвінавачваюць у дробным хуліганстве -- "нецэнзурнай лаянцы". Затрыманьне адбылося каля 11 раніцы, але суду над затрыманымі так і не было. Абодвух змясцілі ў ізалятар часовага ўтрымання прынамсі на бліжэйшую ноч. Ці будзе суд заўтра, хлопцам не кажуць таксама.

19.12.2012 З нагоды ўгодкаў Плошчы акцыі пройдуць у Варшаве, Празе, Стакгольме

У сераду а 17-й гадзіне на Замкавай плошчы ў Варшаве адбудзецца акцыя салідарнасці з палітвязнямі, у Празе на Старамнесцкай плошчы акцыя пачалася а 14-й гадзіне, у Стакгольме - літаратурны марафон у падтрымку свабоды слова ў Беларусі, прысвечаны Плошчы.

19.12.2012 Фюле твіціць у падтрымку беларускіх палітвязьняў

Эўракамісар Штэфан Фюле з нагоды гадавіны Плошчы напісаў у сваім твітэры: «Спрабую глядзець наперад, але ўспаміны пра прэзыдэнцкія выбары 2010-га не зьнікаюць. Усе палітычныя зьняволеныя павінны быць вызваленыя і рэабілітаваныя».

19.12.2012 У Мастоўскім раёне ДАІ “палюе” на раварыстаў

У Мастоўскім раёне супрацоўнікі дарожнай аўтаінспекцыі пачалі сапраўднае паляванне на раварыстаў. У мястэчку Луна за з’яўленне на дарозе на ровары былі аштрафаваныя два мясцовыя жыхары – адзін на 100 тысяч рублёў, іншы – на 300 тысяч. Пры тым міліцыянты не тлумачылі, што канкрэтна парушылі вяскоўцы.

19.12.2012 У Віцебску затрымалі двух прыхільнікаў БХД

Аляксей Кішчук і Станіслаў Лаўрэнаў знаходзяцца ў Першамайскім РАУС. Машыну, якой кіраваў Лаўрэнаў, спыніла ДАІ. Інспэктары вырашылі праверыць дакумэнты і ў кіроўцы і ў пасажыра.

19.12.2012 Візіт у Мінск еўрачыноўніка наўрад ці пацягне за сабой вызваленне палітзняволеных, мяркуюць эксперты

Візіт у Мінск дырэктара дэпартамента Расіі, Усходняга партнёрства, Цэнтральнай Азіі, рэгіянальнага супрацоўніцтва і АБСЕ Еўрапейскай службы знешніх дзеянняў Гунара Віганда наўрад ці пацягне за сабой вызваленне палітзняволеных, мяркуюць аналітыкі.

19.12.2012 Баранавічы: да другой гадавіны Плошчы актывісты наведалі бацьку Мікалая Статкевіча

Да другой гадавіны падзей 19 снежня ў Мінску баранавіцкія грамадскія актывісты наведалі бацьку экс-кандыдата ў прэзідэнты Мікалая Статкевіча -- Віктара Паўлавіча. Віктар Паўлавіч паведаміў гасцям, што кожны тыдзень атрымоўвае лісты ад сына і стараецца своечасова яму адказваць.