Праваабарончы цэнтр «ВЯСНА»

07.04.2013 Францкевіч у турме стаў пісьменнікам

Палітвязень ужо больш за месяц знаходзіцца ў памяшканні камернага тыпу.

07.04.2013 Кшыштаф Занусі: Палітычны пераслед навукоўцаў недапушчальны

Вядомы польскі рэжысёр падтрымаў беларускіх выкладчыкаў, якія страцілі працу праз свае погляды.

07.04.2013 Amnesty International звярнулася ў суд за забарону пікету ля амбасады Беларусі

Міжнародная праваабарончая арганізацыя аспрэчыць у судзе адмову ўладаў Масквы ў правядзенні пікету ля беларускай амбасады.

07.04.2013 14 гадоў таму памёр Генадзь Карпенка

6 красавіка спаўняецца 14 гадоў з дня раптоўнай смерці Генадзя Карпенкі.

07.04.2013 Пераможца «Эўрабачаньня» Ларын са сцэны вітала Бяляцкага

Швэдзкая сьпявачка Ларын выказала салідарнасьць з праваабаронцам Алесем Бяляцкаму падчас канцэрту ў Стакгольме.

06.04.2013 Гарадскі бюджэт Брэста часткова “рассакрэцілі”, але не для ўсіх

Пасля таго, як група жыхароў Брэста паскардзілася ў абласны Савет дэпутатаў на нежаданне гарадскіх уладаў азнаёміць грамдскасць з мясцовым бюджэтам, яго надрукавалі ў газеце “Брестский вестник”.

06.04.2013 Бабруйск: Журналіст "Бабруйскага кур'ера" будзе абскарджваць рашэнне суда

Віктару Качану, журналісту "Бабруйскага кур'ера" мясцовы суд адмовіў у грашовай каменсацыі за нанесеную маральную шкоду. Яго патрабаванні прызналі неабгрунтаванымі.

05.04.2013 У Расіі працягваюцца забароны выступаў непажаданых рок-музыкаў з “тэхнічных прычынаў”

“Такіх дзівакоў, як вы, хутка змые жыццё ва ўнітаз гісторыі, з вядомых ужо ўсім нам “тэхнічных прычынаў", - праракае лідэр ДДТ губернатару Бранскай вобласці, які забараніў выступы гурта. Пра прычыны адмены канцэртаў Юрый Шаўчук 4 красавіка выказаўся у сваім блогу на сайце “Эха Масквы”.

05.04.2013 Віцебскі абласны суд адхіліў скаргу Леаніда Аўтухова

Старшыня абласной арганізацыі партыі БНФ хацеў абскардзіць рашэнне суду Кастрычніцкага раёну: 25 сакавіка суддзя Іна Грабоўская пакарала яго пяццю суткамі арышту за быццам бы парушэнне заканадаўства аб масавых мерапрыемствах.

05.04.2013 У Беларусі будзе створана адзіная сістэма судова-медыцынскай экспертызы

Канчатковы праект указа павінен быць распрацаваны на працягу месяца.

05.04.2013 Менчукі аб’ядноўваюцца супраць ушчыльненьня

Ініцыятыўныя групы грамадзян, якія пратэстуюць супраць палітыкі ўшчыльненага будаўніцтва ў Менску, падпісалі мэмарандум аб супрацоўніцтве і ўзаемадапамозе. Пры пасярэдніцтве кампаніі «Эўрапейская пэрспэктыва» яны жадаюць уплываць на горадабудаўнічую палітыку Менгарвыканкаму.

05.04.2013 Што чакае чалавека з інваліднасцю ў турме, у палітыцы і на працы?

Кіраўнік Офіса па правах людзей з інваліднасцю Сяргей Драздоўскі тлумачыць, чаму інваліды не выходзяць на вуліцу, не могуць знайсці працу ці стаць дэпутатамі.

05.04.2013 Марк Нопфлер адмяніў канцэрты ў Расіі з-за пераследу праваабаронцаў

Заснавальнік гурта Dire Straits заявіў, што пратэстуе супраць пераследу расійскімі ўладамі праваабарончых арганізацый. Канцэрты Нопфлера мусілі прайсці ў Маскве і Санкт-Пецярбургу сёлета ў чэрвені.

05.04.2013 Еўрадэпутат заклікае польскія ўніверсітэты ўзяць на працу Ігара Кузьмініча

З такой прапановай Марэк Мігальскі звярнуўся да рэктараў польскіх дзяржаўных і прыватных вышэйшых навучальных установаў. Ён просіць па магчымасці ўладкаваць на працу Ігара Кузьмініча ды іншых навукоўцаў, якіх пераследуе беларуская ўлада.

05.04.2013 Сайт магілёўскай “Вясны” працуе па-ранейшаму

Сайт магілёўскага аддзялення Праваабарончага цэнтру “Вясна” цалкам аднавіў сваю працу. Вернута выдаленая за 2 гады інфармацыя, знішчаныя паклёпніцкія артыкулы, што былі размешчаныя невядомымі асобамі. Спецыялісты займаюцца павышэннем ягонай бяспекі.