Праваабарончы цэнтр «ВЯСНА»

22.05.2013 Баранавіцкі райвыканкам другі раз забараніў Мілавідскі фэст

Баранавіцкі райвыканкам другі раз забараніў Мілавідскі фэст, прысвечаны 150-м угодкам Мілавідскай бітвы 1863 года. Раней мы паведамлялі, што культурна-асветніцкае мерапрыемства было запланавана грамадскасцю горада і раёна першапачаткова на 2 чэрвеня, але райвыканкам забараніў яго правядзенне.

22.05.2013 Хоцімскіх актывістаў вучылі адстойваць свае правы

18-19 траўня ў Хоцімску прайшоў праваабарончы семінар-вучоба, прысвечаны розным аспектам крымінальнага і адміністрацыйнага заканадаўства. Удзел у навучанні прынялі мясцовыя актывісты кампаніі “Гавары праўду” і Партыі БНФ.

22.05.2013 З актывістам незалежнага прафсаюза на прадпрыемстве “Граніт” не працягнуты кантракт

Сам экскаватаршчык Леанід Дубаносаў даведаўся пра гэта ўвечары 21 траўня, калі ўпершыню выйшаў на працу пасля адпачынку, аднак не быў дапушчаны на сваё месца для выканання службовых абавязкаў у начную змену.

22.05.2013 Дакладчык Еўрапарламента рэкамендуе прыпыніць санкцыі ЕС у дачыненні да ключавых беларускіх чыноўнікаў

Дакладчык дэлегацыі Еўрапарламента (ЕП) па Беларусі Юстас Палецкіс прапануе прыпыніць санкцыі ЕС у дачыненні да ключавых беларускіх чыноўнікаў. Такая рэкамендацыя ўтрымліваецца ў дакладзе, які еўрадэпутат падрыхтаваў для Савета ЕС, Еўракамісіі і Службы знешніх дзеянняў, аб далейшай палітыцы Еўрасаюза ў дачыненні да Беларусі.

22.05.2013 Штраф за «Пагоню» на гаўбцы — 200 тысяч

Адміністрацыйная камісія Глыбоцкага райвыканкаму аштрафавала былога настаўніка матэматыкі Мар’яна Місевіча за тое, што ён размаляваў свой гаўбец пад нацыянальны сьцяг ды прымацаваў на ім «Пагоню». У пратаколе гэта было названа «парушэньнем архітэктурнага рашэньня» будынка. Спадара Місевіча пакаралі штрафам памерам 2 базавыя велічыні — 200 тысяч рублёў.

21.05.2013 Тамара Сяргей: Працэс запалохвання набірае абароты

Актывістка Грамадзянскай ініцыятывы супраць беззаконня ў судах і пракуратуры з горада Мазыра (Гомельская вобласць) Галіна Герасімава атрымала вуснае папярэджанне за ўдзел у дзейнасці незарэгістраванага грамадскага аб'яднання ад першага намесніка пракурора Гомельскай вобласці Вадзіма Сушчынскага.

21.05.2013 Мытнікі правялі асабісты дагляд ЛГБТ-актывіста

21 мая Аляксея Куліка знялі з цягніка пры перасячэнні ўкраінска-беларускай мяжы на станцыі Церуха. Пры асабістым мытным даглядзе незаконных для перамяшчэння прадметаў знойдзена не было.

21.05.2013 Мінскі гарадскі суд пакінуў скаргу Ярашэвіча без задавальнення

Сёння ў Мінскім гарадскім судзе разгляд касацыйных скаргаў журналіста Аляксандра Ярашэвіча і блогера Дзмітрыя Галко, затрыманых 6-га мая побач з ізалятарам часовага ўтрымання на Акрэсціна.

21.05.2013 Front Line Defenders выступае супраць парушэння ўмоваў зняволення Алеся Бяляцкага

Праваабарончая арганізацыя Front Line Defenders 20 траўня распаўсюдзіла заяву з нагоды новых выпадкаў выкарыстання дысцыплінарных захадаў з боку адміністрацыі калоніі ў дачыненні да палітвязня Алеся Бяляцкага.

21.05.2013 У Магілёве БСДП пачала судзіцца з начальнікам інтэрнатаў “Магілёўаблсельбуда”

Нагодай для гэтага стала публічнае выказванне Паўла Шышова ў СМІ аб тым, што партыя з’яўляецца “бандай”. Павел Шышоў таксама звольніў за палітыку актывіста БСДП Мікалая Залознага. На дадзены момант ён спрабуе выселіць яго з інтэрната.

21.05.2013 Прызначана касацыя па справах Ярашэвіча і Галко

Як стала вядома прэс-службе ГА “БАЖ”, касацыйны разгляд адміністратыўных спраў адбудзецца ў аўторак, 21 мая, у Мінскім гарадскім судзе а 15.00.

21.05.2013 Глыбокае: камісія вызначыць пакараньне за «Пагоню»

У Глыбоцкім райвыканкаме адбудзецца пасяджэньне адміністрацыйнай камісіі, на якое выкліканы жыхар пасёлка Падсьвільле Мар’ян Місевіч. Яго вінавацяць у парушэньні «архітэктурнага рашэньня» шматпавярховіка, дзе ён жыве — за тое, што размаляваў гаўбец пад нацыянальны сьцяг ды прымацаваў «Пагоню».

21.05.2013 Юрый Зісер: Tut.by дае Аператыўна-аналітычнаму цэнтру доступ да пошты карыстальнікаў

Па яго словах, любая арганізацыя, уключаючы інтэрнэт-правайдараў, абавязаная падаваць інфармацыю на канкрэтныя асоб, калі ёсць адпаведныя заканадаўству запыты праваахоўнікаў. Колькасць канкрэтных запытаў Зісер не назваў.

21.05.2013 Баранавіцкія чыноўнікі не збіраюцца уводзіць плату за наведванне паліклінік

Як паведаміў лідэр брэсцкіх сацыял-дэмакратаў Ігар Маслоўскі, сам спадар Дзічкоўскі не адрэагаваў на зварот актывістаў кампаніі, але яго намеснік у сваім адказе паведміў, што рашэнне, якое б прыводзіла да зменаў у працы медыцынскіх установаў горада, гарвыканкамам не прымалася.

21.05.2013 Гомель: праваабаронца заявіў пазоў у суд на карысць работніцы БМЗ, каб спагнаць з яе працадаўцы пенсію

Праваабаронца Леанід Судаленка падрыхтаваў і падаў пазоў у суд Жлобінскага раёну на карысць работніцы Беларускага металургічнага завода (БМЗ) Марыі Міраеўскай з патрабаваннем спагнаць з яе працадаўцы пенсію больш чым за чатыры гады.