Праваабарончы цэнтр «ВЯСНА»

04.08.2013 Лісты праваабаронцы з-за кратаў

“Пісаць пра падзеі 2010–2011 гадоў і лёгка, бо яны, здаецца, добра-такі адбіліся ў маёй памяці, і цяжка, бо ўсё ж час няўмольна зьядае сьвежыню эмоцыяў, сотні і тысячы дробных дэталяў, якія ствараюць шматфарбную карціну жыцьця. Набягаюць новыя падзеі, новыя ўражаньні, якія адцясьняюць і заціраюць старыя”.

04.08.2013 Гомель: праваабаронца правёў акцыю салідарнасці з Алесем Бяляцкім (фота)

Гомельскі праваабаронца Анатоль Паплаўны 4 жніўня правёў у абласным цэнтры акцыю салідарнасці з Алесем Бяляцкім. Ён распаўсюдзіў сярод жыхароў Гомеля некалькі соцень паштовак з інфармацыяй аб вядомым праваабаронцы, палітычным вязні, які быў арыштаваны беларускімі 4 жніўня 2011 года.

04.08.2013 “Вясна” патрабуе неадкладнага і безумоўнага вызвалення Алеся Бяляцкага і ўсіх палітычных зняволеных.

Пазбаўленне волі і ўжыванне іншых спосабаў рэпрэсій за перакананні, грамадскую і палітычную дзейнасць з’яўляецца сведчаннем няздольнасці ўладаў да выбудоўвання дэмакратычнага і плюралістычнага грамадства, імкнення да знішчэння любога іншадумства, глыбокага крызісу прававой сістэмы краіны.

04.08.2013 Затрыманні пасля акцыі салідарнасці ў Магілёве

Грамадская актывістка Дзіяна Якаўлева была затрымана супрацоўнікамі АМАП і дастаўленая ў апорны пункт па вул. Крыленкі. Праваабаронцы Барыс Бухель і Аляксей Колчын высвятляюць абставіны на месцы.

04.08.2013 Адменена пастанова аб пакаранні штрафам Валерыя Вусіка за паклёп і распаўсюд незалежнага выдання

Старшыня Магілёўскага абласнога суда пастанавіў адмяніць рашэнне суда Бялыніцкага раёна ад 29 сакавіка 2013 года і рашэнне Магілёўскага абласнога суда ад 25 красавіка 2013 года і накіраваць справу на новы разгляд у суд Бялыніцкага раёна да другога суддзі.

04.08.2013 З Міколы Статкевіча здымаюць статус “злоснага парушальніка рэжыму”

Палітвязню вяртаюць дадатковыя сродкі на “атаварку”, паведаміла жонка палітзняволенага Марына Адамовіч.

04.08.2013 Дзень салідарнасці з грамадзянскай супольнасцю Беларусі ў Маскве

Сёння адбудзецца круглы стол з удзелам праваабаронцаў і экспертаў, якія займаюцца праблемай правоў чалавека і развіцця грамадзянскай супольнасці ў Беларусі. Таксама чакаецца адкрыццё фотавыставы «Салідарнасць мацнейшая за рэпрэсіі».

04.08.2013 Два гады таму быў арыштаваны Алесь Бяляцкі

Сёння спаўняецца роўна два гады з моманту арышту Алеся Бяляцкага — віцэ-прэзідэнтаМіжнароднай федэрацыі правоў чалавека, кіраўніка закрытага беларускімі ўладамі праваабарончага цэнтра «Вясна».Да гэтай даты прымеркаваны Міжнародны дзень салідарнасці з грамадзянскай супольнасцю Беларусі.

04.08.2013 БХД: Патрабуем даць інфармацыю пра лёс ксяндза Лазара!

Аргкамітэт па стварэнні партыі "Беларуская Хрысціянская Дэмакратыя" патрабуе ад КДБ даць грамадскасці поўную інфармацыю адносна лёсу затрыманага ксяндза Уладзіслава Лазара.

04.08.2013 Еўрадэпутаты выступілі з заявай з нагоды Міжнароднага дня салідарнасці з Беларуссю

Па ініцыятыве дэпутата Марэка Мігальскага і праваабарончай арганізацыі Libereco - Partnership for Human Rights 15 дэпутатаў зрабілі заяву аб сітуацыі з правамі чалавека ў Беларусі.

04.08.2013 БАЖ накіравала зварот кіраўніку Папраўчай калоніі №2 у Бабруйску

Сябры журналісцкай арганізацыі адзначаюць, што па атрыманай інфармацыі нядаўна адміністрацыяй калоніі да зняволенага праваабаронцы былі прымененыя неабгрунтаваныя меры пакарання.

03.08.2013 Заява Дзяржадэпартамента ЗША з нагоды другой гадавіны з дня арышту Алеся Бяляцкага

4 жніўня – другая гадавіна арышту Алеся Бяляцкага, старшыні вядучай беларускай праваабарончай арганізацыі ПЦ “Вясна” і лаўрэата Прэміі Дзяржаўнага дэпартамента ў галіне абароны правоў чалавека за 2011 год. Бяляцкі аказваў прававую і практычную падтрымку ахвярам палітычных рэпрэсій і іх сем'ям, і рэгістраваў парушэнні правоў чалавека.

03.08.2013 Смалявічы: подпісы «нязгодных» перададзеныя ў райвыканкам

У пятніцу, 2 жніўня, актывісты руху па зборы подпісаў пад зваротам да ўладаў аб пераносе месца будаўніцтва Кітайска-беларускага індустрыяльнага парку перадалі ў Смалявіцкі райвыканкам подпісы 749 нязгодных.

03.08.2013 Барысаўская праваабаронца не змагла даведацца, дзе ўтрымліваецца ксёндз Уладзіслаў Лазар

Не змагла высветліць, у якім горадзе змяшчаецца ксёндз, каб перадаць яму неабходныя рэчы, і праваабаронца Марына Статкевіч, актыўная прыхаджанка барысаўскага касцёла Нараджэння Святой Панны Марыі.

03.08.2013 Гродна: пікет забаронены, участковы папярэджвае пра адказнасць

Гарадзенскія праваабаронцы апошнімі ў краіне атрымалі адмову на правядзенне пікету 4 жніўня ў падтрымку зняволенага кіраўніка ПЦ “Вясна” Алеся Бяляцкага. Адпаведны ліст з гарвыканкаму прыйшоў праз пошту сёння, 3 жніўня.