Праваабарончы цэнтр «ВЯСНА»

28.08.2013 Віцебскага незалежнага журналіста Уладзіміра Жыгулова выклікалі ў пракуратуру

Позву ён атрымаў на 3-га верасня і патэлефанаваў у пракуратуру па нумары, указаным на бланку. Але яму адмовіліся тлумачыць непасрэдныя прычыны выкліку.

28.08.2013 Ігар Пастноў паведаміў пра пачатак прымусовага псіхіятрычнага лячэння

Суд Віцебскага раёну санкцыянаваў магчымасьць такога лячэння “на вырашэнне ўрачоў” толькі 21 жніўня. Рашэнне гэтага суду яшчэ не ўступіла ў законную сілу, аднак ў Віцебскім псіхіятрычным шпіталі, паводле словаў Ігара Пастнова, ужо пачалі яго выконваць.

28.08.2013 Суд не задаволіў патрабаванні Сырыцы да дзяржаўнай газеты “Наш край”

Суд Баранавіцкага раёна і горада Баранавічы 27 жніўня не задаволіў усе патрабаванні Віктара Сырыцы да дзяржаўнай газеты “Наш край”.

28.08.2013 Начальніку АУС Кастрычніцкага раёна Віцебска строга ўказана за спазненне на асабісты прыём грамадзян

Упраўленнем унутраных спраў Віцебскага аблвыканкама праведзена праверка, па выніках якой начальніку аддзела ўнутраных спраў адміністрацыі Кастрычніцкага раёна г.Віцебска падпалкоўніку міліцыі Шаховічу А.І. строга ўказана на недапушчэнне надалей фактаў несвоечасовага пачатку правядзення асабістага прыёму грамадзян.

28.08.2013 Палітвязень Зміцер Дашкевіч выйшаў з турмы

Праваабарончы цэнтр "Вясна" шчыра вітае Зміцера Дашкевіча з вызваленнем і зычыць яму плёну ў грамадска-палітычным жыцці, хуткай адаптацыі і добрых сямейных стасункаў!

27.08.2013 Менгарсуд пакінуў без задавальнення скаргу праваабаронцы Тацяны Равякі

У Менскім гарадскім судзе сёння адбыўся разгляд касацыйнай скаргі правабаронцы Таццяны Равякі на вынесены ёй 6 жніўня прысуд: тры мільёны рублёў штрафу. Суддзя Аляксей Бычко пакінуў пастанову суда Савецкага раёна Менска без зменаў, а скаргу без задавальнення.

27.08.2013 Віцебскія апазіцыйныя актывісты збіраюць подпісы да пракурора

"Мы пішам, што былі парушаны правы Ігара Пастнова – гэта і права на незалежнае судовае разбіральніцтва, і права на юрыдычную дапамогу. Бо на судовы працэс яго не прывозілі, не было там і ягонага прадстаўніка, адваката. Парушана, на нашу думку, і права на свабоднае выказванне думак і меркаванняў".

27.08.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу”: за што затрымалі журналіста БелаПАН Васіля Сямашку і як змяніліся ўмовы ўтрымання Арцёма Пракапенкі. Падзея тыдня - арышт актывіста Уладзіміра Яроменка. Госця рубрыкі "Асоба. Дзяржава. Грамадства" Валянціна Акуліч, год таму яе сын памёр у ізалятары часовага ўтрымання Светлагорскага РАУС.

27.08.2013 Леанід Аўтухоў звярнуўся да заканадаўцаў не забараняць байкот

"Калі ж у беларускім заканадаўстве з’явіцца адміністрацыйнае пакаранне за агітацыю байкатаваць выбары, то выканаўчая ўлада займее дадатковы рычаг забеспячэння яўкі грамадзян на выбарчыя ўчасткі".

27.08.2013 Сярод трох намінантаў на прэмію Вацлава Гавэла па правах чалавека – Алесь Бяляцкі

Зняволены старшыня Праваабарончага цэнтру “Вясна” Алесь Бяляцкі, Асацыяцыя маладых юрыстаў (Грузія) і Rights Defence Network (Кітай) з'яўляюцца трыма кандыдатамі на прэмію Вацлава Гавэла па правах чалавека.

27.08.2013 Сябры “Маладога Фронту” рыхтуюць сустрэчу Змітру Дашкевічу

Cябры «Маладога Фронту» збіраюцца прыбыць у сераду 28 жніўня ў Гародню, каб сустрэць свайго лідара Змітра Дашкевіча, які ў гэты дзень павінен выйсці з турмы.

27.08.2013 Паскардзілася ў Міністэрства адукацыі — страціла працу

Настаўніца з Горацкага раёну Жана Шчарбініна, якая паскардзілася ў Міністэрства адукацыі на адміністрацыю Аўсянкаўскай сярэдняй школы, напісала заяву на звальненне.

27.08.2013 Гомель: міліцыя адмовілася ахоўваць пікет «Справядлівага свету»

Міліцэйскае ведамства патлумачыла, што не можа заключыць дамову ў сувязі з адсутнасцю магчымасці выдзеліць у дадзены перыяд неабходную колькасць супрацоўнікаў са складу органаў унутраных спраў. На пікет былі заяўлены тры чалавекі.

27.08.2013 Вярхоўны суд адхіліў касацыйную скаргу Андрэя Гайдукова

Сёння Вярхоўны суд разглядаў касацыйную скаргу Гайдукова і пакінуў прысуд бяз зменаў. 1 ліпеня на закрытым судовым паседжанні актывіста з Наваполацка прызналі вінаватым у замаху на ўстанаўленне кантактаў з супрацоўнікам замежнай спецслужбы без прыкметаў здрады дзяржаве.

27.08.2013 Баранавічы: Мікола Чарнавус аштрафаваны за прадпрымальніцкія страйкі

Суд не прызнаў грамадскага актывіста Мікалая Чарнавуса вінаватым у арганізацыі несанкцыянаваных акцый пратэсту прадпрымальнікаў, але прызнаў яго актыўным удзельнікам і прысудзіў яму адміністрацыйны штраф у памеры 21 базавай велічыні (2 100 000 рублёў).