Праваабарончы цэнтр «ВЯСНА»

21.10.2013 Старшынёй МХД пераабраная Марына Хоміч

Сустаршыня аргкамітэту па стварэньні партыі «Беларуская хрысьціянская дэмакратыя» Віталь Рымашэўскі назваў Марыну Хоміч «новым тварам у беларускай маладзёвай палітыцы».

21.10.2013 Санкцыі ЕС супраць Мінска будуць працягнутыя аўтаматычна

Візавыя і эканамічныя санкцыі ЕС супраць беларускіх уладаў будуць працягнутыя аўтаматычна яшчэ на адзін год, пачынаючы з лістапада.

21.10.2013 Алесь Бяляцкі. Навеянае “Жыцьцём Ліліяны Лунгіной…”

“Пераказ ці цытаваньне некаторых эпізодаў з каментаром” – так Алесь Бяляцкі вызначае жанр гэтага тэксту, які стаў водгукам на кнігу “Падрадкоўнік: Жыцьцё Ліліяны Лунгіной, якое яна распавяла ў фільме Алега Дормана” (М. 2010).

21.10.2013 За адмову здаваць экзамен па ідэалогіі — крымінальная справа

9 лістапада ў яго канчаецца кантракт, які ён вырашыў не працягваць. Маёр ужо прайшоў атэстацыйную камісію перад звальненнем, якая дазволіла яму звольніцца, і збіраўся спакойна пакінуць шэрагі памежнікаў. Ад выканання сваіх службовых абавязкаў Аляксей Касцюкоў не адмаўляўся, але заліку па ідэалогіі вырашыў праігнараваць. За што атрымаў строгую вымову ад камандзіра.

21.10.2013 У Вільні пройдзе Базавы курс па правах чалавека з вядомым праваабаронцам Андрэем Юравым

Запрашаем на Базавы курс па правах чалавека і дзеянняў у абарону грамадскіх інтарэсаў у Вільні 25 кастрычніка 2013 года. Дэдлайн падачы анкет 22 кастрычніка.

21.10.2013 Уладзімір Лабковіч настойвае на пакаранні суддзі

Сябра ПЦ "Вясна" Уладзімір Лабковіч накіраваў у Мінгарсуд скаргу, у якой просіць прыцягнуць да адказнасці суддзю Савецкага райсуда Эдуарда Якубоўскага, які пазбавіў яго магчымасці абскардзіць у касацыйным парадку пастанову пра штраф за распаўсюд інфармацыі пра палітвязня Алеся Бяляцкага.

21.10.2013 Ігар Пастноў: "Мы абсалютна бяспраўныя сёння"

У інтэрнэце з'явіўся чарговы відэазварот віцебскага ўрача Ігара Пастнова да землякоў. Пасля прымусовага псіхіятрычнага лячэння "урач-праўдаруб", як называюць яго журналісты, па-ранейшаму смела агучвае свае думкі пра сітуацыю, у якую трапіў. З пастаўленым яму дыягназам урач нязгодны, таму не хавае яго ад грамадскасці.

20.10.2013 У Воршы пададзена заяўка на пікет па праблеме аварыйнага маста

Актывіст аргкамітэту па стварэнні партыі БХД Яўген Анішчанка і актывіст Руху "За свабоду" Юры Нагорны падалі заяўку ў Аршанскі райвыканкам. Яны лічаць, што даўно наспеўшая праблема рамонту аварыйнага маста праз Днепр вымагае самай пільнай увагі грамадскасці.

20.10.2013 Затрыманых у Мінску журналістаў вызвалілі

Раніцай у суботу, 19 кастрычніка, на платформе мінскага чыгуначнага вакзала міліцыя затрымала прэс-сакратара ГА "БАЖ" і журналіста часопіса "Абажур" Барыса Гарэцкага, журналістаў "Еўрарадыё" Алеся Пілецкага і Віталя Ругайна, фатографа Аляксандра Васюковіча, фотакарэспандэнта "Нашай Нівы" Сяргея Гудзіліна, журналістку Надзею Гацак, карэспандэнтаў БелаПАН Андрэя Корсака і Захара Шчарбакова, карэспандэнта "Радыё Свабода" Ягора Маёрчыка і іншых.

19.10.2013 Праваабарончы цэнтр “Вясна” вітае Паўла Севярынца на волі!

19 кастрычніка сустаршыня аргкамітэта па стварэнні партыі "Беларуская хрысціянская дэмакратыя" (БХД) палітвязень Павел Севярынец вызвалены са спецкамендатуры № 7 у вёсцы Куплін Пружанскага раёна Брэсцкай вобласці, дзе адбываў трохгадовае пакаранне за ўдзел у падзеях 19 снежня 2010 года.

18.10.2013 Чарговы чыноўнік з усходняй Магілёўшчыны паспрабаваў “наехаць” на ДАІ

Начальнік аддзела арганізацыйна-кадравай работы Крычаўскага райвыканкама Дзмітрый Сердзюкоў напачатку кастрычніка здзейніў парушэнне правілаў дарожнага руху, за што супрацоўнікамі мясцовай ДАІ на яго быў складзены пратакол аб адміністрацыйным правапарушэнні і накладзены адпаведны штраф.

18.10.2013 «Кроў за кроў» vs права на жыццё. Што вырашыць Вярхоўны Суд?

18 кастрычніка ў Вярхоўным Судзе адвакат асуджанага да смяротнай кары Аляксандра Грунова заклікаў суддзяў: «... каб, калі будзеце прымаць канчатковае рашэнне, кіраваліся толькі законам, а не эмоцыямі. Прынцып Таліёна «кроў за кроў» адышоў у старажытнасць». Якім будзе рашэнне Вярхоўнага Суда, стане вядома 22 кастрычніка.

18.10.2013 Сустрэча з Паўлам Севярынцам адбудзецца ў аўторак 22 кастрычніка

Сустаршыня Беларускай Хрысціянскай Дэмакратыі Павал Севярынец запрашае сябраў, партыйцаў і журналістаў на сустрэчу ў Менску 22 кастрычніка а 18.30 па адрасе Чарнышэўскага 3.

18.10.2013 Івацэвічы: скаргі як падстава змяшчэння ў псіхбальніцу

Усё часцей фіксуюцца факты змяшчэння няўгодных грамадзян у псіхлячэбніцы.У Івацэвіцкім раёне быў змешчаны на тыдзень у псіхбальніцу жыхар вёскі Вялікая Гаць Валянцін Кавальчук. Калі ён спытаў у сябра камісіі ў псіхбальніцы, чаму яму паставілі такі дыягназ, адказ быў наступным: шмат пішаш скаргаў і не збіраешся спыняцца.

18.10.2013 Рашэнне Вярхоўнага суда па скарзе асуджанага за забойства агучаць 22 кастрычніка

Вярхоўны суд Беларусі 18 кастрычніка разгледзеў касацыйную скаргу жыхара Гомеля Аляксандра Грунова, асуджанага да выключнай меры пакарання за забойства студэнткі. Канчатковае рашэнне будзе агучанае 22 кастрычніка ў 15 гадзін. Падрабязнасці – пазней на нашым сайце.