Праваабарончы цэнтр «ВЯСНА»

10.12.2013 Магілёў: пададзена скарга з нагоды парушэння закона аб мовах

У Магілёве на беларускамоўную скаргу адказалі па-руску. З гэтай нагоды намеснік старшыні Беларускай сацыял-дэмакратычнай партыі (Грамады) Ігар Барысаў напісаў скаргі ў магілёўскую пракуратуру, Магілёўскі аблвыканкам і Міністэрства транспарту і камунікацый.

10.12.2013 Жыхароў Баранавічаў павіншавалі з Днём правоў чалавека (фота)

Нягледзячы на афіцыйную забарону ў правядзенні пікета 10 снежня, праваабаронцы і грамадскія актывісты Баранавічаў правялі акцыю ў гонар 65-х угодкаў Усеагульнай Дэкларацыі правоў чалавека.

10.12.2013 Грамадзкага актывіста Ільлю Дабратвора затрымалі

Грамадзкага актывіста Ільлю Дабратвора затрымалі. Яму пагражае да 15 сутак арышту за пікет салідарнасьці з «Эўрамайданам».

10.12.2013 У Дзяржынску прайшоў адзіночны пікет у падтрымку палітвязняў

8 снежня акцыю правёў актывіст кампаніі “Разам для Беларусі” Аляксандр Тарнагурскі.

10.12.2013 У Дзень правоў чалавека апазыцыянэру падарылі штраф

10 сьнежня судзьдзя Навабеліцкага раённага суду Гомеля Тацяна Шаўчэнка аштрафавала грамадзкага актывіста, сябра Аб’яднанай грамадзянскай партыі Ўладзімера Шыцікава на 2,6 мільёны рублёў (20 базавых велічыняў).

10.12.2013 Валянцін Лазарэнкаў: Незалежныя прафсаюзы працягваюць сваю дзейнасць

Толькі дэмакратычныя прафсаюзы змагаюцца з парушэннямі правоў працоўных у Беларусі. Пра гэта гаварылі на 20-годдзі Кангрэсу беларускіх дэмакратычных прафсаюзаў.

10.12.2013 Правялі эксгумацыю цела Ігара Пцічкіна, які памёр у мінскім СІЗА

Эксгумацыю правялі 4 снежня, паведамілі родныя Ігара Пцічкіна. Цяпер месяц трэба чакаць вынікаў паўторнага ўскрыцця цела.

10.12.2013 Праваабаронцы назвалі лаўрэатаў году

Лепшым адвакатам названы Гары Паганяйла, праваабаронцам - Андрэй Бандарэнка, журналістам - праграма "Маю права".

10.12.2013 «Барацьба за правы геяў — як барацьба за правы жанчын 100 гадоў таму»

Напярэдадні гей-параду, які актывісты ЛГБТ-руху мяркуюць правесьці ў Менску, Свабода зьвярнулася да прэзыдэнта Міжнароднай Фэдэрацыі правоў чалавека Карыма Лахіджы з просьбай патлумачыць праваабарончыя аспэкты барацьбы за роўныя правы геяў.

10.12.2013 Мінчукоў павіншавалі з Міжнародным днём правоў чалавека

Традыцыйна, 10 снежня, у Міжнародны дзень правоў чалавека праваабаронцы і валанцеры правялі ў цэнтры Мінска штогадовую інфармацыйную акцыю. Яны раздавалі мінакам тэксты Усеагульнай дэкларацыі правоў чалавека, друкаваныя матэрыялы на тэму смяротнага пакарання і адказвалі на пытанні, якія тычацца сітуацыі з правамі чалавека ў Беларусі.

10.12.2013 СК "не бачыць падставаў" для пакарання персаналу магілёўскай калоніі за катаванні

Такое рашэнне Следчы камітэт РБ прыняў з нагоды скаргі Людмілы Кучуры, чый муж у ПК-15 Магілёва падвяргаўся катаванням хлоркай. Пры гэтым СК нават не правёў праверкі па ўказаных у скарзе фактах.

10.12.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу”: Мінскі гей-прайд, падрыхтоўка да мясцовых выбараў, змена меры ўтрымання для ксяндза Уладзіслава Лазара. "Асоба. Дзяржава. Грамадства": госць рубрыкі – грамадская актывістка са Слуцку Зінаіда Цімошык. “Навіны палітвязняў”: Васіль Парфянкоў, Мікалай Дзядок, Эдуард Лобаў і Мікалай Статкевіч.

10.12.2013 Даклад FIDH і ПЦ “Вясна”: “Паўсюдныя парушэнні працоўных правоў і прымусовая праца ў Беларусі”

Даклад, падрыхтаваны ў выніку міжнароднай даследчай місіі, якая наведала некалькі рэгіёнаў Беларусі ў чэрвені 2013 года, канстатуе глыбокі крызіс у сацыяльна-эканамічнай сферы і паўсядзённыя парушэнні працоўных правоў грамадзянаў Беларусі. Даклад быў прадстаўлены ў Камітэт па эканамічных, сацыяльных і культурных правах ААН.

10.12.2013 Іллю Дабратвора ў Дзень правоў чалавека выклікалі ў міліцыю

Да актывіста Руху салідарнасці «Разам» Іллі Дабратвора позна ўвечары 9 снежня начакана завіталі супрацоўнікі міліцыі. Аднак дома знаходзілася жонка з непаўнагадовымі дзецьмі. Ёй паведамілі, што тэрмінова неабходна скласці пратакол апытання Іллі і доўга распытвалі, чаму мужа дагэтуль няма дома.

10.12.2013 Сітуацыя з правамі чалавека ў Беларусі. Лістапад 2013 года

У лістападзе беларускія ўлады прадэманстравалі, што не намераны змякчаць сваю пазіцыю ў сферы выканання правоў чалавека ў краіне, найперш – змяняць стаўленне да праблемы палітычных зняволеных, у тым ліку сыходзячы са знешнепалітычнага фактару.